يانا كان اعزاز رخوني .. بيخلوني .. عبره للقّصي والدوني

كان رخاء بو دور غمار .. اندير نهار .. يصير خبر ماعمره صار .. 

انبايع بغدادي الانبار .. تريس يجوني .. نا الامير وهم يحموني 

علي شاني يخشو للنار .. فدا لعيوني .. صف بصف يطيحو دوني 

انهد علي الاوهام بثار .. انحيد اغبوني .. ما عاد اعزاز يلوموني 

نهدمهن تهديم اثار .. وما ينهوني .. لولاف سبايا ياتوني 

يباتو تحت اخطوط النار .. اللي يدموني .. ماعد بسوال يسالوني 

انبوزعهم بوزيع غمار .. انكان رخوني .. ناسه كاينهم باعوني 

نمشط حوشه دار بدار .. افتى يعطوني .. ونقول غنايم خاطوني 

جوالي يبقو بين ديار .. وبين سجوني .. والتعذيب لهم قانوني

كونا ازلام ازلام

كونا ازلام ازلام ما دنقرنا •• وكونا انكسرنا هك ربي راد •• وقاعدين عالمبدأ وما وخرنا •• وانزلنا انشيلو عالكفر فأحقاد •• وانزال ننطرو فالوطن مااندثرنا •• وانزال نرفعو في راية الجهاد •• مازال مااخلق عالارض من يحقرنا •• وانزال وطنا وسطه احنا الاسياد •• لانا جوالي ولا اللي هاجرنا •• وانزال نرفعو في الراس يانشاد •• وانزلنا سمايا وفعلنا شاهرنا •• وانزلنا انعدو كان صار اعداد •• حتى والهموم امكسرات ظهرنا •• من كثر الكواين ياضنا الاجواد •• اليوم في البلاد الحاكمين افورنه •• الخاين امسيطر هو اللي جلاد •• مامن روايع في الحياة نظرنا •• تريس ينطرو ريّاس فالميعاد •• اليوم حالهم صاعب ابقي كدرنا •• جواعه ايباتو ما لقو ساناد •• والله من مطاريهم اليوم سمرنا •• عليك وقت متبرم ابقي مرماد 

كنّيب انريدوها دولة .. مي معقوله .. نبقو هك العمر بطولة

كنّيب الدولة تصلّح •• ساد تملّح •• حال الشعب وهو يتكلّح

لاجيش ولاشعب امسلّح •• صاحب طولة •• يفزع في وين انادولة

فينا ليهودي ايتفلّح •• ما نابولة •• لو ما خيان اينادولة 

كنّيب الدولة نبوها •• فيها جيش وفيها شرطة •• لكن هالخيان نهوها •• خلوها في وسط الورطة •• ما عاد اتصبي خلوها •• من كل نواحي منشرطة •• وابنوك الدولة فضوها •• ريت اسيولتهن منخرطة •• للبنك الدولي جروها •• تمت سبحتها منفرطة •• لقيوها عظمى ذلوها •• بين ادول ما توزن مرطة 

كون السعودية بلاد عظيمة •• وعلي قلوبنا والله ما تنهان •• وكونها القبله لكل مسلم ديمة •• واحنا اسلام مانرضو لها اكسران •• نفدوها نخوضو حرب نار حميمة •• انخشو لسامرها بلا ارجعان •• كيف حرب قايدنا زعيم الخيمة •• ضد العرب والغرب والخلجان •• وحق من خلق هالكون سيّر غيمة •• اسقى بها البشر والارض والحيون •• ما لها انريدو سؤ،، لا تهديمة •• بلاد النبي والوحي والقرآن •• ولا ألنا عليها غيظ لا تبريمة •• ولا انفرطو فيها لحلف إيران •• ولا لها ارضينا عمرنا الذميمة •• حتى والقلوب امعبيات احزان •• من يلا قيادة ذُل موش حكيمة •• باعت اسلام الله في الميدان •• شهيد العرب صدام شيك جريمة •• باعوه للشيعة والامريكان •• والصقر الاوحد شاركو تسليمة •• حامي حِمى الاسلام من الخيان •• واليمن السعيد الصلب جو لجحيمة •• غازيينا ميكول من النيران •• وكمّن ظليمة تابعة وجريمة •• غاطسين فيها فوق،، فوق الذّان •• والقدس العزيزة الشامخة الكريمة •• بايعينها بيعة بلا اخلاصان •• وكمّين وجبة فاخرة و وليمة •• مع ايهود دقوها بلا اشكران •• فوسط الرياض مع انغام رنيمة •• واحذاها الوسكي رشّقو كيسان •• بحماية قواعد عندها تحكيمة •• في بلاد الحرم واشراف وعز مكان •• 

