احترنا ف اللي كان ودود .. وبان حقود علي ماضية ايريد ايعود

احترنا في اللي ع الشاشات .. ايبانوا من برا الحدود .. اللي لبستهم ع الموضات .. ايخبوا وفيه اللي بجرود .. اللي يحكوا ع المليارات .. وعن مال امجمد مفقود .. الهم ماعد صدنا غايات .. انياهم مكروهات وسود .. ايسبوا ومرات ومرات .. ايحيوا في فرعة هبود .. انياهم لنا مكشوفات .. اقبالة ما فيها مجحود .. الخافي خبث وحب الذات .. اللي باين جاويد وجود .. اقلال الحيلة والرايات .. كلامي مايحتاج اشهود .. ايحايوا في ماضيهم مات .. وماضينا بالعز ابنود .. جرو ع الفتنة لكن هات .. التاريخ امسجل موجود .. بعد تمن ليدين خوات .. اموحدهن فارس جلمود .. زعيم ردم كم عداوات .. قعد لا سيد لا مسيود .. بعد دالنا طيارات .. الغازي دون الوطن ارجود .. اصابينا مات اللي مات .. وعاش اللي عايش مضهود .. الذيلي ذيلي في الساحات .. اتبع درب اسلافه الحقود .. اليوم بعد عدة عامات .. نقض لعهود .. قرض فارس علّا لقرود

احترنا ف اللي كان ودود .. وبان حقود .. علي ماضية ايريد ايعود

الله الله يا دار اليوم .. جباك امشوم .. ايشيب فاللي مومفطوم

الله الله يا دار غلاي .. وفيك امناي .. سعتا كنتي حد زهاي

اليوم انجيك ونا بكاي .. علي اهموم .. ارماهن بو سالف مبروم

اللي كاين دايا ودواي .. غلاه اسهوم .. تواكن ف القلب المزعوم

قعد لا عد شيرة لا راي .. اوجاعة كوم .. وتشميتت حسادي كوم

امحطم متشظي تشظاي .. رقيق اعزوم .. قتيل إلا ماهو مردوم

انجيك بعد حوزة مشكاي .. علي الزوم .. انسكب نا وانتي والبوم

الله الله يا دار اليوم .. جباك امشوم .. ايشيب فاللي مومفطوم

الله الله يا دار اعزاز .. بعد كنتي للعين ونس

اليوم احجر ريدي منحاز .. تباعد وافكاري حوّس

ايام وهو كفّي مركاز .. الغالي ما غيره وآنس

سعتا وين الحن اعتاز .. عطيته بأسعار أمبخّس

انريد ايكافيني ارتكاز .. جنين غلاي عليه ايعس

ايصبي وايكافي بإنجاز .. الياسات ايقوللهن حس

إلا بو خد اتقول قزاز .. علي اهموم .. ارماهن وأفراقه امحتوم

الله الله يا دار اليوم .. جباك امشوم .. ايشيب فاللي مومفطوم

يخزر!! موش امبحّت فيكم .. حط عليكم .. لوم وقال الله يهديكم

يخزر مايبي شوفتكم
من سيتكم
هاللي جابتها ثورتكم

واجعته منكم سيتكم
بإيحييكم
فرصة جبتوا مُحتليكم

دونك هاهي روما جتكم
وين دويكم
وتو للتصفيق ايديكم

الخمسة الناقة عارفه قيمتها .. سيد السبيب بغيبته عافتها

الخمسة عافت
بعد عز خمس اسنين قهرة شافت .. جميع الوذيلة ع البلاد تهافت .. نوت ابساط وبنتها شالتها .. حملت الا واجد اقهار وزافت .. بلاد للهلاك امعدية اعرفتها .. عافت احطوط الصورة .. علي افلوسة قيمتهن اصفار اكسورة .. ابهن قبل كانت فارحة وفخورة .. ايام سوقها حامي علي خمستها .. لها اسنين من غيبة زعيم الثورة .. حازنه عليه وشاينة شبحتها .. فينا اتبهت شوفت المنحورة .. ماعد اتشرف ع الورق قعدتها..

وإن كان عدتوا عدنا .. احنا الوطن مابعناه لا حلبدنا .. امعاه مرحبا

اتردوا انردوا..
شهير صيتنا من قبل مانجدوا .. انوتو العدة والعتاد انعدوا .. وتاريخ هلنا لولي مجّدنا .. ارجالنا علي سامر النار ايهدوا .. لا ايكبكبوا لا ايطالبو بالهدنا .. لا في قهاوي مصر يورو مدّوا .. ولا من اطري منهم خذل قايدنا .. وانزلنا علي ثاره السرج انشدوا .. وانزال حسبة خو لنا وولدنا .. لا نعتدوا ع الجار لا انتعدوا .. علي خوتنا ماننطروا جرّدنا .. ايام طاليا ما من مسامي عدّوا .. وانشد اجبيل امنين جاه ولدنا .. وانشد الزنتاني امنين اصدوا .. اعداء صف لكن وطنا وحدنا .. وانشد الكفرة كانّا ب أنعدوا .. بينا معارك قايدين وقدّنا .. وجيت الناتو استشهدو ماردّوا .. ما من ارجال امصنعين فقدنا .. ما ابها انمنوا!! ناخذوا وانودّوا .. اللي ايودنا وع الجاردين جردنا .. واحنا اطبول الحرب وين انكدوا .. ايدقن اطبول اصفوفنا وسندنا .. واللي يستفزوا لا مشوا لا ردوا .. ايبروا انفسهم قبل قولة ردنا

وين "الاس" يابشار؟ .. وإلا نظامك منتهي وانهار! .. عليش داسهن

وين الإس اربع مية؟ .. خشو علي دمشق صهيونية .. "القنطار" راح بطايرة حربية .. الله وعلم موفيدك ابقي القرار .. وحتى ولد الأمين ع القومية .. عرين الأسد في وسطه انباع اجهار .. لشلة اقلال الشرف والبيتية .. فيهم عشمنا بان جتهم نار .. العقبه لأبولحية وبو طاقية .. الخاين حسن صفاق الإستعمار .. الله يجعلة بين الأنقاض رمية .. متفتفت اشلاء صاعب على الدوار .. واللهِ ادعاء مالحاجة صفية .. وقبله انشد شن صار في الثوار..

حوس العين مجالها .. ودردر جواجيها وعطب حالها .. اغياب معتصم

اغياب الدامي..
يا عازته ساعة السوق الحامي .. اللي في لهاليبها ايجي متعامي .. وهي نار حمرة كابرة ما سالها .. بنغازي انهاست بنتها جاء رامي .. امنين هندبت تبكي اتريد ارجالها .. فيه انكسرنا وفي تريس مسامي .. والرجال ما تقعد امغير افعالها .. يانا اللي نارهم وناره كامي .. الانقر اللي عوز بلاد بحالها..

احنا لا بعنا دار العز

احنا لا بعنا دار العز .. ولانا للخيان سند .. احنا قلنا للناتو طز .. ايام اللي خان ايمجرد .. احنا عركتنا ما تنحز .. الثأر اثنين ثلاث ايرد .. احسون النا تاريخ اكرز .. ولدنا ما عمره حلبد .. ولا عاقلنا ايتنرفز .. كلامة بأفعال اموكد .. الضيف ان جانا مايلتز .. ولا جار النا ايتهدد .. وصاحبنا شاهين ركز .. افعاله والراي امرزرز..

اليوم طواري .. مدردر علي فرقا اسماح الطاري .. مالصبح خاطري عالن

طواري عالن .. 
امطلع غصايص غير ما ينقالن .. علايل ايجني مالعرب يتالن .. ونزمط امطوح ع التبون مذاري .. وشايل احمول اثقال ما ينشالن .. وصابر انتبع في كلام اكباري .. امكالي وجايع قهر ما ايتكالن .. وكاضم علي غيضي بعزم انداري..

عالن رسمي .. 
متكدر ويطافر تغيظ باسمي .. ايحرض علي ايريد نعلن حسمي .. ونا الوقت صيف بالاوجاع اخضاري .. جايب محاور جاي ناوي وسمي .. بعزيلة الكدر والياس موش امواري..

لو عندنا هيبة صحيح ودولة

لو عندنا هيبة صحيح ودولة .. واللي حاكمين ارجال موش انذال .. ما راه ينهانو اصحاب الطولة .. ولا بو العنود شروه مالصومال .. ولا راه حالتنا اليوم خجولة .. ولا انباع في دمشق هانيبال .. ولا عن بعضها ليبيا معزولة .. ولا كل حد يعزف علي موال ..  ولا رزقها رايح وهم يرعولة .. ضناها عليهم شايخين ضوال .. ولا بنتها بين العرب مذلولة .. ادور في الشوارع حالها موحال .. ولا في المدارس سايبة امهمولة .. الناس قاصرة ماعد اطول اوكال

مشاركة على راس بيت للشعر اسمه القومية العربي بشان التحالف السعودي او ماسمي بالتحالف الاسلامي

يقول الشاعر:
"افرح يا خاين جاك الخير .. بلحلف كبير .. وروسه من فوق خنازير"

‫#‏مشاركتي_عليه_تقول‬
افرح ياخاين وافرح زين .. بحلف متين
وروسة من فوق اشياطين
اليوم فراحة ملتمين .. اعطب تفكير
ايقولو والطيار ايطير
الوجهة ماهيش فلسطين .. يبي تدمير
الشام وصنعا ضني غير
بعد غيبة بات السيفين .. حشاك حمير
ايقودن في الامة واتسير
ارمونا في اذيول وداوين .. لهم تقدير
اسوا مالسيء فالتحكير
اليوم هنايا مرتاحين .. اقلال الخير
اللي ايريدوه ايصير ايصير
انهو الاقصى في شوف العين .. عليه ايغير
الصهيوني والشعب اسير
اينادي فيهم لكن وين .. حديد ذكير
ايريد مع زم بنادير
امتى عمر العصمليين .. جنو تقدير
ايجابي وإلا الخنازير
فطايسهم مالسوريين .. وصالح خير
اترضي وجه الله الكبير
انذال وموشاغلهم دين .. امفيت سكير
وكبسة واموال بعاثير
الحكمة ما تبي تبيين .. الحق شهير
وع الباطل دار تباهير
"افرح يا خاين جاك الخير .. بلحلف كبير .. وروسه من فوق خنازير"

يا "فادية" ماخير درتي فينا .. ضربتي العزيزي كف ودرتينا

ما درتيش خير .. بلاد العرب مدّمرة تدمير .. جراير الكف اللي صداه خطير .. ما من الزين اللي بلاه ابقينا .. والله لو عندك اجرام ضمير .. ما اليد مديتي وضيعتينا .. عليك كف كيماوي مداه كبير .. امحرم استخدامه وبيه اغزينا .. مع الجسمي هاللي نباه شهير .. فرقت نبا هتلر وهول اسنينا .. في قلب تل ابيب موش فغير .. الغاية لكم يبنو اقصور ثمينا

ماعد اهناك حكومة .. ولا اهناك حاجة صالحة مقيومة .. بلاد دامرة

ماعد اهناك حكايم .. بلاد رايحة يخلف الله الدايم .. اليوم كل حد في حال روحه هايم .. والشعب حاير رادته امهزومة .. ارضي بالقليل وطاع دار عزايم .. ايريد خير مطّاول صعيب اقدومة .. ألقيه راي عاقبته شقا وهزايم .. إيلجّي قعد حاير وطاير نومة .. رايم وما غير الندامة رايم .. اللي مااقتل لاجي هرب مالحومة .. واكل ايديه بحسرته وندايم .. الراي حرف مونافع من اول يومة .. القدر طاح في موجة الفوضى عايم .. اليوم المعادي بث فيه اسمومة .. العز ضاع والهيبة بلاها نايم .. وانهارت مسيرة بالفخر مرسومة..

