يا وطنا بيوع باعوك

يا وطنا بيوع باعوك .. اقلال الحياة والدباير .. لنار كابرة خششوك .. اللي مالهم شي ضماير .. ردي حال منكوب خلّوك .. كله جرار نكبة ابراير .. في رجال ينفعو عوزوك .. قانايت حمول الغراير .. من كاس المذلات روّوك .. اللي يعذبو في الحراير .. نلقى شهدتي ذيول هانوك .. عليك نوم الانظار طاير .. اليوم الاعداء جوك دالوك .. وبرنار فيك داير وداير .. بعد حلمهم قبل يصلوك .. وراه حيل شعبك اداير .. خذو سو فرسان صانوك .. بيك وين دارن دواير .. ارفعو رايتك فوق علّوك .. واكملو بادهم حلف جاير .. من يوم غيبو انبعت مبروك .. وعالنار تدقل قدر فاير .. ايفرج الله لين ناروك .. اخرى ترد عامر وناير 

لغياب طال ياسيف الإسلام

لغياب طال ياسيف الإسلام .. والشعب بين راضخ وجالي .. والوطن بات فيدين الأقزام .. عليك وضع وضعه الحالي .. بين ظلم وأحبوس ظلّام .. وبين حرب فينا اتكالي .. الأمان راح لله الدوام .. وراحو أصحاب المعالي .. يا ناصر لكل منضام .. الوطن حالته ما توالي .. تعال شيلهن فوق الإعلام .. والعهد لولي هو التالي .. معاك شعب والجيش تكرام .. إن مازلت لوّل يشالي .. ما يهمنا قول كلّام .. يهود قبل كاين اموالي .. فاضحينا ريت الإعلام .. وين خانّا وجاء يلالي .. أنتا لوطنا راك صمّام .. الأمان موش قول وتسالي .. ما كلامنا حلم وأوهام .. ولاهو طمع في أموالي .. مثبوت يكتبن فيه الأقلام .. بحروف من ذهب راه غالي .. عليه يشهدن فيه الأيام .. وايفرج المولى العالي .. ويرد وطنا سم وأخزام .. فالجود يضربو به امثالي

يا الله الأسرى في السجون أحميهم .. وأخسف وطاتك تحت من السجان .. ويا الله لعبادك يراجو فيهم .. جيبهم وفرّحهم بعد الأحزان .. يا الله من كيد الأعداء نجيهم .. يا من منجي نوح من الطوفان .. في كل ساعة رافعين أيديهم .. أعبادك يريدو يالله الأمان .. يا الله بأمانك أتمن عليهم .. وتهلك الترك وقطر والسودان .. وكل من تأمر فالهلاك أيبيهم .. أبليه بالمرض والجوع والخذلان

انريدو جولة .. علي وطن هاللي عندهم فالطولة .. مضايقين نلقنا

انريدو طله .. علي وطن هادي جوبته منحله .. خلاء قعدته تبري اطناشر عله .. فيه ما خيال يتوق ترعي زولة .. بعيد عالحياة القاسية الممله .. بين خلق ما عاد الوفاء يرعولة .. عايشين ع الغله وسب المله .. مشو في طريق مظلمه مجولة .. يغصو بالإبره ويزمطو فالخلّه .. محللين ما حرم الله ورسولة .. حياة باسلة فيها معرم كله .. الياس والشقاء لجمامها متلولة

انريدو زيارة .. لوطن ماانداس امفيت مالخوارة .. فيه رافقت الاريل هميل القارة .. اللي زولها خايل امرافق زولة .. يزوم وسطها هااللي ثلاث افطارة .. وعند طلقها دلقمت منتولة .. شفاق سمس في مغرب لها نحمارة .. وعاد الرغاوي دايرات اسيولة .. يزق في انياب تقول باب مغارة .. عليها برم داشع اخطاه عجولة .. عليه حشوها عرمس ولم اعشارة .. وطاح وانحطز طيحة اللي مقتولة .. يدحنس وتمن ضايقات حضارة .. امحول غلالة في حطب نرعولة .. مشى جلها عدت جيوش نصارة .. كراديس يدعكن احتلن دولة .. خطرها إلا عقلي وضيق مدارة .. وسرحة أفكارة في ابرور الغولة

انريدو ياما .. وياما تكيد الشرح والفهامة .. عليها انحطو مالاعراب علامة .. مرة وتمشي للعرب مجهولة .. الحاصل غمامة نهلبو لغمامة .. وجولة كدر تهلب تجينا جولة .. لمعيشة اقسام وكل حد بأقسامة .. وكلا قسامينا احنا ميكولة .. كيف من حرث بالدين بدري عاما .. وصابة نبت زرعة ودار اسبولة .. اوين طاب فارح به وجو لمامة .. رغاطة حصد زرعة وهم فرحولة .. وصبح الدراس اصبح وغاب ظلامة .. وكوم مالرماد اصبح لقي محصولة

يا براك كاينتك اليوم كبيرة .. افدا الوطن راحو من ضناك الخيرة

يا براك الشاطي .. ياعالية في الشان مااتواطي .. سوقك رسم والفخر راه معاطي .. لفولك الخاين والعميل وغيرة .. مع اللي عطوهم م الاموال رباطي .. وخذو الدعم م التركي وباولو سيرا .. وتم المنحس في التريس يباطي ..  وبات دمهم سايل قوي تتغيرة 