ياسيف الاسلام •• امعاك وبيك شادين الحزام •• احنا والوطن

يا سيف انت بس •• اللي هالشعب معتبرك ونس •• نرجو فيك تمسح هالعرس •• الوطن اليوم خلنّا ظلام •• باتك صقر واجه ما كرس •• مع بوبكر يونس فالزحام •• ماهم كيف من صاقر اندس •• ايام الحرب ماخش اللطام •• اصدار الحلف ريب مافرس •• يلزم قال تغيير النظام •• وراق اليوم كي حصل نفس •• وتم ايطل فارس فالاعلام •• انسي ما دار والزرقه لحس •• بيطلع بطل للعادي اخزام •• خاين باع في عيونه ايلص •• عالشاشات ثوب الخوف رام •• كتاب المجد بكراعه رفس •• اسجل قزم واقزم م الاقزام •• كيفه كيف من صفق رقص •• مع برنار يعطي في التمام •• امنين الوطن دالوه انتكس •• وحيل الشعب متمرمد انظام •• اطلوعك فجر ياسيف وجرس •• نهاية الالم في ايديك واللجام •• الوطن ايبيك في اغيابك يحس •• اوجاع وظلم وامباني اركام

لا رينا ديمقراطية

لا رينا ديمقراطية •• ولا حكّمتو شرع الله •• ولا عاشت لبلاد هنية •• ولا لمواطن طال هناه •• عيشتنا عِيشة دونية •• تمت من يوم نظرناه •• بوخطين مع الضحية •• هاللي قلتو طيحناه •• بعتوها للقطرية •• العظمى والعز انسيناه •• كم شيخ وكمّين ولية •• صور هو وأمير امعاه •• ما فيه بصيرة امغبية •• الزينة رديتو بإسواه •• تما للأسواء م السية •• حال الشعب وطال رجاه •• لا غاز ولا عاد امية •• والضي يحوّس مدعاه •• كل احقوقه الاساسية •• غابن والراتب ما جاه •• نص الليل المشكلجية •• قلو نوم العين هناه •• يسبو في رب البارية •• ما فيهم واحد بوعاه •• كم ذيل امدوبل جنسية •• جبتو زاد الحال صغاه •• عينة شور الميزانية •• يسرق ما والي ينهاه •• طيحتو قدر الليبية •• في الارض بعد عز وجاه •• فيه اللي عند المصرية •• هارب بفلوسة وضناه •• وفيه اللي مسكين رمية •• مو لاقي فزاع وراه •• م العصر ايبيت ف النية •• ع الرقدة من غير عشاه •• يبكو بالدمعة السخية •• م الجوع عويلة يالاه •• وكم نازح في حال ردية •• ما والي همّه مطراه •• كي حالة هالتاورغية •• هاللي عاشو في مأساه •• سائلكم بالله ونبية •• مرتاحين بها الحياه •• ريت عليكم الاخوانية •• ركبو باعوكم لأعداه •• وطن العز اليوم مطية •• للخيان امشوم جباه •• خمس اسنين وهي مرزية •• لبلاد بعد طول رفاه •• وين الثاير والثورية •• ياك رقد في برج بناه •• ياك لقيتو رفاهية •• والخير ابقيتو مرساه