خذا غايته فينا حسن نصرالله .. ايدور الزمان الدين يخلص كله

خذا غايته في ارجالنا .. اموكلين مولانا عليم بحالنا .. مامن اللي غيرة بسية طالنا .. عارف العظمى خايضة منحله .. انسي فزعته ساعة النيتو دالنا .. فزع للصليب اعداه دين ومله .. صيورنا انردوهن ايام دلالنا .. يجي كيف غيرة منقلب في سله .. غباوين لو دارها ايام ضلالنا .. ما ايبات بيها يوم والله والله..

بعد يومين من اغلاق قناة الجماهيرية

اغيابك شين .. حتى كان ما اتردي المدفونين .. علي ابيوتنا واعر
اغيابك قاسي..
واعر وزايد ع الهموم مأسي
نهار فقدتك فاقد جميع حواسي
يا جايبة طربنا والطرب من وين

اغيابك مر..
واعر اليوم احساب 100 شهر
علي شاشتك يخطر الطير الحر
وتخطر اوجوه اعزاز وامحبين

اغيابك صاعب..
من يوم ضلّمتي وعقلي تاعب
مامن عزوز ادموعها تزّاعب
وكانن عليك ايكبنن تكبين

اغيابك حار..
يااللي اتمثلي جملة ضنا الأحرار
اللي اصمدو ضد الحلف والكفار
اللي بالكرم والجود مشهورين

المصرف اليوم امسكرات ابوابة

المصرف اليوم امسكرات ابوابة .. والكوشة اتنوض الفجر للطابور .. والشيل زحمة والعباد رغابة .. اتشوفهم اتروح منكمد مغصور .. ولمية اللي كانت اتجي منسابة .. اتشوف الشوارع غارقات ابحور .. مدعاها ابقي مدعى يثير غرابة .. اليوم بيهرها تما ايجم ايغور .. ومنهل العلم اليوم من طلابة .. خالي مدارس نصها امهجور .. والطالب اللي يقرأ ايجيب اكتابة .. قديم شاحته من جار به مسرور .. ومو امغير هاب ا هابتين وهابا .. تدفع الرشوة لو تبي بسبور .. وخلك الجالي عاد من يشقابة .. حال العدو وين الزمان ايجور .. مدعاه شين ياناري ايجيب كأبة .. بين القرايب متخذ وايدور .. بعد كان في حوشة امسكر بابة .. حتى ومو امخوج حالته مستور .. وحالة اعديك حالة البوابة .. ما هو غريب ايفتشك مخمور .. اتشد الطريق وحالتك مرتابة .. اتخمم اتخاف اطيح في امحظور .. الجاهل ايصغر قرم عالي قابة  .. وحشاكم! الصايع منصبه مشهور..

قريب سيف عالشاشة اسا تارنا .. يعلن بيان الحرب غير ارجنا

قريب ايبان
ويطلع على الشاشة ايقول بيان .. لا ايهمنا في اللي عميل وخان .. ولا في مغرر بيه تو وكنّا .. لمو بعضكم واتركو الاحزان .. را الوطن ضايع يااعباد انهنّا .. شدو بنادقدكم فكل مكان .. صلاح ليبيا محطوط نصب اعينّا .. طلع فسرت في طبرق سوا الزنتان .. حال ليبيا يبي تريس امعنّا .. انسو الضغاين والسلاح إيمان .. شرف ليبيا وام الغثيث احزنّا .. انداس عرضكم جمله بلا حسبان .. ما من خبر خافي وما انطقنّا .. والله العشم فينا ايبان ايبان .. الله اكبر م الجميع ومنّا..

عليك كواين

عليك كواين

حديث شين موخافي امقابل باين .. ما يمتسح بلكل اسنين ملاين .. ان قلت عار بسّطته وما صورت .. مدردر ملاج العقل وقته حاين .. اخسرت ارجال صاح اخسرت .. علي ما اطري فالوطن وجهك شاين .. ما بعدك ياقلبي ان ما انفجرت .. مهازل ايكرن جايبات غباين .. يا وطن لرجالك اقبور حفرت .. الدايم الله فيهم اليوم مداين .. انهانن بعدهم ع الاوجاع اصبرت .. قليل الاصل فيهن والردي والخاين .. والضال واخذ غايتة انقهرت .. حياة زايدة تمت امغير مهاين .. يااعوين من اقتل ضد الصليب فسرت..

غاب الزهاء ياوطن كنت اترندي .. من دون الاوطان اليوم طالع بندي

كاين راسم..
امنين سرت هي مصدر الراي الحاسم .. وخيرك علي لخرين منه قاسم .. امنين والسلاح امفيت فيد الجندي .. ايام وانت بإشبورك افخارك واسم .. إلا اليوم وضعك منقلب مزبندي .. اياماً وفالدولة اهناك مراسم .. وان فتت الحدود اتقول فايت فندي .. اياماً ونا رايق طريقي راسم .. نحمد الله ارضيت باللي عندي .. ايام وضناك ايهيجو بمكاسم .. عقاب الشعوب اتقول نا شن عندي .. ما احسبت يدّبا حمد بن جاسم .. اجوانا وهو شرطي بلاده هندي .. لفطح اللي خشمة اتقول مناسم .. هضوم العرب خوتي اخوايت قنّدي..

عليك عين منهلعة اتقول اغرارة .. اتقول شرّكوها شاربين سكارة

عين كبيرة..
أشر من اسلاح ايران في تدميرة .. جميع من ايصادفها ايطيح ضريرة .. اتقول في ادماغة قاصفة طيارة .. ياعون من تحوّاها امعاه سريرة .. وين يلتفت يطرب اتروق انظارة .. اتجيه بالحلال امنقرشة في حيرة .. ايبات وينما توصل مشارف دارة .. اللي خدها يشكع ايلج بهيرة .. شفاق شمس في موسم ربيع منارة .. وشفه ومبسم والشعر له عيرة .. تخضب نزل غمرين قيس اعبارة .. وحاجب بلا رسام لا كوفيرة .. مع رقصته ما من اعباد حيارة..

الشاعر علي الكيلاني يوجه رسالة إلى سيف الاسلام أسماها "كن والظلام إلى سيف الإسلام"

‫#‏مشاركة_مني‬
شد العزم ياسيف الاسلام .. كي ماكنت ديمة ياحنون .. ايزول الظلم يجلّى ظلام .. والكانون ما بعده ايكون .. موكي قبل ياسمح الابسام .. حقيقة موش ظن ولا اظنون .. بعون الله ماايمسك اعدام .. قريب ايجيك متقعد العون .. ع اللي خان ماينفع ملام .. الميت حي ديمة ماايهون .. سيد النيب خشاش الزحام .. اغيابة غير عن شبح العيون .. كي ما بيه عادك بالتمام .. صاحب فكر عامربه الكون .. قبل العام يقشع ضيم عام .. يبزغ فجر وايلجن اسنون..

الوطن اللي يرجى ف الخير .. ايبي لآسير .. وبوزيد امعاه المدير

الوطن اللي فيه ايراجي .. الخير ايبي
اللي ف التصنيف ارهابي

وجيش امدرب ع الروسي .. اسلاح خطير
شديد إصابة والتدمير

وقايد ف التخطيط قوي .. بعزم ايسير
اسبوع ويعلن ع التحرير

ايحييه الشعب الليبي .. اسياد الضير
بتاريخ الجهاد شهير

اللي جلّى حكم المربي .. سمو لامير
اللي دز لروما تقرير

ايام الظلم والايطالي .. وكم ضرير
اقتل مالعازة والتقهير

املوك علي عرش الفاضي .. براي الغير
ايسرو ماجابو تبرير

ياصاحبي في الصبح ريت ولية .. الله وعلم ماتطلع الا حورية

ريت غزالة..
معاها مشى عقلي وضل ضلالة ..  لها عين تربي صايبة قتالة .. امعاي شيعتها وارتزيت رزية .. رجت الخاطر وانشقم نعدالة .. نهلوس ابها تميت للطرقية .. حديث مااتجيب امعاه قولة لالة .. ولا تفيد توبة لا اتجيب لوية .. امعاي وسط عقلي راسخة فخيالة .. امعاها سرح ماعد اتجيب رجيّة .. اطوال ع المواقي هذبها نسدالة .. تعكف ابدال الهذب نبّت مية..

قريب الفرج يا دار بوي وجدي .. يا الشامخة كنتي بكل تحدي

قريب الفرج يلفالك..
اينور ادروبك في الظلام الحالك .. ايعاود زهاك وفرحنا ودلالك .. وفيهن امجادك من جديد اتبدي .. وجميع من امعول بالخراب جرالك .. عليهم بقبضة من حديد اتردي .. ايرد ثار نسوانك وثار اعيالك .. واللي امعادي في الجحيم ايهدي .. يخلص الدين ابقو عزم ارجالك .. من بو اعقال النذل والمتردي .. اللي دنسك هرب جميع اموالك .. وخلاك في الكواين والهموم اتعدي .. لم شملهم جملة ضناك اولى لك .. واحبال سوهم في وسط بير اتعدي .. حتحات ع اللي فات زين اقوالك .. اقوال جيل سابق عمر ماهو ندي..

رجاك طال

رجاك طال ياامحودد الزين ..  يا وصف عين النداوي .. يا بدر واحذاك لخرين .. انجوم ضيهم دوب ضاوي .. يا ورد بو عطر ياسمين .. امشمس اشرب لين راوي .. يا اسعدي يا فرحة العين .. يا رسوتي في الرساوي .. يا الغالية دون لخرين .. العقل فيك حاير ايواوي .. يا مالكة القلب باللين .. والحن يا احدود المناوي .. يا امنسبة للميامين .. بلاك نوم لنظار شاوي .. يا زهاي يا فرحتي وين .. نباك ينجبد في الحكاوي..

