يا شامت شماته .. زادو فوق من الأول ثباته .. وكسرة خشم
يا اللي اشمتت فيهم .. ويا فرحان يا هازي عليهم .. يا اللي اتبعت برنار وتبيهم .. ايبيعو الوطن كيفك يا احتاته .. اللي لله رفعوهن ايديهم .. ماهم كيف من صور خواته .. مع ماكين يزهو كي ايجيهم .. في الساحات فرحو بطايراته .. هذوم العز منهم ما اخطيهم .. وجاهم جي يمشي وبثباته .. انساء وارجال مولاي امعطيهم .. حب الوطن ورّثهم وراثه .. اليوم اطلعو الإحتفال بيهم .. إحتفالين وأقريب ثلاثه .. وصى الصقر قال ردو عليهم .. ما ننسوش عزه ومنجزاته .. كيف اليوم جلّاهم انسيهم .. على أرض الوطن مو زيف وخباثه .. بقوة عزم ريّح من زفيهم .. تراب الوطن واولاده وبناته .. كلاب الغرب يا فارح تبيهم .. جو واركعو ورضيو بطلباته .. والميثاق مزق ما اخشيهم .. وراه اعزقه اصّور موثقاته .. وعلي صدام قوله ماح بيهم .. وبو عمار قال امسمماته..
ليست هناك تعليقات:
إرسال تعليق