سلامي علي نجع لحسون صافي

سلامي علي نجع لحسون صافي •• سلام ود دافي •• سلام حضن حار لين يكسر اريافي

سلامي علي نجع لحسون كله •• قلايل الزله •• اسماح الفزع فوق صيتهم تعلّا

ركابة علي خيل كيف الغزلّه •• الواحد ايفافي •• بسيده ايشق في اكبار الصفافي

جميع من نوا السو عاود بذلّه •• احسابه امنافي •• لماصار ع الارض سمّي اخلافي

نزّالت عفى عز خايل الطلّه •• بووصف ضافي •• جميل التصاوير فأم الشعافي

اللي القيد مارام لا طاق كلّا •• بين الفيافي •• بها يجول واوطان رملة وسافي

بانت مراشيق كيف الخللّه •• تقول في مرافي •• بواخر مراصيف كيف المكافي

ضيفهم عزيز بات والعز لله •• ولدهم يكافي •• عدوه هلب فات لمداس حافي

يا واخذ افكاري •• راه غلاك وسط الدم جاري •• دونك لي

ياواخذ حواسي •• يابو قلب قاسي يالقاسي •• حن علي راني في مأسي •• راك العشق واغلى من انظاري •• لكي ملك من ساسي لراسي •• بس تكون لو لحظة اجواري •• نشم انفسك تستنشق انفاسي •• لين نروق ياامحوس مداري •• كوسي بيك في حضورك كواسي •• وكي نخطاك نحرف عن مساري •• اسماك انغلط حتى بين ناسي •• نهمس بيه في المجلس اجباري •• اوقات انط ونسيب امداسي •• ونفتح باب دار وموش داري •• بالمقلوب نكبر ف السباسي •• انجظ بنار ما تسواش ناري •• امغير ازعاج يدقلن اجراسي •• فاقد غاب عن عقلي قراري 

رتل العز..

عليك يوم يايوم عشرين •• فيك فاقدين السمايا •• اللي ينفدو بالملايين •• افدا الوطن راحو سرايا •• امواجهين حلف الشياطين •• بإيمان راسخ ملايا •• ما صورو معاه ماكين •• ولا وفرو له احمايا •• ولا تراقصو فالميادين •• ورافعين للكفر راية •• ولا سلمو في فلسطين •• امراضاة كافر الغاية •• ولا ازاقبو في حواشين •• وخلو عربهن هتايا •• ولا طلبو من قطر والصين •• اغاثة وباتت جناية •• ولا ايشحتو م النجيسين •• ويقولو حفايا عرايا •• هضوم صيتهم زين في زين •• بعيد م الغثر والسوايا •• مكتوب مجدهم في دواوين •• عطاهم كريم العطايا •• عطو الارض والعرض والدين •• الارواح وضناهم هدايا •• يستاهلو الدمع م العين •• وزغاريدكن يا صبايا •• اللي اغيابهم جيم في سين •• للي خان وطن الدمايا •• وين مالنا اوين الخزين •• اوين هو اللي احنا براية •• وين الفلل والملايين •• والابراج وينهن ياضحايا •• اوين الخدم والهناء وين •• يا دايرين الجناية •• اوين حصن كاين حصين •• احدود وطن راعي ارعاية •• اوين نفطنا م الدخاخين •• وليش ما انباتو هنايا •• وين قدركم ليش ف الطين •• وتريدو صفاة النوايا •• واللي ماجلو اليوم لاجيين •• لأوطان الغرايب رمايا

بعيد م الغلاء..

بعيد م الغلاء خابر اخشوش ادروبه .. الخاطر ومو ناقص عليه حنان .. ما من اللي يغريك طيب اسلوبه .. الظاهر اتشوفه بالغلاء مليان .. وهو في الحقيقة شيرته مذهوبه .. علي شي ساهل ينصبه طابان .. وتبقى حياتك كلها مقلوبه .. فوقي علي لوطي بدون امان .. واتشيع قصتك للناس وايسهربه .. غلاك ينتشر مطراه للصبيان .. وايقولو الجواب ايبان والمكتوبه .. للفاهم اللي عاقل من العنوان .. وراه الركازه ف الحياة مطلوبه .. سواء في الغلاء والا بلا حبان .. ميط من ودود ايخجلك بأسلوبه .. قواعد غلا باني امعاك امتان .. وامعاه تنحرج تصعب عليك الجوبه .. اللي بينكم وايخيمن الاحزان .. واتبات المودة بينكم مسلوبه .. ويزعل وما ودك زعل لإنسان .. قاطب ايجيك الحزن عام اشبوبه .. تغشيشه اتلفك موش في الحسبان