هالبيتين جني من صاحبي وقالي هذا يسأل ويبي إجابه زعمه نلقوله عندك ؟

"هابا كان معمر حي ... وقاعد علي الكرسي مزال
سؤالي ومن بيرد علي ... زعم يقعد تعبان الحال"

‫#‏رديت_عليه‬
جواب اسوالك من الاحرار .. اتريده والا مالخيان
اللي خلو لبلاد دمار .. اللي طاعو للأمريكان
انكان تبي ايردو الاميار .. اللي مامنهم والي خان
وكان قعد في وسط الدار .. اللي كاين صمام آمان
العظمى راه اليوم عمار .. وتضوي حتى ع الجيران
وراه السكه والقطار .. ايجينا من عند البطنان
ايمر عليهن دار ابدار .. ايدور يالا بنقردان
وراهن عمارات اكبار .. اليوم ملايا بالسكان
وراه خبر واجد ماصار .. وراه اللي صاير ماكان
ولا جار تعدا ع الجار .. ولا من ينهب رزق فلان
ولا رانا نشلو من نار .. اطمع فينا زول السودان
ولا بالجنسية برنار .. افرح لا يحكمنا زيدان
ولا كيب وبوصالح غار .. علينا دارو برلمان
ولا بوسهمين المنهار .. ولا لمقريف لا الاخوان
ولا تبقى مدعى للعار .. الليبي متمرد تعبان
ايلجو الشباب ولكبار .. وبنوت وانهانن ننسوان
ايبيعو فيهن بالدولار .. اللي ثارن هن والثيران
كلام ايجيبو فيه اجهار .. نهار اواضح للاعيان
شرفهن راح مع الاقدار .. اللي راحن في وادي كان
بعد غيبة رداد الثار .. الصقر اللي قاد الفرسان

الشاعر علي الكيلاني يقول: "لا رقم وطني لا الوطن قابلنا .. منا الجفا والا الجفاء من هلنا"

‫#‏مشاركتي_تقول‬
لا وطن لا بطاقه
مع الريح طارن حايسات اوراقه .. الشعب متخذ حاير اخرب نقناقه .. وحالنا ابقي صاعب علي ناشلنا .. دماره ابقي دايرلنا سراقه .. بعيد الفرج لا تاق لا قابلنا .. كل يوم تلفى كاينة عوّاقه .. وبانن عوار اليوم لين اخجلنا .. راعي الغلم والعنز هن والناقه .. تخطر عليك ايهينا ينعلنا .. نلقان فاهقه هلع وطاح ارواقه .. انفكن ارمام الوطن من جازلنا .. قعدنا انشالو من نهار افراقه .. اللي مالمعادي ثارنا جابلنا .. خير ليبيا سايل عليه ارياقه .. الغازي حكايم خاينه جابلنا .. واللي هضا داير للبلاء نتاقه .. عيت بواعقال ايوجهو في هلنا

ريت في الحياة واجد وضقت امرارها

ريت في الحياة واجد وضقت امرارها .. من صغر سني نختلف عالناس .. رافقت الغلم في اجدابها ونوارها .. وصفيري لها وقت السّرا ونّاس .. وإلبل امطالع من خفايا اسرارها .. واجد امرافقها لها داخاس .. والخيل راكب من اخيار اخيارها .. هواية وبيها نرفعو فالراس .. وفي بلاد متربي بحسبة اصغارها .. نعرف انعامل م العباد اجناس .. عويد ابوادي تحترم في اكبارها .. اطباعي وعوايد هلي في المجلاس .. عايش حاياتي امير كيف اميارها .. الدنيا وباني صح من الاساس .. اندبر علي اللي فاقده دبّارها .. وناخذ دباير كان فكري حاس

كي ماكنت .. صامد صمود وليبيا ماهنت .. ياللي تنشدو مازلت

قاعد علي مبداي
مازلت صامد ثابتات اخطاي .. ماني من اللي كان ماشي جاي .. ايزمزك وفي وقت الافزاع أجبنت .. ولاني من اللي نرتجف بكاي .. بايع بلادي ع الجزيرة بنت .. علي أدروب هلنا متزن ممشاي .. ورزقي علي ربي صحيح أيقنت .. العظمى بلادي والصليب أعداي .. وللي معاهم قلت رانك خنت .. ماني من اللي كل يوم براي .. وخوتي وجيراني وناسي هنت .. علي رزق دنيا امقسمة مولاي .. ماني من اللي كذبتي دشنت..

كي ماكنت .. صامد صمود وليبيا ماهنت
ياللي تنشدو مازلت

قاعد صامد
وقاعد علي مبداي ثابت جامد .. ماننطري يوم المداعك خامد ..  ولابتت ساجن ناس لا أنسجنت .. ولا اركبت في طيار ماشي عامد .. اسرارها بلادي للاعداء قدمت .. مامن علايل في كنيني كامد .. في وسط جوفي ع العباد ردمت..
كي ماكنت .. صامد صمود وليبيا ماهنت
ياللي تنشدو مازلت

 كي ماكنت .. صامد صمود وليبيا ماهنت
ياللي تنشدو مازلت

أنباع الوطن والشعب العنيد _ _ اليوم أنذلّ بغياب العقيد

 يا ناري أنباع..
ريت الوطن للغازي أنصاع

عليه أحكمو الأنذال الجياع
اللي برنار كان لهم سنيد

بناء له مجد غير أمعاه ضاع
نهار أضياع لبّاس الجديد

ضناه اليوم راكبهم وراع
الشعب أنهان ينزف بالصديد

وقدره طاح جاء تحت الكراع
من أكبر شيخ لين أصغر وليد

أمسلم طاب راضي الإنصياع
بحكم الغرب واللي له وديد

هاللي خان وطنه أطلوق باع
بأبخس سوم تبّاع وبليد

أنباع الوطن والشعب العنيد .. اليوم أنذلّ بغياب العقيد

يا ناري عطوه..
الوطن اليوم سومه بخّسوه

زعيمة راح في الشدّة رخوه
كبير القدر لآصيل العنيد

فيه الغرب وحلو سيبوه
والأمريكان سابقهم بعيد

صاحب فكر واجد حللوه
عليهم صعب من نوعه فريد

جابه غصب من روما خذوه
الإعتذار عن ماضي نكيد

الليبيين دولار أقبضوه
وعيني بوس ليد أبن الشهيد

هذا تعويض عن ماضي حيوه
معا محتل ظالم مستبيد

بفضل الصقر الأوحد تبعوه
لاح بنصر في الأفق البعيد

جميع أعداه طاعوله وجوه
صاحب عزم فولاذي حديد

أنباع الوطن والشعب العنيد .. اليوم أنذلّ بغياب العقيد

بيجيبو أمنين .. وهم دينار ماهم لاقيين .. لك دولار

لفت إنتباهي الناس اللي تقول كان ينزلو مرتبات كل الليبيين بالدولار تنحل مشكلة صرف الدولار ويرجع لسعره الطبيعي.. فـ قلت لهم

بيجيبو أمنين .. وهم دينار ماهم لاقيين .. لك دولار

وينه راح بح..
_ _ _ _ _ _ _ _ _ _ _ _ _ _خلاص أنساه لمجنّب نزح

لا الدينار بيعاود أيصح
_ _ _ _ _ _ _ _ _ _ _ _ _ _ويرجع كيف كاين من أسنين

ولا هالشعب عاد تسمع نجح
_ _ _ _ _ _ _ _ _ _ _ _ _ _وتما كيف باقي الباقيين

جاك الفقر يالاك أنطوح
_ _ _ _ _ _ _ _ _ _ _ _ _ _عقاب العمر يقعادك حزين

الوطن أنصاب في مقتل أجرح
_ _ _ _ _ _ _ _ _ _ _ _ _ _أغضب دالوه ماهم ماويين

نازل تحت لموشّر ركح
_ _ _ _ _ _ _ _ _ _ _ _ _ _تهدم سد كانلنا متين

بجيت حلف هيبتنا أكتسح
_ _ _ _ _ _ _ _ _ _ _ _ _ _وبعض الناس كانو جاهلين

بكينا دم ماقينا كلح
_ _ _ _ _ _ _ _ _ _ _ _ _ _أنقولو هوه راكم واهمين

لكن وين جملتهم ردح
_ _ _ _ _ _ _ _ _ _ _ _ _ _أنسا وأرجال بانو راقصين

هذا عار والعز أمتسح
_ _ _ _ _ _ _ _ _ _ _ _ _ _أمفيت أيحن مولاي الحنين

ما أهناك ما ينزاد .. عروس البحر والنهر كي بغداد اليوم حالها

ما أهناك ماينقال ..
علي طرابلس شاخو عويل ضوال

خشوها بطيارات الإحتلال
حايسين فيها كولصة وفساد

معا سيدها عدن أيام دلال
اليوم غارقه تشلا تبي نجّاد

على أول أشبوب أتكيد فالنّشال
فرج يا الله نبو لها لبلاد

 ما أهناك ما ينزاد .. عروس البحر والنهر كي بغداد
اليوم حالها

ما أهناك شي أنزيدة
الوطن هيبتة غابت بغيبة سيدة

وتما يعاني في أهموم عديدة
وكل يوم يكسية السواد سواد

نزف دم يذرف ڨاطعين وريدة
بغيبة اللي دونه بروحه ذاد

كل يوم يلفن له أوجاع جديدة
ضناه تحت ظلم وڨهر وإستبداد


 ما أهناك ما ينزاد .. عروس البحر والنهر كي بغداد
اليوم حالها

 ماعد أهناك بصيرة ..
تنزاد كاينتة الوطن كبيرة

أيريد من أرجالة كلهم تدّييرة
أيلمو بعضهم يتركو لأحقاد

جميع من ورث منهم أشوية غيرة
أجدوده وهمّة الأولي البلاد

تعاته أيفزع كان فيه عشيرة
بلا أمزايدة دونه أنهم الأوغاد

خراوات جملة ما أهناكش خيرة
اللي القتل تملهم يزيل كساد

لا طفل هابو لا عزوز كبيرة
لاشيخ تذرف دمعته بدّاد

ما أهناك ما ينزاد .. عروس البحر والنهر كي بغداد
اليوم حالها
---------------------------
ملاحظة رأس البيت كاتبه من فترة وزدت عليه

وين اللي ثارو خلوها .. كي فلقوها .. عظمى فالعالم لقيوها

وين اللي ساعتها ثارو .. ليش توارو
هاللي فالساحة يجارو

فينا مامن سية دارو .. ما ننسوها
من جيل لجيل أنحايوها

هم في درب الخونة سارو .. ما واروها
رايات الغازي أرفعوها

تحت الطيارة يجارو .. ويحيوها
وين أحداثيات عطوها

واليوم!! نظرناهم حارو .. ما أعرفوها
بيعة لين النار وطوها

واحنا مكسبنا نذكارو .. ما خنتوها
هم بإلسنتهم قالوها

لا حلبدنا لا نذارو .. كان غزوها
ليهود أنردو نفدوها


 وين اللي ثارو خلوها .. كي فلقوها
عظمى فالعالم لقيوها



وين اللي أردحو للناتو .. كيف يباتو
في الليل ولخرين يهاتو

باعو وطن الجد وفاتو .. ما واروها
بالصوت وصورة جابوها

ياريت اللي خانو ماتو .. ولا حطوها
فيد الغرب بلاد نهوها

في أبيوت وفي أخيام يباتو .. كي أعقدوها
بيدين بفم ايحلوها

 وين اللي ثارو خلوها .. كي فلقوها
عظمى فالعالم لقيوها

صديقة نزلت بوست علقت معاها ببصارة ومشينا في التعليقات شوي قالت أول مرة نشوف شاعر يبصر فرديت عليها بـ الكلمات هذي

الشاعر حي بإحساسه وخياله
.......................................كيفة كيف باقي هالعباد

يطرب وين تصلح أحواله
.......................................اوين يحوس يلفالة نكاد

أوقات أيطير بالفرح يتعالى
.......................................ويزعل لين يكره فالوساد

بحال الناس يشعر كيف حاله
.......................................يسمر لين ينسى فالرقاد

حالة شين لين تكره خياله
.......................................مالتخميم ويخش العناد

أينوض الصبح يقضي في أشغاله
.......................................ويسعى أيلم في رزق الأولاد

مشاركة مني على شعر للشاعر علي الكيلاني

#‏مشاركه_مني‬
جابة جابة
ريت صورتة في الفيس شابك نابة

اللي أنشال مني غدر من نهابة
كنت فيه فاقد الامل ديمة ديمة

ولليوم قاعد ماعرفت أسبابة
فعل خير تصويرت الطيب خيمة

والا سهو ضنكـ من أصحاب عطابة
فضحهم الله بقدرته العظيمة

المظلوم ديمة دعوته مجابة
ونا شيلته من الزين ظليمة

سارقينا سرقة اقلال نقابة
أخباث النوايا والأريا العقيمة

جنّي هالكلمات من صديق والكلام طبعاً موجه لي وعجبني يقول:

"ظاع الوطن يانا يا ‫#‏عقارب‬ .. لاعاد طار ينفع لا نديب .!
لا عاد نوم لا عاد بال ‫#‏طارب‬ .. داله ياس شغلنى صعيب .!
عام احداش نايوله ‫#‏مسارب‬ .. اتراب الوطن دنس مالصليب .!
جيشك حاش حلمبه ‫#‏وقارب‬ .. بيه الخضر يا سيد السبيب .!"

