عقلي هف بفكرة عدّا .. ماعد شدّا
راي ولا شور علي ودّا
هـ اللي عنها خلوة يدّا .. لـه حـجّارة
خلاته يكمى في نارة
نيــتا بيـــتها لــه مـــدّا .. دار أحجارة
بين الغالي والنقارة
خـلا حالتــهمـ منـــغدّا .. كي لحبارة
هـ اللي حازوها بزارة
وين أطير أتجيها هدّا .. موش أبصارة
نين الريش أيطير أغبارة
عقلي هف برم بأفكارة .. شور أديارة .. بوسالف مروي بعطارة
عقـلي هـف أفـكارة عـدّن .. ما عـد ردّن
يالا ناس أعزاز أيودّن
نين أقسام غلاهم شدّن .. ع اللي غارة
شن وجاء خايب طيارة
بإحـداثـي يمـشن ويـردّن .. سود أنظارة
يوميلي عارف الإشارة
طـيارات أقـسامـــي ردّن .. مـوش إثـارة
جابنلي غرغاز أنظارة
عقلي هف برم بأفكارة .. شور أديارة .. بوسالف مروي بعطارة
ليست هناك تعليقات:
إرسال تعليق