صباح الخير .. يا ناس في قلبي لهم تقدير .. بااشواقي انقوللكم

صباح الطيبه .. صباح ورد عاطر من اصناف عجيبه .. صباحكم زهاء من رب عالم غيبه .. سبحان قدرته ربي عظيم قدير .. صباحكم اتخاطى فيه كل امصيبه .. صباحكم امحجر بالزهاء تحجير .. صباحكم سعيد ومااتحقو ريبه .. صباحكم عطارة فايحت عبير .. صباحكم غلاء صافي لجيب سريبه .. نطرب وكي نحكي عليه انحير .. صباحكم صباح امحب طال حبيبه .. فارح اخطيه الهم والتكدير .. صباحكم نقي لا شك لا ترييبه .. اخلاص ومودة مالهن تحكير

اسرع لاتبطئ ذيع بيان .. الوطن انهان .. اطلعله ردّة كيف زمان

اسرع لاتبطئ ذيع قرار
الوطن انهار
بعد غيبة ناسه الاميار

قعد بين امعاداه وثار
وحاله شان
بعد شاخو فيه الخيان

دخاخين امبانيه ونار
وقل احسان
اسير ايعاني م السجّان

اتمرميد وعازة واقهار
ل بن قردان
بداها من بر البطنان

السبسي دارلنا جافار
وهو مُدان
ارهابي تقديره فنان

اسرع لاتبطئ ذيع بيان .. الوطن انهان .. اطلعله ردّة كيف زمان

اسرع لا تبطئ فيسع طل
الوطن انذل
تمرمد حالة وتبهدل

اشقى بيه ودورله حل
الخافي بان
الشعب استاقظ للي خان

اللي بيه امغرر جاهل
ايام زمان
اليوم ايريدك غير اتبان

ايريد الردّه غير اوحل
الخافي بان
سرابات الحلم ودخان

العظمى قادوها بجهل
وقل ايمان
مسارق وانذال وخيان

اللي كيف اجعودة بو تل
وبو صوان
وبو شنة وعلي زيدان

اللي حطو ف السم عسل
ايام زمان
امنين اتصالح في الاخوان

انتا بأصلك كنت اتعامل
وهم جرذان
تلقّو غازيهم بأحضان

اطلع وحدها واستعجل
الموعد حان
لقول انسو ماضي الاحزان

اسرع رقّاد الريح انشل
ايبو برهان
قوي بيه اترجع الامان

داير عليه عزيمة .. وحامل خطاه ولوعته القديمة .. غلاي لولي

عزايم داير ..
وحامل خطاء مولى الغثيث ظفاير .. وعايش حياة لكن حيات قهاير .. متباعد علي الفرح والتبسيمة .. صراير ايجنّي م الهموم صراير .. وفوق الشقى نرقد الا بظليمة .. وحتى والمنام السمح ديمة طاير .. وتمت الغفوة ع الوساد جريمة .. اللي الكبد قسمها ثلاث حجاير .. غلاه وجفاه وخلوت امواهيمة..

داير اعزوم وصابر
وحامل خطاء غالي عليه انكابر .. وشايل صلايب عاطبات مدابر .. من هم الزمان وياس صابغ ميمة .. كسرة الخالف والرمم في الجابر .. نلقان كسرتي في بواوصاف سقيمة .. ماعد ايجيني فرح حتى عابر .. ولا عاد عندي للمحافل قيمة .. من غيبة اللي وسط الجحيم الكابر .. امطوح افوادي منتشي بهزيمة..

داير عزام وراضي ..
بحكم الخصيم وهو خصيمي قاضي .. حتى وهو افادي م الجفاء متشاضي .. فتايت امعدي م الزمان وضيمة .. الدايم الله تمن اوهام وماضي .. غلاه وجباه وحومة امواهيمة .. انجيهن امريب ما انحد غراضي .. انروح لا حاجة اعضاي سليمة .. ايعوض الله خالق الكون عواضي .. عليه قدرته جل في علاه عظيمة..

اتريدو شعر .. علي جيش متهضد بقادة قعر .. نا نعتذر ياللي

ياللي تبوني انقول..
علي  جيش  قاعد   موقفه   مجهول .. من    غيبة   زعيمه   جابره    مسلول .. اطياح   طاح  سومه  ما ابقيله  سعر .. ايردو       ايبانو      للعيان      افحول .. انقولولهم     درب     الشهامة      وعر .. ع اللي   حياته   عاش   بين   اعجول .. ايخلّه     امدنقر      مستواه       القعر..