‫#‏رديت_عليه_بمـشاركـتي‬
يانا ضاع ديمة
.................................... ماعد فيه لاجيهة سليمة

غرب وشرق ماشي للقسيمة
.................................... تم الكل في كلّة ايحارب
 
قتل وضرب خلكـ مالشتيمة
.................................... وللكفار هو حقل التجارب

اللي ما مات هايسته ظليمة
.................................... حال أعداكـ تم اليوم خارب

شهادة حق من طيحة الخيمة
.................................... شاخو فيه شينين المدارب

كل نهار تسمع عن جريمة
.................................... أحبال السو تمن عالغوارب

حتى الطفل يقتل في خصيمة
.................................... لأتفه سبب عقلة لين خارب

شرب الخمر موضتهم قديمة
.................................... واكل حب صايرلة تضارب

في الافكار عايش بالشتيمة
.................................... طاح القدر بين أقرب الأقارب
‫

كلينتون تقول "الليبيين أغبى من أن يحكموا أنفسهم"

عندك حق غبي قوليلة
هاللي تبّعهن راياتك

هاللي صفق كي قتيلة
ياشعب الحرية جاتك

ديموقراطيتك جبتيلة
يحسابك في طياراتك

يحساب الخير أتوديلة
مسكين هتف بإعلاماتك

خلاها لبلاد هزيلة
ساذج هو وأنتي والآتك

غاب اللي كان أديريلة
حسبة في كل أحساباتك

ساعتها كنتي تحكيلة
وأنتي في الأرض أعويناتك

شعب اليوم تهضد حيلة
متقطمر من شين أسواتك

يا منظلة يا الضليلة
الأيام أقبالة أكشفاتك

تو أيجوه أسياد أكحيلة
هاللي ماهابو قواتك

وطني وأتجي تعتذريلة
كي روما هاللي أسبقاتك

لا هو بتجدّي لا حيلة
ند الند علي شاشاتك

والميثاق اللي ثرتيلة
ساعتها وين كلاماتك

ما مالطز اللي طعتيلة
غصباً عن جد أخشيماتك

بوعشرين كبير أبنيلة 

عارف ماحتى أعجباتك

الأنقر فأوروبا الهزيلة
ومن وطنه لز أجويشاتك

باتت لاقوة لا حيلة
زيطي فيها بإهاناتك

ليل نهار الله ندعيلة
توعى ناس ألنا جاباتك

وأنردو للوطن عزيلة
يجلا خبث إستخباراتك

لا موت ولا عاد قتيلة
زوز أنردو كاط أسواتك

100 طز ماهو غير طزّ

100 طز ماهو غير طزّ
.......................................... في الخلجان وأحلاف الصليب

 ثمان أشهور ما فينا أهتزّ
 .......................................... شعر لا هذب ياسيد السبيب

أخيانة خوك حق أدير حزّ
 .......................................... وين أيبيع مايرعى العيب

اللي للغرب فالساحة رطزّ
 .......................................... يقهر وين يخطر هالسريب

كنا قبل يا صاحب كرزّ
 .......................................... وقل المال هذا موش عيب

الليبي صيت فالعالم برزّ
 .......................................... وكان آمان هالوطن الحبيب

جيشة فيه باقدامة درزّ
 .......................................... دونه ذاد فالغازي أيصيب

راح اليوم مكنوني لكزّ
 .......................................... بناره دار في كبدي لهيب

الخاين بان والتابع فرزّ
 .......................................... وحامي الوطن فالوقت العصيب

الرجعي باع والكافر نسزّ
 .......................................... حسبي الله هو نعم الحسيب

صديق قالي: "هات الجديد اليوم ياشاعرنا ... بلاك خاربة ما يوم فيه طربنا"

قتله:
ما عندي جديد
........................................... خذيت اليوم تخميم ونهيد

انراجع فيه من جد وجديد
........................................... هاللي صار خلاه انتهى

الوطن اليوم حاله موسعيد
........................................... ادموع الدم يبكي هو ونا

عاللّي راح والقاعد ايريد
........................................... ايريح اليوم من بنّي وضنا

جرح الوطن كي جرح الوريد
........................................... اليوم انهاس يستاهل ابكا

ضناه اكملو والراي السديد
........................................... مالقيوه شايلهم خطا

مبتعدين نلقنهم بعيد
........................................... عن مولاي ودروب الهدا

امخلي خوه خذ رأي البعيد
........................................... الأخ اليوم مو صايد نجا

إيجي وقت بالدمع تنهال

إيجي وقت بالدمع تنهال
.............................. علي وطنا ومن فقدنا

 يعلم الله راحو أرجال
.............................. سندهم إحنا وهم سندنا

لو ينفدو بدفع الأموال
.............................. ما ليلة بلاهم رقدنا

أسماح الهلل موش جهال
.............................. ياما أمعاهم جبدنا

علل واجد وقول وأقوال
.............................. وبقولهم يجلّو نكدنا

الله يجيبها طولة البال
.............................. بعدهم الدنيا أزهدنا

وقعد حالنا حال الضوال
.............................. تايهين بكل شردنا

في أعقولنا كم موال
.............................. نجارو وطايح سعدنا

الله الله في قول الحقيقة

الله الله في قول الحقيقة
عندي عين ما نامت الليل

وعندي عقل متقاوي جليقة
ماشي بي مشواراً طويل

سارح دوم وأمسيًب فريقة
سابق جيل عمري كم جيل

صبح وليل مطّاول نقيقة
أفكار أتجيب وأفكاراً تشيل

أوقات نقول طايح في غريقة
راح بعيد نلقنّه ضليل

وفيه أوقات كي خرم العقيقة
ماهو هو نحلف مستحيل

وفيه أوقات يستاسع مزيقة
أيجيب أفكار ع العالم أتخيل

أهموم الناس شايلها طقيقة
يخمم فيه من عابر سبيل

ياخذ شوط متعلّي شهيقة
يبكي كيف مايبكو العويل

بعالي الصوت لين يجف ريقة 
وياخذ شوط تزمير وطبيل

وضحك وبسط ماتعرفش ميقة
أدموع الفرح قاطبهن نزيل

مسع جاه صاحب لاعشيقة
أيفضي البال لا خل وخليل

مشاركة مني على راس بيت جاني ولا أعلم إسم الشاعر

أمس جاني رأس بيت من صديق لي في الجفرة لشاعر بس إسم الشاعر ماعرفته لما نلقها نكتبه إن شاء الله المهم راس البيت يقول:
"ﻛﻨﺘﻦ ﺩﻳﺎﺭ ﻭﻛﺎﻥ ﻓﻴﻜﻦ ﺷﺎﻳﺐ ...... ﻣﻮﺭًﺩﻛﻦ ﻋﻠﻰ ﻣﻨﻬﻞ ﺍﻟﺮﺍﻱ
ﺍﻟﺼﺎﻳﺐ"

‫#‏مـشاركـتي_تقـول‬:
كنـتن أديــار سعـتها ..
أيــامـــه وكــان لليــبــيا هـيبــــــتها

ايـامـن وهـو الانقــر علـى ســدتـها
جـلايـب يجــنّه مـ الـوفــود جـلايـب

ومــا عمــر والــي داسـها حـرمتــها
أمفيت بالرضى خوفة أخياب الخايب

فــــيه بـاينــه مـاهـي خــفا عـازتـها
صـلايـب علـيها مـ الهـموم صـلايـب

اليــوم كـلحـد ينـهش أذياب كـلاتـها
حـايـزاتـها حــوزة الــرزق السـايــب

وحـــدة زمــــان أمــوحـــده رايتـــها
موش كل حد خرقه أتفطفط جـايب

نـاصــب أيعــوّل غايتــه قســــمـتها
أخـرقــهم شـواهـر حايطـات زرايـب


"ﻛﻨﺘﻦ ﺩﻳﺎﺭ ﻭﻛﺎﻥ ﻓﻴﻜﻦ ﺷﺎﻳﺐ ...... ﻣﻮﺭًﺩﻛﻦ ﻋﻠﻰ ﻣﻨﻬﻞ ﺍﻟﺮﺍﻱ
ﺍﻟﺼﺎﻳﺐ"

كنـتن صحـيح أديـار 
وعـايشـين هلـكن في هـنا واقــدار

بعــد المـلاحــم ضـــد الاستــــعمار
رواء دمـهم مـا مـن أوطـان صـلايب

قبـــله قعـــدتـن شــــرف للأحـــرار
أسـياد العـرب هلـكن تريـس نوايب

وحـد هـذي نلقـنها أتجـــيب أفــخار
إعتِــذار رومـــا صــاغـرة للـشايــب

وتمـــزيقــته غــادي فعـــقر الـــدار
المــيثاق ترمـي فـ القـلوب رعايـب

أتـريــد قــرم ينــفع مـا يهــاب الـنار
يقـول طـز مـا يدّبـي مـع الــدبايـب

اللـــي بعــدا تمــت قــبر مـا تنــزار
ليـبـيا أتعانــي فـي أهـوال نـوايـب

وهلــها يعــانــو فــي شـقا وأقــهار
عـقاب وقـت ما عـنده أمروح جايب

"ﻛﻨﺘﻦ ﺩﻳﺎﺭ ﻭﻛﺎﻥ ﻓﻴﻜﻦ ﺷﺎﻳﺐ ...... ﻣﻮﺭًﺩﻛﻦ ﻋﻠﻰ ﻣﻨﻬﻞ ﺍﻟﺮﺍﻱ
ﺍﻟﺼﺎﻳﺐ"

صورة رفعت في مظاهرات بنغازي ورديت عليهم

اللي ضركمـ موش الإخـوان .. نيـــة الأزلامـ النــظيـــــــفة .. تــــاهمــينهمـ زور بهــــــتان  .. فـي كــل ضــربـة عنيــــفة .. أنتـو ضـاركــمـ قــل الإيـمان .. وغيـــبة الــناس الشــريفـة .. تبـو الـوطن مُـصان مطـمان .. وعــآل عــال مافــيه كيــفة .. تعـالو لـنا بطـيب وإحـسـان .. وشيـلو الـرايـــة العفـــيفة .. كل شيخـ في سرت مُهان .. وكـل أمـ وأسـرة شـريفــة .. أخـذو بخاطرة يبات طـربـان .. يـا اللــي كليــتو الـجيـــفة .. اللـي ما أندمـ بات حـزنـان .. ودمــعـة تـقـاوى دليـــــفة .. أقطع دورت أفـلان وأفـلان .. اللـي مذرحو لـ بن خليـفة .. واللـي أسّابقو لعيت هيّان .. يحـسابو سعدهمـ حليـفة..

