راحــــت بـلاد العـــز

راحــــت بـلاد العـــز طاحـــن اركانهـــا ..... مــا عــاد تنــــطرا بـارم بها الزمـــــــان ..... دمــــــــــرت دمـــار وهـــدمو بنــيانهـا ..... اتقــول اضـــربتها عـين مـــن معـــيان ..... لـ عند السـماء بايــن ارقــي دخـانهـــا ..... بعـــــــد عز راحلــــها مــــع الآمــــــان ..... اليوم نشبحو فــي شيبها وشـــبانهــا ..... هاربيــــــــن يجــــارو مــــع النســوان ..... علي كل تيقه امخــــيمات احـزانـــــها ..... طرابلـــــس ومصـــــراته مـع الزنــــتان ..... الا الشرق خلكـ شاهــــدين اعيــــانها ..... بنـــغازي اقريـب خالـــيه اخلـــــــــيان ..... وين الشاهــــمة وويــن قــو ايمانهـــا ..... الناس خـــــيرها راحت مـع الطــــوفان ..... الحق حــق واضــح وانجـــلا لعـــيانـها ..... امــغير اطمــــسوه وماايبـــوه ايــــبان ..... عربها هــــتايا ضايقـــــو جيــــــــرانها ..... هاربين مـــن عذاب الناس والطغــيان ..... واليوم الاعداء خشـو علـي وطيانــــها ..... حاســــــدينها ما يبــولــهاش آمــــان ..... قتــلو ضــناها ورملـــو نســـــــوانــها ..... اذيول العــــــرب الانــجاس والخـــيان ..... ايفــرج الله عنـها ايـرد مـــــكانــــــها ..... واتروق مـ الشقاء ترجع اخرا تطـــمان..

أحسون هلي من منسب

أحسون هلي من منسب أجواد عصاارة ..... لعــــــيت الطــــويلـب عاليــين الــــشان ..... جيابت ثــناء ما هـم اللــي عــوكـــــــارة ..... مــن جـدّ جـدنا يشــهدلـنا الزمـــــــــان ..... أعــداهــم بـزِين افــعالـهــم خبّـــــــــارة ..... قــبل الرفـــق والصـــــحب والجــــــيران ..... فـــزاعــه علــي ســـبّق بكل جـســارة ..... ضــناهــم اصــقور حـــرار فـ المـــــيدان ..... ركـــابة علـــــي بوعــنق بــوزكّـــــــــارة ..... اكحــيلـي امــنسب مـوش خـيل عفان ..... أحـذيّه ايــديـرن فـ الــوطاه شــــــــرارة ..... فــتايت ايـعــدن والعـــــجاج ألـســـــان ..... وكــــسابت بنـــات النيـب والخــــــوارة ..... عليــها اتخــاف العـــــين والمــــــعـيان ..... وضيـفهم ان جـاهـم وافـيات اقـــــدارة ..... ينـــزل مــــنازلهـــم هــني مـطــــمان ..... شـرابهـم سـبيل أمــفـتحات أبـــــيارة ..... لـ عابر السـبيل اللــي لافـا عطــشان ..... شهــير صيتـهم ديمـة أصـحاب كــبارة ..... بيـهم أفـــــخــاري طايـــلات عــــــنان ..... وانجــيب مــن مـقادمـهم كبير اقـدارة ..... عـقارب شـهير الصــيت فــي الأوطان ..... نفــخر بـه وعــندي حـق علـيت نــارة ..... امــعقب نـباء مـا فــيه مـا ينــــــــدان ..... وانجـيب ذكـر بـوخـطوة بـكل حــــرارة ..... وقـــدر عــبدالجـيد فــوق ماينـــــهان ..... يرحمـــهم الله اللـــي اليــوم اجــوارة ..... واكـــتابهــم يمــينه ثقّــل المـــــيزان..