يا طالبين اشعاري..
مازلت     عالمبدأ      صريح      قراري .. ومازال    ثابت    ما    رجح    معياري .. وانزالن   ادروبي  هن   ادروب  النعر .. ومازلت     ما    نمدح    الا     متواري .. والزعر   في  اموازيني   انزالو   زعر .. وكلاب حلف الاطلس ماخطتهم ناري .. اللي   حيلهم   خايف   انصاب   بذعر..

احكي ع الازمة والنواب .. وناس اعطاب .. كلو رزق ومواطن ساب

احكي ع الازمة والنايب
ومال انّهب
ومواطن حقه انسلب

ونازح قاعد متعذب
اظروف اصعاب
اوحل في تعشايه وشراب

احقوقه بين يدين اعطب
حشاك كلاب
مسارق وكّالين اتعاب

اجعنهم للنيران حطب
عليهم صاب
المولى كل شقاء وعذاب

وجع ما عد يلقوله طب
ولا طباب
وفي القبر ايذوقو العذاب

اجعن حالتهم بين كلب
وبين اعياب
اجعن ما يلقو راي صواب

عليهم جام العيب انصب
ان ما استجب
ادعايا نا يدعو شياب

اشرف وارحم متقى الحطب
وسف تراب
ولا قصر بذله ومعاب

شهادة حاله ما يعجب
اللاجي ساب
قعد بين ثعالب واذياب

عليهم كم عفن ايطلّب
نظر يذّاب
ولسِنه مبرومات ارطاب

وكمّن لجنه تستوعب
وكم اكتاب
بعد جاه المستخلص ذاب

اليوم في الغلا..

اليوم في الغلا بتت معتاز .. وايدي فوق خدي لطايم .. والعقل عند لولاف منحاز .. واخذينا ملك دايم .. القلوب ودها كيف القزاز .. ان كان انكسر ما يلايم .. ونا القلب جاء فيه لكّاز .. امقلل علي العزايم .. نصبح بعزم وايبات حزاز .. ع العين من اوجاع الهزايم .. ونمسى بدمع تيار ايتلاز .. علي اخدود والفكر هايم .. العقل دارهن لي مركاز .. لوهام غيرهن موش رايم..

راك ما اتجي في اقدامه .. اللي معاه باته جنب بات اسامه .. ما تقلده

ما تقلده في افعاله ..
ولا مشيته اللي ماتجي في اقباله .. هذاك معتصم الانقر قليل امثاله .. اللي كان داير للاعداء جثامه .. اللي ما اطري عمره بدور فساله .. غباوين لو كانن اطوال ايامه .. ما وطنا شاخو عليه انذاله .. قيادي صحيح ايسد غير كلامه .. اللي العين تزهى كي تشوف ارتاله .. اللي دار بحواسه فحلف اوباما .. اللي ماارضي خشت اصفوف عماله .. شامخ شموخ الفخر نال وسامه

عامل بلا راتب امزيف عيده .. يخمّم علي خلوة اجيوبه وايده

عيده زايف .. يمشي نهاره في صغاء وحسايف .. اليوم في السيوله ينتظر وامرايف .. المصبى علي شباك وتفرهيده .. لجيبه ايمد ايجيب كلايف .. اوراق بينهن شيكه فحال زهيده .. واصدارة ستايف م الفلوس ستايف .. احذاه حاطهن صراف بتبوجيده .. اتقولش علي حالة العامل رايف .. والا اتقولشي امخلص كبير عبيده .. يا انويرتي تمّا العامل عايف .. اظروف الحياة القاسية النكيده .. يخمم علي لقمة اعياله خايف .. مدفور من صغاء ليام شور هويده .. ويا من نجد هوزان يوم الطايف .. من جيش مسلم حاصرة ويريده .. انجد العامل وانت حالة شايف .. فلاس شين دايربه وحال شديده .. وقبل كان موش أجير تمّا نايف .. شريك كان يملك والحياة سعيده .. انهاس فيه تمو حايسين سرايف .. الوطن والمواطن مرّطو بجريده..

عامل بلا راتب امزيف عيده .. يخمّم علي خلوة اجيوبه وايده

عيده زايف .. 