طالبها صديق صايرله موقف

قلت له:
مرهون وطن ماني لكّـ نفخر بيها .. وشوفي اللي ترضيكـ وأديريها

مرهون وطن يا مشكاي ..
أمضـحي علي شانه ونعمـ الراي

وأجدودي أتبعت أدروبهمـ بأخطاي
رافــــعـ الـرايــه فــوق وأمعلــــيها

أنتـي الغـلاء وأنتـي أحدود أمناي
لا هـي خطاء لا عـيب لا نخفــيها

وحـال غايتي زولـكـ يكـون أمـعاي
حـياة حافــلة فـرح وزهـاء ماليــها

ولكـن الوطـن أولـى وقبل غـلاي
بـايـعـ حـياتـــي نـا وهـو شـاريـها

أفـداه دمـنا يـرخـص بـلا شــراي
الـوطـن وطـنا وأقـلوبـنا أمعـــبيها

في ذكرى خطاب التحرير المزعوم من المدعو مصطفى عبدالجليل الموافق ليوم 23 / 10

أيـش حال خاطركمـ وياكـ طـرابا .. فـذكرى أجليل بـو أربعـة وأخـطابة

أيش حال فـبرايركمـ
وأيش حـال ليبيا وينما الله نصـركـمـ

يـاكـ غـير بـدلتـو أقـصـور أقـطركــمـ
ويـاكـ غـير تمــت شـامــخة مـهابــا

بـلادكـمـ ويـاكـ الخـير جـاء زايـركـمـ
ويـاكـ غـير مفــــتكـين مـن النــهابـا

ويـاكـ غـير تمـن باهــيات أصــوركمـ
فـي العالمـ بعـد البدوي طال أغـيابا

ويـاكـ الابـراجـ أمــزينــات نظـــركـمـ
كـايــــدات الاسنـــسير والـــركـابــة

وياكـ جيشكمـ درّب أبقي شاهركمـ
وهـمّة الـواحـد الأمـن وإستــــتبابـة

وياكـ الذهب عبى أجمامـ أصـرركـمـ
وكـل فـرد ملـيارات تحـت أحـسابــة


أيـش حال خاطركمـ وياكـ طـرابا .. فـذكرى أجليل بـو أربعـة وأخـطابة

أيش حالها ثورتكمـ..
يـاكـ الســعادة والــــرفـاه عطتـــكمـ

ويـاكـ غـير تمـت هـانـيا عيشــــتكمـ
ويــاكـ غـير مـرتـاحـين مـ العــــصابـة

ويـاكـ الـــــدروب الـصالــــحة ورتـكمـ
وتـابعــين شـرع الله طـبق أكـتابـــــة


أيـش حال خاطركمـ وياكـ طـرابا .. فـذكرى أجليل بـو أربعـة وأخـطابة

أيش حالكم قولولي..
وإلا أســوال الله غــير أصــغولــــــي
 
باللهِ عليـكمـ مـوش كـان رجـولـــــي
أطلـوعـنا علـي حلـف الكـفر وأذنـابـا

ومـوقف معـمر مـوش كـان بطـولــي
صـامـد ثمــان أشــهور عـالـي قـابـة

مـعـ جيـــش مصّـنف أرهابـي دولـي
قال طز في الاطلس وفي اللي جابا

موش خـير من حالة اليومـ أحكولـي
بالـكـ علـي عينـي أغشـى وضـبابـا

حـال ليـبـيا حـال العـدو فـي قـولـي
كـــل يــومـ فــيها حاكــمة عـصابــة

المانـي تشـادي مالطـي وأنغـولـي
مـا أهـناكـ جنـس ومـا حكمـ بإكـتابا

أحويـجة نبـي حـاجـة ترا سمولـي
صلـحت وزادت عـن زمـان طــيابـــة

أيـش حال خاطركمـ وياكـ طـرابا .. فـذكرى أجليل بـو أربعـة وأخـطابة

يـا ريـمـ الحـسون .. جـواد أسـعـدي نحـسابه حـرون .. جـابـكـ لـي

يا ريـمـ القـبيلة
أقــسامـي لــي جابنــكـ عــزيلــة

بعـــون الله تبـقيـــــلي حليــــــلة
أيحــيد أريــاف عقـــلي والعـــيون

أنتــي بـــس مـا عنــــدكـ مثيــلة
فيـكـ جمـال مــن خـالـق الكـــون

إن كلا الوصـف هـذي مستحــيلة
جـمالكـ فــوق وأكـمل مـا يكـــون

دواء للعــقل والنــفس العـــليــلة
وطيـفكـ سجن فـارق عالسـجون


يـا ريـمـ الحـسون .. جـواد أسـعـدي نحـسابه حـرون
جـابـكـ لـي

يا ريـمـ العشـيرة
غـير غــلاكـ مــا عـندي بصــــيرة

درتــي صيـت مـو عايـز شكـــيرة
سلم أسعدي جابـكـ لــي عــون

الدنـيا قـصر وأنتـي لــه أمـــــيرة
وجيلكـ خـدمـ برمــوش العــــيون

يخـدمـ فـيكـ عالـن عــن نفــــيرة
وبتســخـير مـن خالــق الكــــون

أربـاوت ناس فـي الأنـساب خيرة
لاهــمـ لفــو ولاهـــمـ عـايـــدون

اللـي مكـسور يلــقاهـمـ جبــيرة
فيــهمـ عـمر مـا خـابــن أضــنون


يـا ريـمـ الحـسون .. جـواد أسـعـدي نحـسابه حـرون
جـابـكـ لـي

يا ريـمـ الجـلاوي
قسـمي فيـكـ نلقـنه أســطاوي

جابكـ لي فـي أجروحـي يـداوي
رسمي موش في ضني أضنون

صـــوقــر دنــو ثاريتـــه أبـجــاوي
ويــن أيحـــــن نلقــــنه حنــــون

كـنت أنقــول خلانــي أهــواوي
أوين أقسـمت خايـف مـ العـيون

عليكـ أنخـاف مـن كـل الجلـاوي
مـ الحـساد واللـــي مـا يصــون

يـا ريـمـ الحـسون .. جـواد أسـعـدي نحـسابه حـرون
جـابـكـ لـي

مـا مـن ناس لـها هيـبتها .. غـير كلـتها .. تمـت بلـهونـه حالتـها

ما من ناس أصحاب كبارة .. ما الصغارة
تنعـــتهمـ بيـــها بـإشـــارة

لا يرضـو عيب ولا عـارة .. في صحـبتها
عـز وقـدر وقــاب سعـــتها

معــروفـــين عــرب دبـــارة .. وأدبـارتـها
تمشي بيها ناس خـذتـها

واليــــومـ الدنيـــا دوراة .. ويــن لــوتـها
غلبت حتى فـي وكلــتها

مـن خلـوة الأيدين حيارة .. مـن عازتها
تـذرف سـكابة دمعــــتها

راحت من رايات سكارة .. فـي جلوتها
مــا عـاد الدنـيا ساعــتها

بين أفصـول وبين إيجـارة .. وأضـيافتها
صعبت عن ناس أدمايتها

إسمكـ هند وصوبكـ ماصار .. سحر لنظار .. العقل أتجري فيه لنار

من فترة طلبها مني صديق وماكان عندي نت ننشرها نقلب صدفة لقيتها..

إسمكـ هند وصوبكـ ماصار .. سحر لنظار .. العقل أتجري فيه لنار

علــي اغليــتي واجــد راكـ .. الله عـــطاكـ
خذيت حد الزين أمعاكـ

أنتـي زينـة البـنات أحـذاكـ .. أنجومـ أصـغار
وضيكـ يبهر فـ لنظّار

أيسدن غير أحروف أسماكـ .. أتقول أشعار
لهن لمو شعار أكبار

أنتــي غــير الميـعاد معاكـ .. يحـيد جـــضار
العقل اللي ملذوع بنار

أنتـــي علـقتــيني بهــواكـ .. أســقد طــار
العقل ولحقنا لنظار

الـ( هـ ) هالكني راه هواكـ .. وهذب أغــزار
رباني وأعيونكـ جسار

الـ( ن ) أنمـوت علـي سـباكـ .. انــدير نـهار
إنكان أيجي دونكـ حجار

الـ( د ) دوايــا فــي دنـــواكـ .. أتحــوزكـ دار
أنعيشو مبسوطين أميار

الله ﻻ أيــورينــي فــرقــاكـ .. أيحــيد جــظار
العقل وننسو هـ لمرار

عقلي هف برم بأفكارة .. شور أديارة .. بوسالف مروي بعطارة

عقلي هف بفكرة عدّا .. ماعد شدّا
راي ولا شور علي ودّا

هـ اللي عنها خلوة يدّا .. لـه حـجّارة
خلاته يكمى في نارة

نيــتا بيـــتها لــه مـــدّا .. دار أحجارة
بين الغالي والنقارة

خـلا حالتــهمـ منـــغدّا .. كي لحبارة
هـ اللي حازوها بزارة

وين أطير أتجيها هدّا .. موش أبصارة
نين الريش أيطير أغبارة


عقلي هف برم بأفكارة .. شور أديارة .. بوسالف مروي بعطارة

عقـلي هـف أفـكارة عـدّن .. ما عـد ردّن
يالا ناس أعزاز أيودّن

نين أقسام غلاهم شدّن .. ع اللي غارة
شن وجاء خايب طيارة

بإحـداثـي يمـشن ويـردّن .. سود أنظارة
يوميلي عارف الإشارة

طـيارات أقـسامـــي ردّن .. مـوش إثـارة
جابنلي غرغاز أنظارة

 عقلي هف برم بأفكارة .. شور أديارة .. بوسالف مروي بعطارة

يـا سـرت يـامـا صـار .. فـ ناسكـ وتبـقي عاصـمة الأحـرار مـا تـركــعي

يـامـا صـايـر.. 
يـا ســــرت رداكـ الـزمـــان الــجـايــــر .. إلتــمو علـيكـ أقــلال هـ الـــدبــايـــــر .. اللــــي صفـــقو للــحلـــف والكــــفار .. يـا الــباســلة ضــد الصلــيب الـغايـــر.. أصـــابـو ضـــناكـ ومـا رضـــو بـالـــــعار .. يـا ســــرت تـاريخـــكـ تعلّـــى نــايــــر .. ومــازال صيــتكـ فـي الأعلــى يـذكــار .. ورتـل عـزنـا والمعــتصمـ وايــش دايـــر .. أمـــعاه القـــبايــل فــاقـــدات أمـــــيار .. مـن شـرقـة ضنا جـوضـر خـذو النـواير .. فـراسـين مـا هـابـو أخشـوش الــــنار .. لا زارهـــــــمـ بــــرنـــار لا فـــبـرايـــــر .. كـــــــبرو بــها لابـــت بهــمـ تكـــــــبار .. واقـضـــين مـن الأول قــرو مـا صــايـر .. فتـــنة خـبــزهـا خـبــز الإستـــــعــمار .. وخــوت جـدنـا مـاهـمـ أقــلال ثــمايــر .. بحـــمزة أمـعـــرف جـايبـــين أفـــــخار .. ومـا مــن تـريــس أفــدا الـوطـن أدايـر .. منـــهمـ ومـــا نــذكـر أمفـــيت أنـــفار .. امعدان ينطرو في سرت موش حجاير .. وفـــي الأربعــين أمــصادريــن أصــدار .. خـلكـ مـن اللــي فـي أخـطاه أيـخايـر .. أيقـــدمـ أيــوخــر مــا عــرف محــــتار ..مـانـي بقـولـي فـي العـــباد أنـعايـــر .. اللـــي دار شــيء أنـقــــول دار ودار .. نعـــرف الحــــره ويـــن واللـــي بـايــر .. مــن لفـــــة أمــلايتــها بـلا فــــسـار .. نجـــــبد غــويـر العــقل كــي نــدّايــر .. وهــو أجــمامـ ديـمــة ممـتلي طــفّار .. لانــي مــن اللــي فتــشو الصــرايــر .. ولانــي مــن اللــي يعــتدو ع الـــجار .. إلتــــمو علـيكـ أعـــداكـ دور الـــدايــر .. أمــشـرق أمــغـرب والجــنوب أمـــرار .. أقــلال الحــياة فيـهمـ عمـيل يـسايـر .. شـي مـالبــحر يضـرب وشـي طــيـار .. اللـــي تـوجـعكـ وتــزيـد فـيكـ قــهايــر .. عـقــاب ليــبــيا الآخـــر مـــعـ بـــرنــار .. أيمــــذرحـ ودروحــــه يقــولــو ثــايـــر .. مــن أمــتى الثـــورة هلــت يـافـــجار .. أمـفـــيت القلـــيل وقــل دار ثـمــايــر .. صــمد ليــن دمــرو مـالصـلـيب دمــار .. الله لا يســــلمـ عـظمـ فــي فــبريــر .. ولا كــــــل مــــن طــبّل ولا زمـــــــار.. 

