وين غابن عنك
وخير حالتك هكي انظر كيفنّك
زعم في ضناك اليوم خايب ضنّك
وضنك عليك بتنجلي هالغيمة
وضنك ارياح النصر بيزورنّك
بعد هالشقاء كله وهالتغتيمة
قالت:
رايد ربي
انطيح ياعلي وان راد تو انصبي
ريت هول واجد خاطري متعبي
مامن ظليمة تابعة لظليمة
وريت خير واجد ما انريد انخبي
نحمد الله نشكر افضاله ديمة
قلت:
ريتي واجد
عارفك ومن ينشد جوابك ياجد
ومامن عدو جيشة عليك تراجد
يا العالية في الشان يا الكريمة
ومامن اللي خايب وعاود ساجد
جاك يعتذر راكع لسمحة القيمة
ونا زاد حتى انا شقاي تواجد
تمّا علي الفرح غايب ديمة
قالت:
كنّك حاير
وكنّك امغيهب متخذ شن صاير
وعليك ليش كنهن ضايقات حضاير
وانتا قبل كاين للثماير سيمة
الا اليوم متشاوم وفكرك طاير
وانت قبل ماعمرك ارضيت هزيمة
ليست هناك تعليقات:
إرسال تعليق