يمشي نهاره في صغاء وحسايف .. اليوم في السيوله ينتظر وامرايف .. المصبى علي شباك وتفرهيده .. لجيبه ايمد ايجيب كلايف .. اوراق بينهن شيكه فحال زهيده .. واصدارة ستايف م الفلوس ستايف .. احذاه حاطهن صراف بتبوجيده .. اتقولش علي حالة العامل رايف .. والا اتقولشي امخلص كبير عبيده .. يا انويرتي تمّا العامل عايف .. اظروف الحياة القاسية النكيده .. يخمم علي لقمة اعياله خايف .. مدفور من صغاء ليام شور هويده .. ويا من نجد هوزان يوم الطايف .. من جيش مسلم حاصرة ويريده .. انجد العامل وانت حالة شايف .. فلاس شين دايربه وحال شديده .. وقبل كان موش أجير تمّا نايف .. شريك كان يملك والحياة سعيده .. انهاس فيه تمو حايسين سرايف .. الوطن والمواطن مرّطو بجريده

يا جميل اوصفه .. اجمام خاطري منك امعبى كافه .. جميل وسوايا

يا جميل اهذوبه .. كاف خاطري خليت دوبك دوبه .. امعبى سوايا لين مي محسوبه .. وحتى جمايل واجدات ورافه .. مشوش مواجهته اليوم صعوبه .. في فهم ماصاير وثاق اكتافه .. وتمت احقوقه كلها مسلوبه .. حاكمه غلاك وفقدته واريافه .. وكمّين نوبه تتّليها نوبه .. وعلوه رياحك كسرت مجذافه .. قاطب غلاء جاير زمان اشبوبه .. مرباعه يكيد الوصف والوصّافه .. معاك ياللي تحلف سبيب لعوبه .. غثيثك امنضد فالحزام تلافى .. نسيمه يزكّم في الخشوم اهبوبه .. ومادرت في بالي حساب اصيافه .. في يوم بين الصبح بين اغروبه .. يصير الفراق تهوني وتعافه .. انقولو اقسام وكلها مكتوبه .. ايبات كل حد يشلا بنار اولافه .. منيحه غلاي اصبحت منهوبه .. وهذاك الغلا كله قعد خرافه .. وتمشي وماتمشي الا بذنوبه .. غلانا اللي بيدك كربت لحافه .. ولكن اللي صارت وفي غيبوبه .. الخاطر بعدها منزوي يتهافه .. خبر جايني منك نقول اكذوبه .. لين واكده جتني وجت الإضافه .. منك سوايا واجده مصبوبه .. وهذي نهتني في ربك خافه .. امسمي عليا ليش مي مطلوبه .. رزيت خاطري ودوبه ابدي يتعافى .. نلقها شهاده يامنقرش ثوبه .. وبوهذب واجد ع الخدود تكافه .. وبوعين سوده واسعه ورغوبه .. امعانا افعالك منتهى السخافه

كان نشدت !!

كان نشدت واتريد العلام .. ابخير امغير مانا طيبين .. اسماها غير عيشه والسلام .. شبه اموات موش امدفنين .. نهار تعيس متقفي ظلام .. ارقود تقول لكن واعيين .. العقل يجول يجبد في كلام .. له مدات في جوفي دفين .. تمام نقول
لكن مو تمام .. حالي دوم للي ناشدين .. لغير الله مشكانا حرام .. وعيب وصغر قدام الاخرين .. وحق الله يا وجوه الكرام .. عندي عقل حاله تم شين .. يريد يجول يبرم في اوهام .. منحجرات عنه لهن اسنين .. الله الله لله الدوام .. وين اقعدن وانا اليوم وين .. اوهام اسياد لربد بولجام .. عريض الصدر وقصير القين .. بو جرجار لمسلّم سلام .. جميل الوصف لمّد كل زين .. اللي ع القلب يمسح فالغمام .. عليه تخاف عين الحاسدين .. اسياد النيب واسياد الغلام .. بالزروق هاللي واسمين .. اسماح النزل عاليين المقام .. عدادين قاب اللافيين .. ودك دوم يبقولك احزام .. ضرابين في حاحب العين .. كسارين لخشوم الخصام .. عدادين لوم اللايمين .. بنايين مكروب الكمام .. وسيع الجال وافي عشرتين .. بوجه بشوش وبطيبه انغام .. يلاقو الضيف بيه مرحبين .. الحق معاه له سيف وخزام .. ع الظلّام واللي عابثين .. فكاكين حق اللي انضام .. بشرع الله والا باليدين..