يـا سـرت يـامـا صـار .. فـ ناسكـ وتبـقي عاصـمة الأحـرار
مـا تـركــعي

يـامـا طـاري..
وأنـزالـن أيقـجّن بـالـدمـوعـ أنـظــاري .. علـي مـا أجريلكـ قـبل واللـي جـاري .. اليـومـ فـيكـ مـن يـومـاً مشـو الأمـيار .. أصـدارهـمـ ومـاعـندي عليش أنواري .. أخسـرنـا الحـرب وكـــاسبـين أفـــخار .. اللـي فـي الشـوارع عـالنـين طواري .. ونـســـيو أيـــامـ الحــــلف والطـــــيار .. أمنـين فـ العجاجه جيـشهمـ متواري .. هـــــارب ومـــا تنــظـر الإ الــغــــــبار .. وراهـمـ أقبّـلهمـ سـايــبات إجــــباري .. مــلاويــحـ يــرجـــو فــي فــزع بـرنـار .. وصيتـهمـ قـعـد بيـن الشـعوب يداري .. الشيــطان وجــهة كــان جوه أصـدار ..

يـا سـرت يـامـا صـار .. فـ ناسكـ وتبـقي عاصـمة الأحـرار
مـا تـركــعي

أبكـن ع الهـيبة 100 عامـ .. بعـد الأزلامـ .. ورتل العـز!! العـز حـرامـ

أبكـــن ع الهــيبة ياخــياب .. الـوطـن أنـصــاب
فمقتل من يوم انسحاب

الجـيش اللـي مـن النيـتو ذاب .. أقريـب عـامـ
ولا قال خلاص إستسلامـ

قسـمـ يـاريتـه ع الأعــراب .. أعـداء الإسـلامـ
اللي باعو حتى صدامـ

اللـــي لـــنّا ردو الجــــوب .. بـــزيــف كــــلامـ
العظمى باعوها الأقزامـ

لمـجلس رعـب أيمـتا صـاب .. بــرمـ فـاوهــامـ
وخلاهن عاشن بسلامـ

إجعـنهمـ فـي فتـنه وإحـراب .. أطـناشـر عـامـ
ضناهم يسّمو الأيتامـ

الإ مـن قـال خـلاص وتـاب .. وصــل الأرحـــامـ
وجا وإستسمحنا يكرامـ

أنـرد علـي مـدعـى الحـباب .. اللـي لـوهــامـ
بلاهم يالاطيف ظلامـ

أجنـود الـفاتـحـ قــدر وقــاب .. أكــوامـ أكــوامـ
أجثثهم مرميات عرامـ

النيـــتو فـوق وتحـت كـلاب .. الـوطـن أنظــامـ
لهم قلنا قالو ظلامـ

الخــايــن الإحـداثيـــة جــاب .. وقــال تمــــامـ
بها زود من وطنه ضامـ


أبكـن ع الهـيبة 100 عامـ .. بعـد الأزلامـ .. ورتل العـز!! العـز حـرامـ

أبكـن ع الهـــيبة عمـري طـول .. ونـا مـسـؤل
أدموع أغزار انريد سيول

علـي قــبر وسيــدة مجـــهول .. إربـات أكـرامـ
استشهد دون العرض انظامـ

حـلال علــيه القـول أنقـول .. إن عمـري دامـ
اللي يزاحم ع الموت ازحامـ

اللــي لا كبــكب لـو مـذلـول .. بطـوعـه هـامـ
اضرب فالجبهه لاقدامـ

كـلامـي مـــــوش مـدلـول .. أمسـجل عــامـ
لجملة معاشرنا الازلامـ

قعـد بيـت بـجابـر مـسلـــول .. أتقـــول نعــامـ
الدولة والشعب اللي هامـ

اللـي يبـي مـ الغرب ـحلول .. أعداء الإسلامـ
اليوم انداسو تحت اقدامـ

الــحاقــد والــكافـر مــنعــول .. إن مـا تعــلامـ
ايحطو في السكار إمامـ


أبكـن ع الهـيبة 100 عامـ .. بعـد الأزلامـ .. ورتل العـز!! العـز حـرامـ

أبكـن ع الهــيبة عمــري كـل .. أخـرلـي حـل
علي وطن ترابة محتل

بعــد عــز وهيـــبة شـايــل .. اليــومـ أركــامـ
تحطم تم امغير اركامـ

وشعـبه مـن ظـلة جـافـل .. جمــيعـ أحــلامـ
الثورة والثوار احطامـ

فنـفق أسـود حطـوه دخـل .. أخـطاه أجـرامـ
ايوخر والا لاقدامـ

إمفـيت يجـيب المـولـى حـل .. الإ السـلامـ
ابقي صاعب ماساعة دامـ

إنشـاور فـي عقـلي ويعـل .. الحــل أوهـامـ
يقول ان مو سيف الاسلامـ

أبكـن ع الهـيبة 100 عامـ .. بعـد الأزلامـ .. ورتل العـز!! العـز حـرامـ

ابكـانا علـي وطن تحت الوصايا .. ناسه كبايا .. بين البلادات تمو هتايا

ابكـانا علـي وطـن تحـت الوصـية .. وحــالتــه رديــة
سـوايا بعابيـط سـية بســية

كيـف الـولـد فـيه كــيف الـوليـة .. أنـظاف النــوايـــا
بيـن الـبـلادات تمـو جـلايـــا

ضمــير شعــبنا مـات مـوتـه بطـية .. ارتكـبو جــنايـا
انتهكو احرامات ناساً سمايا

أبتـــعـدو علـي الله وسـنّة نبـيـة .. ودرب الهــــدايـا
وتبعــوه بـرنـارد عـدو بـرايـــا


ابكانا علي وطن تحت الوصايا .. ناسه كبايا .. بين البلادات تمو هتايا

ابكــانا علــي وطــن واضـحـ ابيـوعة .. وبايـن خنـوعــة
فيـد الكـــفر ريــت تمــــن أصــروعة

قـــتل ودمـار فـــيه مــن حــد تــوعـة .. واكــبرجـــنايـا
مـا حـد علــــي حـد يرجــعـ بــــرايـا

اللـي هضا يبـي الناس ترجـعـ لطوعة .. كيف السـبايا
ويســــمط مـلاييـن تحـت الـدعـايـة

وهـو للـولايـات حـاتــــمـ أرجـوعـــــة .. جيــوبة مـلايـا
والشعب ماحسبت هكّ قال الحكايا

طالـــب الله فجــر يبـــكر أطـــلـوعـة .. يوحــد الــرايــا
أنـردو حسـى وزيـت بيـــن الخّـوايـا


ابكانا علي وطن تحت الوصايا .. ناسه كبايا .. بين البلادات تمو هتايا

ابكـانا علـي وطــن تشـغل أخــبارة .. وحـايـس مــدارة
أدمّـر بعـد جـاه حلـف النـصارة

مـعاهــمـ عـواويـل كـانـو جـضـارة .. فـ أول بــدايـــــــة
خذو مالحـبوب نين قالو كـفاية

وهـلــهمـ مــساكـــين باتــو حـيـارة .. بيـن الــدمــــايـا
وبين وطنهمـ ضاع عدا شـلايا

غـزاهـمـ اعـلامـ غـزو تبــعو مــسارة .. جـايـب روايــــة
بعــيد ع التـصاوير لابعـد نهاية

بقـولة شـراء جيـش واخرى سـكارة .. بيسـبي صـباي
ويمـسحـ بلادات هـكـ الـرواية

ابكـانا علـي وطن تحت الوصايا .. ناسه كبايا .. بين البلادات تمو هتايا

بعتوها لليون وغيره

يقول الشاعر علي الكيلاني:
((بعتوها لليون شراها
بعد ضناها
هانوا الروس علي سباها))


#مــشاركـتي_تقـول:

بعتوها لليون وغيره
موش كبيره
سلمها بيديه أبعيرة

حالتها بالحيل خطيرة
شاع نباها
في العالم خيان ضناها

خليتو لبلاد أسيرة
شين جباها
موحش ماتقدر توطاها

اللي كانت بالعز شهيرة
ما يوطاها
خاين لا يقدر يدناها

تمت يا خيان ضريرة
بان صغاها
منتهكين الجو أعداها

كيف المقعد فوق سريرة
سيل أدماها
سايل من تجريح ضناها

خانو خيمتها الكبيرة
بكل سفاها
تبعو حلف يهود غزاها

ديـري عـزايمـ واصـبري وانسـيهمـ .. غـنايا اعـزاز اليـومـ مـاترجيـهمـ

عـزايمـ ديـري ..
يـا العـين واجــد ســاد مـــن تقهــــيري .... أقـسامهمـ مشـن بيهمـ أعـزاز لغـــيري .... متـقـعد أمـــعاهــمـ عــون وأمـواتيــهمـ ....سواء تنـزلـي فـي الأرض كـيف أطـيري .... امـقوفـل رحـيل اليـاس مـاشـي بيـهمـ .... أمذهـب علي سـوق الرحـيل خبـــيري .... وعــونـي رقــد عـــوّز جــنابـكـ فيــــهمـ...

أعزومكـ شـدّي ..
علـي دارهـــمـ كـري أقـــناع وعــــدّي .... خطـير وضـعـ بختكـ في الغـلاء متـردي .... بـاعـــو أعـــزاز وخــاطــركـ شــاريهـــمـ .... فـي ذيـل عـوّ انكـان طلـــتي شـــدي .... ليــن مـ الغـريـق يطـلعــكـ واتجــــيهمـ ....تـوجـعـ الا أيـديهـمـ اللــي مــن يــدي .... نافضــين نفـضت قـش عـالـق فيــهمـ ....مـا تقــول كـانـو كــل يـــومـ أتجـــدي .... وكـل يـومـ يبــو عهــد مـا تخـطـــيهمـ ....واجـــد نصــحتكـ يـا العـــين أتــــردي .... علـيّا بقـولـت مـا نبـــي خــاطيــــهمـ ....اليـــومـ جـــربــي رايـــي علـــيا ردي .... وخـوذي نصـاحـي نـا اللـي قـاريهــمـ...