قولو نادمين .. بعتو الوطن شوهتو الدين .. ليش الزور

قولو ياندامة ..... وقولو كيف ضيعتو الشهامة ..... وضاع الوطن وتقولو كرامة ..... تعالو جاي راكم رايحين ..... الغادر تم يرمي في سهامة ..... وانتم ليش تبقو تابعين ..... يكذب كذب ويزور كلامة ..... في الاعلام وانتم فارحين ..... اتبعتو الزور والكافر اوباما ..... وللطيار بنتو راقصين ..... وظلمت ناس واجد والندامة ..... بانت غير كنكم جاحدين ..... الوطن انهار يطّافر اجمامة ..... مملي غيظ وانتم ناكرين ..... تعالو جاي يالله السلامة ..... قولو كيف مانا قايلين ..... نبنو وطن وانجلو غمامة ..... انعيشو كيف كنا عايشين ..... اساع ايرد وينور ظلامة ..... ايعودو ناس كانو هاربين..

ياا انويرتي طرابلس ارقي دخانها

ياا انويرتي طرابلس ارقي دخانها ..... اللي قبل كانت عايشة فـ آمان ..... وياا انويرتي دمرت اهدم بنيانها ..... اللي ما تعرم صارله اعوجان ..... مسكتين هلها شيبها وشبانها ..... مابو يقولو حس ع النسوان ..... وينهم تريسها ووين راي اعيانها ..... يقودو نبو ما يتبعو اتبعان ..... والا ايوخرو ويتلوا جهار بيانها ..... يقولو نبو القايد فلان فلان ..... وتحت رايته تلتم في ميدانها ..... ارجال القبايل فازعه افزعان ..... يجو يمسحو ضيمها وكل احزانها ..... يجلو كدرها والتريس ايبان ..... ارجال الكرم والفرسنة عنوانها ..... شهير صيتهم شايع فـ كل مكان ..... يردو كرامة شيبها ونسوانها ..... اللي يعيطو مالقصف ع الحيشان ..... ايطاليا كلت منهم اكفوف زمانها ..... اللي صمّلوها هاربة اهربان ..... تريس الكراسي موش في حسبانها ..... ان حطت الحرب اوزارها يطمان ..... يروح لناسه وخدمتة بإحسانها ..... ومايقول درت ودرت نا وفلان..

حوار شعري بيني وبين صديقي سالم مفتاح الورفلي دزلي ابيات يسأل عني بعد غبت

يقول ::

وينك ياعلي ..... ليك ايام غايبهن علي ..... ان شاء الله خير

وينك ياعقارب ..... يلي القل دوم معاك طارب ..... المانع خير والله الضي هارب ..... والله الجيب مالباره اخلي ..... والله غير كثرنلك مسارب ..... دابك دوب بوسالف اروي..

رديت ::
قاعد يااسلومة .. وسط الحوش كابي كي البومة .. راني هنا

قاعد يارفيقي ..... ياطفاي لهمومي وحريقي ..... بعيد عليك نكمى فيه ضيقي ..... انعاني في متعرم قوي ..... بختي شين نشف لين ريقي ..... ومسع قص نا عندي الضي ..... وحتى ان درت غالي ياصديقي ..... ماننساك هذا طبع في..

قاعد ياالغالي ..... بختي شين يقطع في اوصالي ..... كيف زمان راني كيف تالي ..... كي ماكنت ماغيرت شي ..... ان قتلك هبل تستغرب اهبالي ..... وعقلي زين نعرف كل شي ..... ان قتلك شيخ مايصدقش والي ..... ننشد دوم وين العقل في..

رد ::
ايعدلها العالي ..... ايفرج هم وايجيب الغوالي ..... ايطفي نار رقيت للعلالي ..... ايروق الحال والغايب ايجي ..... لافي خير لاقي في خوالي ..... مشوا لصحاب وين جيبي افضي ..... شيخ الياس دوبه دوب حالي ..... عالمنظار ظربه ما اخطي ..... مجاور بوم في الغرده اسطاوي ..... حدا معيان مايصلي نبي ..... الحاصل حال حالي كي الجالي ..... خيط رجاه جي قطعه الثني..