لبلاد رايحة وسط ديموم

لبلاد رايحة وسط ديموم .. كونها انباعت انباعت .. ابدي رايها فيد فقوم .. فلاس شين والناس جاعت .. اللي ما اندم بات متهوم .. الغافله البارح استاعت .. اليوم تطّحن قوم في قوم .. واللي ماجلت جوع جاعت .. والجاليه مشت وسط برّوم .. هوان راضيه بيه طاعت .. يغيثها الله اصدور مرسوم .. وشوره يقولو ادّاعت .. زعيم صادره موش متهوم .. بخونه مع ناس ضاعت .. اتبات عامره وكل مذموم .. جزاء ينال مو نعت ناعت .. يبات حبسها اجمام مزموم .. من ناس ظالمة ابليس طاعت..

جميله تقبل في جميل .. امنين اتشيل .. امعايا هذب اغزار طويل

جميلة فالوصف وفاللون

وكبر اعيون
اتقول امشرطهن مجنون

وسالف بدّد ع الضبون
حرير طويل
مع لفتتها لين اتميل

ومضحكها ياناس حنون

امعاه اتخيل
الضحكة تبري كم عليل

نوارين فصدري مكيون
ان هف الليل
اتخايل للعقل اتخاييل

ان ماتاقت يبقى بلهون
العقل ايسيل
افكار اتجيب افكار اتشيل

راك انتا الغالي .. مكانك فوق ما يسواك والي .. وحق الله

راك انت غلايا .. يا مشكاي يا مالك دوايا .. مكانك فوق عالي في سمايا .. وزهاي معاك و وجودك دلالي .. رمشت عين تغييبك جناية .. عن لنظار يا مهدّي مجالي .. معاك انهيم كي تجبد رواية .. كي الصغير نسرح في خيالي .. روحي رحت عارف م البداية .. ريحة صقر في لفّة أتوالي .. وحق الله طيفك ياغلايا .. وين انغفل نوقظ به ايشالي .. ساكن في خلاهن اشلايا .. منتثرات في عشقك الخالي..

ولي امرنا هو اللي نهار اغيابه .. .. سواء الوطن حالة تم هو والغابة

موش "عقيله"
ولا  الذيل  "بوسهمين"   شين    الحيله .. ولاهو "الثني" ولا "اغويل"عاقب جيله .. ولانا    مع    "السراج"    بيض    اشنابة .. ولانا     مع    "الضوال"     في     حبّيله .. ولي   أمرنا     "لنقّر"     جميل    وجابة .. ولا   "كوبلر"    و"ليون"    فيه    وسيله .. اتلم    بينا      لا      انمذرحو      لجنابة .. "سيرا"    اللي    عاود     ورافع     ذيله .. يحساب   وطنا    تمّا   رخيص    اترابة .. ولانا     مع     "جمعة"     ولاو      بديله .. حتى         ردّلنا          علي          دبّابة .. ولانا    امعاه   "العور"   عاقب     جيله .. اللي  القبر  مو  حاسب  نهار   احسابة .. ولانا   مع    اللي    خان    حار    دليلة .. اللي   باع   وطنه  وباع   عز  أصحابة..

انشدني نحكي..

انشدني نحكي ع الفرسان
اللي للناتو ما طاعو

اللي صبوله في الميدان
علي سامر نار اداعو

اللي ما منهم والي خان
اللي للخيان اصدو

اللي ما تاهو ف الطوفان
اللي ما بالهانه رضيو

انخبر ع الماضي اللي كان
وع الحاضر هاللي لاتو

اللي فازع للوطن ايبان
اللي م الرافال انبادو

بعثمان علي بوغيضان
وخالد بوضية نحكو

وعيت الزروق الشجعان
اللي حقك يادار عطو

ثلاثة ما فيهم جبان
الروس افداء عزك هانو

لهم صيت وعزة ومكان
علي حرمة ما ايتعدو

احماة للخايف والجيعان
اللي ما ع الضيف ايمنو

ضنا جوضر نار ودخان
اسماح الفزعة وين ايجو

اللي ما ضيهم ما ينهان
اللي به ع الغير تعلو

معمر لحسون الشجعان
وصفهم والخاين صدّو

امكتف بتلول الخرطان
اول مدعك فيه تنادو

عليهم دارو كم بيان
ايبوه فناهم لو طالو

ولكّي الفال يابات العنود .. ان شاء الله بعد بن نايل اتعود

ان شاء اترد طيب
ياللي الوطن في اغيابك ايشيب .. حاله     شين    ندعولك    اقريّب .. ايجيك   افراج    وتقود   الأسود .. كيف  زمان  في  العظمى اتهيّب .. الله       كريم      كسّار      القيود