فـيه فـرق بيـن طـرابلـس الأبـيه .. وطـرابلـس اللـي باتت اليـومـ سبيه

فـيه أفـوارق .. وفـيه شـيء فـي جـوفـي كنـيني حـارق .. كانـت عـمار وتـو غـير مـسارق .. وتمـت بلـيه عـالقـة فـ بلـيه .. بقـي شعـبها حـايـر اليـومـ وشـارق .. الـشامخـة اليـومـ أمكتـفة ورديـه .. اللـي شـادهـا السـفاحـ واللـي مـارق .. حـاكميـنا فـيها والعـيون قـويـة .. أمخـيمـ علـيها هـمّـ مـوش أمفـارق .. اللـي قـبل كانـت ع اليـهود عصـيه .. أنـباعـت بـلاش أبيـوعـ رزق الـسارق .. اللـي طـاحـ متلـبس بـها القـضـية .. عليـكـ عـار قـابـل تـمـ كـي لبـوارق .. أيـديـرو أمفـيت اللـي أتسـد النـية .. لا عـد شـرف لاقـدر فـيها مـارق .. جـيل عـاش فـي نكـبة أفـسد جمـليه..

بعـيرة يكـولـص شقـلبوه وعـدا .. خلّـوه يلـطمـ فـ الخـدود بيـدا

يكـولـص كـايـن .... يحـساب روحـة فـ الكـراسـي بايـن .... بـرمـ بـه ليـون وحـس روحـة خـايـن .. يبـكي اليـومـ الـدمـعـ مـاعـد شـدّه .... مـاطـال مـ الكـراسـي شـي وجـهة شـايـن .. قـال أحبـسونـي نكـسـته مشـتدّه .... واجـد جـرى حصـل أمفـيت غـبايـن .. يـريـد المـناصـب قبـل عـاد العـدّه .... خـذوهـا الصـواحـ وهـو اللـي يـزّايـن .... زمـان راحـ شـالـة سـيل عـايـمـ ضـدّه..

ثارن فـ القـدس ورامـ الله .. حـادن علّـه .. مـا قـالن يـانـاتـو كـلا

ثارن ريـت صحـيحـ حـرايـر .. مو فبراير .. زغـرادات الحـلف الـغاير

فيـهن مـن الارجـال أمـواير .. راقـد خلّـه .. عالمـنا متـخاذل كلّـه

متبـطحـ ريتا ويسـاير .. كي نصرالله .. كي سلمان وكي عبدالله

والسيسي فـ بلاده حاير .. شيكـ مـذلّه .. الأمة بالكامل منحلّه

ياناسيين الله باب التـوبه .. مفـتوح للـي تاب ساب أذنوبه

ياناسيـين الله..

ديــرو أحــسـاب الحـــشر وأمـــلاقـــاه .. فــي يـــومـ مـا ينــفعـ الــمال امــــعاه .. ولاينـــفــعكـ عــــيل ولا امحــــــبوبـــه .. نــهار العـــباد اتجــي اتصـــف احـــذاه .. راه العـــمل بعـــــديــن تــجـــازو بــــه .. ديـــرو احــــساب ليـــــومـ لمــــــوازاه .. مـا فــيه والــي جـاي لابــس ثــوبـــه .. نـــهار بــوكـ وأمــكـ والـولــد تنـــــساه .. وأيـبات كـل حـد شايل أهمومـ أذنوبـه .. نهـار كـل حد نفـســـي أيشـيعـ إثـغاه .. أمفـــيت الشـفـيعـ الطيــبات أدروبــه .. محـــمد الطـــــيب نـذكـــــرا بصـــلاه .. وسـلامات واجـد نين مـي أمحـسوبه .. علـي اعـداد ما وكـــل الطـــير ضــناه .. وعلي اعـداد ما ضوّن انجـومـ اغـروبه.. 

يا ناسـيين الـعالـي.. 

اشقو بـ الاخـره مالكمـ وهـ التـسالي .. تـزهـو اليـومـ وتنـدمـو فـي الـتالــــي .. الله يبـعد الشـيطان شـين أسلـوبـــه .. حتى وانت هايم في البساط الخالـي .. ايجـركـ ايوسـوسـلكـ اتجـي لـدروبــه .. ومــرات كــي يبـدأ خفـيف امــوالــي .. يفـتن إيجـي بيـن الإنـسان وثــوبـــه.. 

سبب دايا كاحل لميام .. وميل أيام .. وخلو الجيب ورق عزام

سبب دايا كاحل لهذوب .. وخلو اجيوب .. امخليني كيف المكلوب

انحدف في ياسه بالطوب .. معا لقسام .. اللي فزعتهن غير ملام

وهو ماعقب شين أسلوب .. بقو عزام .. علي امقدم لاقدام

اسلاحة في وجهي منصواب .. وقو إعلام .. يشوّش به ع الراي العام

أمر الله قالن لي مكتوب .. أغفر لوهام .. اقسامك يابو دور عرام

الله غالب راني مغلوب .. ابديت احطام .. عرام أعزومي غير اركام

أمشيع دي نويت أنتوب .. الصوب حرام .. اللي كيفي يصبح منظام

سبب دايا كاحل لميام .. وميل أيام .. وخلو الجيب ورق عزام

سبب دايا بوهذب أطوال .. اتقول غزال .. اللي توصيفه شي خيال

المولى ردع فيه جمال .. وطيب كلام .. وعفه خاطي الإحترام

اربايت إكبارية ودلال .. وطيب خيام .. وحن وهيبة في هندام

اللي مو رامقها مازال .. إيدير عزام .. أرحم من قولة فيها هام

خجلها ع العاتق منهال .. أكوام أكوام .. أمّشط تحلف ريش نعام

شالو وما شالو بحسبة شالو .. أعزاز قاعدين أمغير غيري غالو

شالو وهم يالانا .. 

قاعدين في الحومة أصحاب غلانا .. أمغير الغلاء دارو جديد مكانا .. سايب جنينه ما عليه إيسالو .. لوكان عازو فيه كيف عزانا .. ويا لو وفو بالعهد كي ماقالو .. اليوم في شعاشيط السعادة رانا .. وحسادنا راهم الخيبة نالو .. نلقاها إنهم دارو إلا العفانا .. حتى وهم علينا ينشدو مازالو .. ياريت في جنازتهم لفى عزانا .. الشامت بعد فوقهم التربه هالو .. ولا صار هاللي صار يامطرانا .. خلونا وفي خلوة خلا أنتخالو .. تحلف إلا واخذ حجر جبانا .. جثامة وكابوس الخطأ يتّالو .. يانا اللي صايف اليوم زهانا .. ويانا علي ربطة أيديه انلالو.. 

يا دكتور .. لهن أسنين هايسهن أبكا وأسمور .. ما يغمضن في الليل

اللـيل هـتايـا..

يـذرن علـي سـوقـت رحـيل أمـنايا .. مولى الغثيث أسود أطـوال سفايا .. اللـي فـي الصـبايا صيتها مشـكور .. أهـذوب سـود خالقـهن الله كــبايـا .. علي أعيون نوصفهن أنقول الحور .. اللي خدها يشـكع أتقـول أمـرايـا .. وشـفه كـما لوحـه قـلم مشــهور .. لطيف حسها شادي بطيب إلغايه .. أتقـول طير كـانـاري وشـاف أطـيور .. المشـية زعـيم أيمـر بيـن سـرايـا .. على جيش غازي منتـصر مسـرور .. أمكــرم أجنــوده رافعــين الـرايــه .. خطـرها الا مـدعـى همـيل القـور .. اللـي اليوم متـباعد ومـوش برايه .. مفـروضـة علـيه وعـارفـه مجـــبور.. 

يقول الشاعر: علي الكيلاني لوكانك اعماهن ما يموتن غربه ولا سيف في الزنتان خارج سربه

#مشاركتي_تقول

ما يمـوتن غـادي
ولا حالـهن يصـعب علـي الاعــادي .. ولـو كـــان هــضا جايهــن جـــرادي .. العــالم أيعــزي مـن بعـيد وقــربــه .. ولا أيغــيب متــحــضر ولا لبــــوادي .. وراه كــل حــد جـاهـن وبيــن دربـه .. وما سيـف يسّــر راه بيــن أجـوادي .. لو كـنت قاعـد يـا ونيــس الغـــــربه .. وراه العـــزاء فـــي كـــل دار اوادي .. اللـي ما حظر مغصوب جاي بطربه .. نلقان فقـدتكـ نيـران وسط أفـوادي .. أفراقكـ أموكي في أضلوعي حربه .. تمــت سـوا فــي الحــال يـاودادي .. كي شرقها كي وسطها كي غربه .. تمــــت جـــوالـي دمـــها بـــدادي .. اليــوم بعـصاة اهـمومها منـضربـه.. 

لبـلاد رايحـة فـي مـتاهـات

لبـلاد رايحـة فـي مـتاهـات .. ما أيجـيبها قـول والـي .. ولا أتجـيبها شـي صخـيرات .. ولا حاكـماً جـاي جالـي .. ولا أمـبادلـة بالمـلامـات .. وقـول دار عمـي وخالـي .. ولا مالعـرب فـرض رايـات .. ولا الغـرب حكـمة أموالـي .. الـدايمـ الله فـات مـافـات .. وخلـين مـنازل أرجالـي .. عليـها أذرفـن يـاوديـدات .. إنكـان حالـكن كـيف حالـي .. الله أيجـيرنا ويـش داسـات .. يـا أيامـنا ياخـوالـي..

دونــكـ يـاوطــن أصــابيـــنا

دونــكـ يـاوطــن أصــابيـــنا .. دمـ عطـينا .. لكـــن حقــكـ مـا وفيـــــنا

دونــكـ يــاوطــن أدايـــرنـا .. ما دنقـرنـا .. لا ذليـــــــنا لا وخـــــــرنـا

حتى كان الحرب أخسرنا .. مـوش غبيـنا .. كـمـ خـايـن صـاغـر رديـنا

فـرسـان تـواغــي ودرنــا .. مـو بيــديــنا .. جيـش الـرومانـي لاقيــنا

قـاعـد نقــناقكـ قـاهــرنـا .. يا غـاليـنا .. فيـكـ اليـومـ خلاص أرزينا

لاعـد فيـكـ أتـروق نظـرنا .. لاعـد ريـنا .. مـا يطــربـنا وأيــزهيــــنا

كـل نـهار أيـزيــد كــدرنـا .. مـنا فيـنا .. علتـنا يســــتر بـاريــــنا

مـا عـاد الـجار أمعـــبرنا .. ماكـر فيـنا .. سكـرهـن لحـدود علينا

جينا علي أديار فيهن نزلنا

جينا علي أديار فيهن نزلنا .. أمجاورين هلنا .. نظرنا سواد هذب حوته قتلنا
 
جينا علي أديار جاور الغالي .. اللي العين مالي .. حتى وهو الظرف شين ماهو أموالي
أوصافها أوصاف ريم في أبساط فالي .. أيعور زللنا .. أنخافو إن في الوصف للناس قلنا
أعيونها سواد دمس ظلمت ليالي .. أقريب أهبلنا .. أتقولشي وفي قبر جانا نشلنا
غثيثها مناضيد فرّع أجدالي .. رايج عدلنا .. قعدنا مهابيل حودد عقلنا
طيفها أمعي دايماً في خيالي .. وأحنا بين هلنا .. ديمة مساتيه فيه قاعد قبلنا

جينا علي أديار فيهن نزلنا .. أمجاورين هلنا .. نظرنا سواد هذب حوته قتلنا

جينا علي وين صار الملاقه .. أختلط أوراقه .. العقل في أديار وين نط أبلباقة
خفيف فـ الموازين طايح أرواقة .. حقيقة أخجلنا .. شهادة أخفاف هبل بيها إشملنا
قعدنا وراء طيف كاحل أرماقه .. أمقوفل رحلنا .. ماعاد شي أديار راحه نزلنا