رديت ::
ماكيفاش حد ..... الله كريم في عبادة يود ..... رب الكون عاطي دون رد ..... هو القدير خالق كل شي ..... امغير اسعدي ماعندي سعد ..... مابا يوم يرحمني اشوي ..... انعاني فيه ماعندي جهد ..... وياس امعاه بكتوفه قوي ..... ونا نبيه يبقالي سند  ..... خبيث بركن عين ايشوف في..

ياطالبين النيتو .. لعنة اتحل وين مشيتو .. سود اوجوهكم

#مجلس_النواب

ياطالبين صليب ..... يامجلس النواب ياا العطيب ..... هذا عقابها حلف الصليب اتجيب ..... دمار وطنكم قيسكم عليه نويتو ..... انسيتو الفين واحداش عام كئيب ..... جرار شومها لليوم فيه ابقيتو ..... انتم اشر من سارق المال الكيب ..... اتبيعو بﻻد العز كيف ارضيتو ..... هذي ليبيا مايدوسها الغريب ..... واﻹ جهاد السابقين انسيتو ..... نلقان حظها فوق العطيب عطيب ..... هـ اللي عليها حاكمين ابقيتو ..... ماني مع ﻹخوان زين عطيب ..... وﻻني مع اللي يذبحو خليتو ..... ﻻني مع حفتر اللي بيجيب ..... كرامته بعد للخاينين عطيتو ..... واضح وصفي صف سيد النيب ..... مانعترف باللي ايريد النيتو ..... المولى حسيب وع العباد رقيب ..... ووين خيركم هـ عليه اعبيتو ..... عليكم اضحك خرتيت نذل عطيب ..... وخبل شبككم حايرين ابقيتو ..... وتبعتو المفتي ومصطفى العطيب ..... وشلقم عليهم بالخطاء صفيتو ..... مامقصدي تجريح ﻻتخريب ..... وحشاي مالشماته لوخطا ضنيتو ..... قهرني الا وطني وحال عطيب ..... ومجلس افرحنابه وجاب النيتو..

راحت بلادنا والحال حال أيبكي .. .. عمار قبل لا والله ماهي هكي

حال عدوّكـ ..... هضاكـ الرخاء والعز ياخذ سوّكـ ..... في وسطها ماعاد يصفى جوّاكـ  ..... وديمة طربنا ع اليسار امتكي ..... ان دارنا حكومة بالعسل تسّوكـ ..... انياب شرّها فينا اطوال اتوكي ..... وع الشعب تبقى من بعيد اتجوّكـ ..... وتلقى قريب الدم ماهو لكّي..

حال العادي ..... بعد عزها راحت دمار بلادي ..... فـ وادي الحرية وهي في وادي ..... لرهاب في ظهرها خنجرين اموكّي ..... ثقيل حملها صاعب وبيه ادادي ..... اتشيب العيل والكبير اتبكّي ..... يا الله جيبلها فرج ياا هادي ..... بدموعنا رفعناهن ايدينا لكّي ..... راحت بلادنا والحال..

مابين القعقاع وبادي

مابين القعقاع وبادي ..... وحفتر وانصار الشريعة ..... حالة شين تراب بلادي ..... كل نهار اتجد فجيعة ..... ذيب وحاز غلم في وادي ..... صارت للشعب اتبوزيعة ..... حالة يصعب ع الأعادي ..... فاقد نوارة وربيعة ..... داير فيه حنين الصادي ..... يدلف من كل تناويعة ..... ماخلو قرية لا وادي ..... لاحوش ومافيه فجيعة ..... للتدمير ايجو جرادي ..... فيهم مقطوعة التبيعة ..... جابو حكام استيرادي ..... مكروهين اقلال نفيعة ..... سراقين ارزاق بلادي ..... كذابين اصحاب خديعة ..... في وادي واحنا في وادي ..... منقطعين اليوم قطيعة..