ان شاء الله اترد سالم
يا  مغوار     تكسر     كل     ظالم .. عهدك    تم    حلم     لكل    حالم .. مسجونين    من     غير    القيود .. حيل  الشعب   تم   لهم   امسالم .. اذيول   الغرب    واتباع    اليهود

يا ليبيا العظيمة .. عليك الزهاء والفرح والتبسيمة .. غياب وينهن

وين غابن عنك
وخير حالتك هكي انظر كيفنّك
زعم في ضناك اليوم خايب ضنّك
وضنك عليك بتنجلي هالغيمة
وضنك ارياح النصر بيزورنّك
بعد هالشقاء كله وهالتغتيمة

قالت:
رايد ربي
انطيح ياعلي وان راد تو انصبي
ريت هول واجد خاطري متعبي
مامن ظليمة تابعة لظليمة
وريت خير واجد ما انريد انخبي
نحمد الله نشكر افضاله ديمة

قلت:
ريتي واجد
عارفك ومن ينشد جوابك ياجد
ومامن عدو جيشة عليك تراجد
يا العالية في الشان يا الكريمة
ومامن اللي خايب وعاود ساجد
جاك يعتذر راكع لسمحة القيمة
ونا زاد حتى انا شقاي تواجد
تمّا علي الفرح غايب ديمة

قالت:
كنّك حاير
وكنّك امغيهب متخذ شن صاير
وعليك ليش كنهن ضايقات حضاير
وانتا قبل كاين للثماير سيمة
الا اليوم متشاوم وفكرك طاير
وانت قبل ماعمرك ارضيت هزيمة

رد على "رزح با ثقاله في لاوهام .. ضلاله رام .. تعلّل بالوطن المنظام

الشاعرة وهج الجنوب تقول:

رزح با ثقاله في لاوهام
ضلاله رام
تعلّل بالوطن المنظام

‫#‏مشاركتي_تقول‬:
رزح بااثقالة واصلب
اليوم اغلب
اكبر همّة جاء مدّلعب

اللي كان زمان ايشرهب
ابروحه هام
امصنقر يغفر في لوهام

احواله ما والي تعجّب
ان جاء الظلام
ايجن جور امواقيه اجمام

وجيعه واستعصت ع الطّب
جضيضة دام
خبر لاهو يوم ولا عام

سبايبها بو دور انكب
عرام عرام
تكاصى لين هلب لحزام

اللي خزر اعيونه يكّلب
لذي انغام
كلامة ما قاله كلّام

شهادة وابها انتحاسب

خذيت ايام
امعاه اليوم يساوي عام

رزح بأحمولة..

في رائعه جديدة من روائع الشاعر/ "سعد بورجعة" يقول : ( يابو ثلاث حكايم .. ماعاد حالك تتّقيه عزايم .. يا وطنا ) عجبني شاركت عليه ومشيت شوي

#مشاركتي_تقول:
يا بو ثلاث عصايب .. وما اهناك لا سراق عنهن غايب .. بعد ربيع دالنّك اسنين جدايب .. ف عزّنا وفي عزّك الله الديم .. مصايب وجونا جايبين مصايب .. لبّاست البدالي طوحو العمايم .. كتايب اتحارب في اجيوش كتايب .. ما يفرق السكّار ع اللي صايم .. اليوم كل حد فازع وموسه طايب .. سواء الفعل ما ظني اتفيد ندايم .. افعالهم سواسي تابعين درايب .. وصعبت العيشة فيك ما اتلايم .. علي احمولنا زادو احمول صلايب .. اليوم م الفلس ما عد اتصيد عزايم .. دلال عشت ياحضرة جناب النايب .. كل يوم في فندق اتبذر هايم .. وكل يوم في دولة الراي الصايب .. عليه ما اتجي لانك عليه املايم .. الله لا اتربح من خرابك جايب .. يا وطن عنهم في خلاك رمايم..