بعد قوتها
واثمار صبرها هالّلي امجاد جنتها
اربع عقود وفارضة هيبتها
وطز فوق طز تقول للرجعية
عطاها المولى ثابته خطوتها
بإرشاد صقرها بين الكبار قوية
كمّين دولة ظالمة ونوتها
اترد خاسية ردّت ندم مخزية
لافوق ديمة عالية رايتها
فكل المحافل واخذه الضوّية
وفي احداش بعد ألفين جت نكستها
وناضت الفتنة النايمة العتيّة
وراح شعبها مزق أحلاف غزتها
صليب والأعراب اذيول الأوروبية
اليوم طرطشوها صرّمو حزمتها
بغيبة إمام أمين ع القومية
صامده ثمان أشهور مافتّتها
قصف لا خيانه عافنين الفيّة
اليوم دقدقوها صخصخو صورتها
في اليوم م الكواين ننظرو في ميّة
الله لا يسامح من خرب عشتها
من عند بو شنّة وزبانيّة
ولم الحكايم كلها كلفتها
ل"فايز" اللي أمبارح مسك كرسية
اللي بيه روما رافعه كلمتها
معاه "باولو سيرا" ومحامية
ردت حليمة لوّله لعادتها
خشو بفرقاطة عليك رزيّة
والناس تصعب ع العدو حالتها
مع الأمن ملهوطة الميزانية
ندعو الله ايلم وايثبتها
وتبقى علي كلمة صلاح سويّة
واترد مجدها وافخارها وعزتها
كيف عهد بوالمختار وطنية
وكيف عهد قايدها اللي ثبّتها
وتاريخها رسّخ بمباديّة
لمها اوحدّها وماشتتها
واعلن السلطة ثابته شعبية