الخيرة راحو .. تعلو اسماهم ماتقولي طاحو .. حصون المفاخر والامجاد اجتاحو .. حتى وكسرهم ماعد تجيه جبيرة .. لا ريبو لا هم اللي يزاحو .. نهار المنحس شين تم زفيرة .. بملو فمهم بالله اكبر صاحو .. كلتهم امنضف للكريم ضميرة

انعزيك في الاحرار .. الوافيين للفاتح ضنا الاميار .. اللي خلفولك في كنينك نار .. الناس المسامي طيبين السيرة .. لا ريبو من قصف لا طيار .. ولا كبكبو ضد الصليب وميرة .. نلقانهن فجاويهم عليك اكبار .. اللي ينفعو ماهو رديح مسيرة .. فراسين في سوق البلاء جسار .. وتمت بعدهم ضايقة الحضيرة

انعزيك في الزينين .. انتي وليبيا وجملة الليبيين .. حتى وفقدهم فاهق كبير وشين .. الله حي مايعجز علي تسكيرة .. مجدك بهم يصعب على التدوين .. اللي افداك خشو في لهيب سعيرة .. اوجعك شين من شينة الوطن اينين .. وصيور الزمان تصير له تدييرة .. ما يريد يخلا م الصيود عرين ..  وبات العنود الحر فيه وميرة

ولومنا على (بن نايل) .. و (كنه) فضيعتهم ضنا القبايل .. تعتهم يضلو كيف هالضلايل .. والله الفلك مايغلب في تدويرة .. صيور الاحرار يلايمو الوسايل .. ويرونق الوطن تصير له تخضيرة .. وصيورنا نجازوهم بهالعمايل .. وخذلت تريس الوطن والتقصيرة .. هضوم مجدهم كله مزيف زايل .. يجارو على الشهرة وعالتكبيرة

مانلومو والي  .. اللي خان في لول يخون التالي .. اللي في احداش الحلف كان اموالي .. ماايكيد ميت فالوذان صفيرة .. اللي اليوم صنعتهم لصيف بدالي .. عازقين حيطتهم من اول عيرة .. صحيح توجعك ماللي امشرق جالي .. وكيف قلبت النسوان قالب كيرة .. اللي امنينهو سيد السبيب الغالي .. قاعد امعاهم مااطول اكسيرة .. واليوم قشعو تمو بعيد جوالي .. وخلو رقيق الحال فتقطميرة .. مانطلبو فيت الكريم العالي ..  يرد وطنا والشعب ينظر خيرة

ما تقولي مصراته .. فبراير اللي غارق دماء خلاته .. دمار وطنا

ما تقول منها بس ..  قول الحقيقة كلها ما ادس .. من يوماً اللي برنار فيه عفس .. شرق وطنا ولعت النار كلاته .. ومن يومت اللي داروه هو الونس .. حلف الصليب وهو بعيد نجاته .. ومن يوم مفتيهم فتى وكرس .. ومن يوم قطّعو الشوشان فيه شماته .. ومن يومت البراني دميه رفس .. وباع ليبيا هارب امداد حياته .. ومن شوخة اللي كانو تقول اعرس .. كل يوم متفتت يزيد فتاته .. ومن يوم انطمسنا جيشنا انتكس .. اللي ما تأسر ذاب فوق وطاته .. وتم وطنا حايس وفيه اسوس .. عايلات عالفتنه وقل نباته

ماتقولي غر منها .. مامن مدن خانن اخرى اسبقنها .. فرحن بجي فرنسا حينها .. والحلف الصليبي وجي طياراته .. واميركا احداثي الجيش عطنها .. ونسين الطلياني زمان اسواته .. وقناة الجزيرة الخاينه احتونها .. وبرنار ليفي بالنساء احضناته

طولت خلوها .. وادروب من اتبع "ليفي" اليوم خذوها .. "أزلام المصالح"

وين طولت ما راجوا .. مع دروب من خانوا سعتّا فاجوا .. وتمّوا مع اللي خاينين يهاجوا .. وأصحاب العقول الثابتة كرهوها .. وبانت حقايقهم وكيف يقاجوا .. طامعين في سلطه لهم يبّوها .. بانت حقيقتهم اليوم وماجوا .. خربوا خراب برايحة مكروها .. بعد كم عام اضّامروا أنتفاجوا .. بهم في صفوف البايسة المكروها .. يردوا الخوجة خوخوا ما خاجوا .. طيحة اعديك من النظر طاحوها

يرقى خلّه .. أمنين يحرقو في أجنيه سمح الطلّه .. يذوقو غلا الأسعار

خلّه يرقا .. لين يندمو غربي الوطن وشرقه .. زعزاعة خرابه بادية من برقه .. ضاحك عليهم ضحك بو برطلّه .. حارقين وطنن وكان صاعب حرقه .. هذاك الرخاء والمجد غايب كله .. راكبين فيه اليوم نهب وسرقه .. ذيول العمالة عافنين المله .. فارق قعدد شاسع وباين فرقه .. لو ايرد لوّل كلها تنزلّه .. الإ البودري جاناا  وجتنا شرقه .. معاه مالقينا من ايقول اسم الله