تعزية ورثاء للحاجة أم الشهداء سعد وميلاد على بن سعد الغزالى

عزاكـ في سعد ياحاجة مبروكه ..
عظيم والعظيم الله هكي راد
جياب الثناء ماهو مع لحنوكه ..
صبا مع جمله ضنا لبلاد

فارس أمعنى موش كي لكروكه ..
عاطي أدروس الفخر في الجهاد
وميلاد مو هارب امخلي توكه ..
شهيد مات بإيمينا سلاحة شاد
طريق مي جديده قبلهم مسلوكه ..
خبرينها لهم منها مشو لجداد
خوالهم وهلهم قبل بالتاروكه ..
ثنايت أركبهم ما أطري حلباد
ما هم من اللي قاعدين أضحوكة ..
أفخار صيتهم شاهر بلا نشاد
وأيسلم الله فتحي أتجي مسبوكه ..
بناويت حوشك يمتلاء وأوﻻد

ما خـير فـ أم الخـير .. تهلـيعة أبواب أوروبا تنصـير .. الإسـلام وينـهم

ويـن الغـيرة.. ؟؟
ويـن مـن تعـالا ع الـعرب تكبـيرة.؟ .. ويـن جيـش مـؤمـن بالكـريمـ نصـيرة.؟ .. لـين فـي العـرب والـدّيـن هـكِـ أيصـير .. اللـي تبـعو الأمـين سـمحـ السـيرة .. علـيه الصـلاة واجـد بـلا تحـكير .. شفـيعـ أمـته مـن لـذع نار سعـيرة .. اللـي رايـحة تمـشي بـراي الغـير .. اليـومـ حالـها صـاعب أهـمومـ كثـيرة .. أتـعانـي جـرار بـرايمـر وبلـير..

ويـن أمـة الملـيار.. ؟؟
وليـش ما أيبـوه الغـرب فيـها صـار..؟ وليـش خـيرهـا؟ راحـت اليـومـ دمـار.؟ .. طـابـت بعيـشة ذل وأدّنقـير! .. مـن يـومـة أغـياب أمـيارهـا الأحـرار .. وتمـن أخـطاهـا لاوراء تـوخـير .. حكّـامـ الكـفر فيـها تمـكن جـار .. اليـومـ حكـمهمـ واللـي نـووه أيصـير..

ويـن أرجـالـها.. ؟؟
عليـش أمـة المـليار باايـس حـالـها.؟ .. وينـهن نسـاوينـها أويـن أعـيالـها.؟ .. علـيش مـن جـباها يـرتمـو ع الغـير.؟ .. خيـرها أنـهارت.؟ كـيف وأيـش جـرالـها.؟ .. اليـومـ ميـته مـوتت مـريـض سـريـر .. الـدايمـ الله يلـطف الله بـأحـوالـها .. عـقاب وقـت مـا ضـني بتـنظر خـير .. فـيه الأمـل كلـه وعـزهـا ودلالـها .. المـولـى إن قـال أيعـود تـو أيصـير..

علـي مـبدانا .. أفـدا الوطـن حطـينا أرواحـ ضـنانا .. لـها الـوقت مازلـنا

علـي ماضـينا .. أنقـولـو لهاللـي ناشـدين عليـنا .. مـيت مرحـبا بـ الضـيف ويـن يجـينا .. وياخـذ الكـاط إثنـين مـن عـادانـا .. ويقـرب يجـربـنا اللـي ناويـنا .. وينـظر اللـي ماخـبروه أعـدانا..
علـي مـبدانا .. أفـدا الوطـن حطـينا أرواحـ ضـنانا .. لـها الـوقت مازلـنا

علـي ما كـنّا .. وتشـهد مـعاركـنا فـ وادي فـنّا .. أمنـين المـعادي ناويـات غـزنّا .. نهار فـيه لمنـحس أرقـي دخـانـه .. ولهـيب نـارهـن راقـي ودار ألسـنّه .. أصـوت المـدافـعـ ضـابـحات أحـذانـا .. والطـير حـايمـ فـوق دايـر زنّـا .. وذاهـب شـوايـرنـا ومـكّن دانـا .. ولكـن بـها بكـل أحـنا مـا خـنّا .. وﻻ سلـمو فـي الـوطن يـومـ ضـنانـا..
علـي مـبدانا .. أفـدا الوطـن حطـينا أرواحـ ضـنانا .. لـها الـوقت مازلـنا
علـي عـادتـنا .. لها الـوقـت بيـضة ناصـعة صفـحتنا .. مـا عمر ثنـينا علـي كلمـتنا .. يقـولـو ألسـان الحـي كيـف أحـصانـا .. ﻻنـا مـعـ اللـي هالتـين هلتـنا .. وﻻ اللـي أمـعادي نحـرقـو حيـشانـا .. وﻻ فـي حـرمهمـ نوسـمو سيـمتـنا .. حتـى كـان داروهـا زمـان أعـدانـا .. أحـنا فـ النـهار أنشيـعو رايتـنا .. أنجـوهـمـ أجـهار نهار بـ العـنانـا .. فـي لسـان عاقلـنا رسـن كلمـتنا .. مـاعـد أنثـنوهـا وكـان فـنانـا .. وزاد جـارنـا نعـطوه مـن حصتـنا .. ويـاخـذ القـرعـة الـوافـيه بثـنانـا .. حتـى إنكـان بـن عـمه غـزا حـومتـنا .. الـجار جـارنـا والـديـن بـه وصـانا..
علـي مـبدانا .. أفـدا الوطـن حطـينا أرواحـ ضـنانا .. لـها الـوقت مازلـنا

ﻻ إيجـيبها كـبر تحـشيد

ﻻ إيجـيبها كـبر تحـشيد .. وﻻ جـيش فـي تـراب بـرقـة .. وﻻ قـولة أفـلان صـنديد .. وهـو مشـيته غـير درقـة .. وﻻ أمـطايحـة ع الهـبابيد .. وﻻ للـعرب مـد ورقـة .. وﻻ مـؤتمـر دار تمـديـد .. فـنا رزق لبـلاد سـرقة .. وﻻ قسـورة وفجـر تهـويد .. وﻻ إخـوان فـي مصـر عـرقة .. وﻻ نجمـ ع الكـتف تنضـيد .. وطـيايـير تنـزل وتـرقة .. وﻻ مـن بعـث دز تهـديـد .. تـلاقيـه سـاعة الشـرقـة .. وﻻ أمـحاورة بـ التـمرمـيد .. وتـواقيـعت ليـون عَـرّْقـة .. أتـريد صـقر فـي ليـلة العـيد .. ينـشل بعـد هـ الغـرقة .. أيقـول كلمـتة بـ التـحاديـد .. أيـلمـ شمـل ينـهي الفُـرقة .. أيـبات شعبـها ليـد فـي ليـد .. أبكـتف كـتف وأطـيحـ خـرقـة .. يبـرو أجـراحـهمـ بـ التـضامـيد .. وأيتـوب تاجـره وسـيد ﻹرقـة .. ﻻ فـيه مسـيود ﻻ سـيد .. وكـل طـير يمـشي لفـرقـة .. أتبـات فـي هـنا عيـدها عـيد .. وتـرونـق بعـد طـول حـرقـة .. القـرآن هـو الشـرع الأكـيد .. ويا مـارقـاً شـيكـ مـرقـة..

مشاركة على فيديو للشاعر محمد بوستة يقول : "زعالة علي وطن شانن أرياحة .. وأضايق بياحة .. علينا وهو كان عز وسماحة"

مشاركتي تقول..
زعالـة علـي وطـن زايـد زعلـنا ..
وفاقـديـن هلـنا .. ومـامـن اللـي غـاب واجـد شغلـنا

مـا عـاد شـي تـاق ناشـلـنا نشـلـنا ..
أتريد الصراحة .. بعد هذي ما أهناكـ ضني قباحة
الوطـن ضـاع هـكـ بيعـ وأـحنا هلـلنا ..
أنريـدو الراحـة .. ونـزلـت مـطاريحـ دار الفـلاحـة
عطـيب راي حـرف شين لكن شملنا ..
راي الفـراحـة .. اللـي صفـقو لحلف ليـن أستـباحة
تراب وطن فيه قبل ياما بذلنا ..
أسنين الكلاحة .. أمنين جاء المحتل فارط أسلاحة
وعشـنا بعد ضيمـ مسـعد نـزلـنا ..
ضافي أسناحة .. فزعة اللي انضام نبرو أجراحة
ولكــن الله راد ميـلـة عـدلــــنا ..
وخـيرنا أزاحـة .. وناضن زعازيع كانن ركاحـة
وتـما طـراطـيش مـاشـي سبلـنا ..
غابن أمـلاحـة .. بيـر الهـناء تمـ واكـد نـزاحــة
زعالة علي وطن شانن أرياحة .. وأضايق بياحة .. علينا وهو كان عز وسماحة

بمناسـبة الإفـراجـ علـى الشـخـ/ ‫محمد المدني الشويرف‬

روحـ روحـ طـيب فيــنا .. هـو مفـتينا .. نمـشو فـي ويـن أيودينا

روحـ روحـ سمحـ السيرة .. شايب خيرة .. متعلّي فوق بتقديرة

مني مو محتاج شكيرة .. فـيت الزيـنه .. مو دايـر مـولاي أيعـينا
يطفــي فـ الفــتنة الكبــيرة .. يا عـاليــنا .. نجّــيه ونحـنا نجّــينا
بـ أكـتاب الله وتفسيرة .. قـوّا عيـنه .. في وجه اللـي بايعـ ديـنا
مظلومـ وربي ما غيرة .. عالـمـ بيـنا .. لـه بـ أفـراجه كـمـ دعيـنا
نرجو في الدعوة الكبـيرة .. ياكـ أتجينا .. فرجه مـن ربـي ياخيـنا
ع الوطن وما والـي غيرة .. يشـغل فيـنا .. تما من ورطـة لغبيـنا
بين أهموم وذهبت شيرة .. وأمانينا .. والشعب أمفرط في دينا
روحـ روحـ...
روحـ روحـ طـيب فيــنا .. هـو مفـتينا .. نمـشو فـي ويـن أيودينا
روحـ شـيخـ كبـير مـقامـة .. هـ اللـي مـن الإيـمان أسـلاحـــة
هـ اللـي مـا خــش الــدوامـة .. يســتاهـل الأقــدار صــراحــة
بـ الحـجة مـربــوط كــلامــة .. والـبرهـــان قـــوي مـطـراحــــة
قـال الـوطـن أشـوال خـصامـة .. فـي أيـديـن الـكافر وأريـاحــة
تنـفـــظ فــــيه علـــي دوامـــة .. مـا ينــجـاء لا ينــظر راحــــة
مـا تبّـعـ رايــات أقـــزامــة .. هـ الـــعالـمـ كـــيف الــــرداحــــة
هـ اللـي عجبـتهمـ الإقـامـة .. فـي الـدنـيا والـوطـن أجـراحـة
تنـزف خشّـو بيـه ظـلامــــة .. منـــها مـو لاقــي زحــزاحــــة
نطلب من ربي السلامة .. ياكـ أيجينا .. حاكم زين أيحن علينا
روحـ روحـ...
روحـ روحـ طـيب فيــنا .. هـو مفـتينا .. نمـشو فـي ويـن أيودينا