مشاركة بسيطة مني لشعراء الوطن وتلبيه لطلب بعض الاصدقاء في الرد على تصريحات ‫#‏السبسي‬ نعتذر ع التأخير وإن شاء الله تعجبكم..

انقول:
امسك ياسبسي شد ضناك .. ارود اكفاك
اللي دزيته لنا جاك
امسك    ياسبسي    واتقاه .. بشكر   الله
بذارك والمحصول أجناه
اللي     درته    فينا     تلقاه .. الله     بلاك
بليه من منتوج أرياك
حشى   مانشمت   لا  والله .. امغير قداك
انتا ذيل وتابع لاعداك
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 
امسك ياسبسي شد ضناك .. ارود اكفاك
اللي دزيته لنا جاك

امسك ياسبسي جاك الخير .. الله   كبير
امسير كونه بتساخير
افعلك      ياشين      التعبير .. ابهن كافاك
علي نيتك بالقيس عطاك
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 
امسك ياسبسي شد ضناك .. ارود اكفاك
اللي دزيته لنا جاك

امسك ياسبسي ياتعبان
عشم وادعاء م الليبيين

امسك وانسى لامن ولامان
وغفوة نوم هني للعين

ابذارك ياتابع الاخوان
احصد بيديك ولمّه زين

على الله في وسط القضبان
انشوفك ماعد تبطى زين

انتا ياداعم للجرذان
ودميه فيد الغربيين

انتا ياداعم للخيان
ويابايع للمسؤلين

انتا ياهارب من ميدان
العزة وافخار الزينين

اعرف شعب العظمى شن كان
وشن يحكو عنه الاخرين

انشد جد الذيل اردوغان
وجد الغزايه الاخرين

وسآل الفاشست الطليان
وتاريخ الجهاد اسنين

انشد حلف الناتو الجبان
اواشنطن والذيليين

امثالك من عيت الهيان
وم الدوحه والغزيين

ايام شروكم الامريكان
وبتنا نحنا مبيوعين

سند نبوكم فالميدان
طلعتو خيان ذليلين

ايام الهيبة ياتعبان
بعزه وامجاد شهيرين

امعا قايد فارس ماخان
ذكير اصلي ماباش يلين

اللي تاريخ العظمى بان
علي ايده وايد الليبيين

اللي برلسكون مُهان
اعتذاره جابه ف الحين

ركع صاغر ماعنده شان
ايحبحب تم علي ليدين

بعد طاحت تميت اتبان
علينا قلت ارهابيين

بلادك ماضيها شن كان
افرح بيا من عهد الزين

اللي ماهو فاقد عريان
الا فيت اقلال قليلين

بنستثني هل بن قردان
وقله بالحيل اشويين

وحق   اللي   عالي   مابان .. ان لو ينواك
الليبي في المنفى يلقاك
امسك ياسبسي شد ضناك .. ارود اكفاك
اللي دزيته لنا جاك