الكلام على ممرضة لقيتها في عيادة في سرت

pacman‎‏ رمز تعبيري

يادكتـور أعـوينـكـ بيـها ..... هـ اللـي زيـنات وصـايفـه ..... تصـبيـحة بـالخـير علـيها ..... فـي كفـه والـدنـيا كـفـه ..... فيـها عيـن الله عـاطيـها ..... تـربـي مـانقـدر نـوصـفه ..... وأهـذوبـ أمـفاليـت عليـها ..... يـانـا اللـي جيـت أمـصادفـه ..... كيـف أنـديـر أنـريـد أنجـيها ..... وأنخـاف العـين تـوالـفه ..... والله لـو أتعـلـق بيـها ..... مـانقـدر عـاد أنـخالـفه ..... نـص اجـرام عـزاء مـا فـيها ..... مـاتجـحد حـاجـة عـارفـه ..... والبـنت المـولـى عـاطيـها ..... بـالـزين تقـول أمـزخـرفـه ..... سبـحان الله بـدع فيـها ..... مـا فيـها شـي أيعـيـفه ..... حشـمة مـلبسـها كـاسيـها ..... ربـت نـاس تصـون شـرفه ..... وأسـلوب يـزيد أيعلـيها ..... كـمل بأخـلاق وصـايفـه

راح النفط وخزاناتة .. نار كلاتة .. بين الجظران ومصراتة

راح النـفـط الخـام أخـسـارة .... فـي السـدرة راقـي دخـانـا .... عنـد اللــيل أتبـهر نـارة .... كيـف شـفاق الشـمس سـمانـا .... ﻻ هـو مبـيوع لـ سـمسارة .... بـ أغـلـى ﻻ بـ أرخـاص أثـمانـا .... ﻻ هـن مـغلـوقـات أبيـارة .... فـي اﻷرض وحـصة لضـنانـا .... ﻻ اﻹسـلام وﻻ النـصارة .... شـاغلـهم مـا صـار أمـعانـا .... كلـتـهم عـندا تيـارة .... يـدعـم فـيه أيـريـد فـنانـا .... ﻻ جـوه أيهـود بطـيارة .... كيـف زمـان أيـام عـنانـا .... هـ اللـي جـونا بـ إستـشارة .... مـن رومـا قـالـو فـاجـانـا .... شـغل اللـيبيـين عـصارة .... وأحـنا هـضا حـد عـزانا

إنتخاب المجلس البلدي..

غطسـناه وصـار اللـي صــار .... قــعد كـيف الحـولـي لــدعم.... تقـــول امــحنـي يا حــــضار .... ان شفــته مـنـه انتـــشائـم

 .... علي المــبدا مـانـي غـــيار

 .... وﻻنـــي ياﻻهـم مـــنــظــم

 .... امـغـير القـصة واللــي صــار

 .... احـداش الـساعة بـ الــتايم

 .... طلعــــــــنا بيــتنا مـــــشوار

 .... اعـناد اللــي حاضــر يفـهـم

 .... اعـــــدانا كلتـــهم حـــــضار

 ....مـصابـي واللــي يلــم يلــم

 .... انبهت فـيهـــم بـ إحتـــــقار

 .... وخشمــي ﻻفـوق عليـــهم

 .... غطسـتا فـي وسـط انبــهار

 .... اللـــــي حاضـر قــال تبـــرّم

 .... امغير اللي فـي عقلــي دار

 .... وخـلانــي عـديـت لهـــــــم

 .... اللـي يفــوز بياخـذ قـــــرار

 .... وفي المجلس يبقى حاكـم

 .... ونـعــــتازو ورقــه واصــــدار

 .... ونعـــــتازو توقــيعتــــــهم

 .... اتجـي تلقـى ناسـكـ حـضار

 .... احسـن وإلا تلـقاهــم هــم

 .... القــصـة هــذي بـ إختـــصار

.... اللي في راسة عقل افـهم

الشعرلبعض الناس تاخذ في شعر غيرها وتنسب فيه لأرواحها

ننشد علي اللـي واخذين كـلامـي ..... ودايريـــنا فـــي إيميلـهـم مـــنشور ..... زعـم سهــو وإلا ياعــــرب بلعانــي ..... تنسيــبه لهـــم بهــــتان هــكـ وزور ..... نقول في كلامي من صميم الامي ..... مـانـي اللــي واحـــل ولا مـــقـهور ..... ولانيـش مـتلـيع بـ ضـيع قـسامـي ..... نشــكر الله ونحـمــــده مـــــسرور ..... ولا ارزيت في خزرة عيون الدامـي ..... الا انحس فـ احساسات مالجمهور ..... غلاي لولـي واخـذ امـعاه ايامــــي ..... ومـا عـاد انــريد انـديـرلـة مــنظــور ..... الـشاعـر بـقـولـة موش لم معانـي ..... وتركيب الكلام اللـي عجب لحضور ..... اللـي بإذن ياخذ صحتين سلامــي ..... ديـمـة انـوجـهلة اخـرى مــــشكور ..... ولـكن اللي ادحنس وجاء متعامي ..... هـيالة بـقولـي ينـقلـب مــــشهور ..... انـقـولة الفضلة اللي اتجيها رامي ..... اتـذمـكـ اتـذمــكـ والعـلـل مـــــبتور ..... وكان لي عندكـ رد سوقي حامي ..... اقربنــي وغــيركـ راه فـ الـطابــــور

https://www.facebook.com/alhsoony

يادار عنكـ غابو .. اللـيـ ع الـثـناء ديـمـة يـجـو يـزابـو .. الـدايـم الله

يادار وين توارو .... اسماح العوايد وين ما ينزارو .... اللي قبل ف العيبة عليكـ ايدارو .... ف أيام الرخا وأيام وقدت ناركـ .... لا يكبكبو لاهم اللي يذارو .... ولاهم اللي يرضو بكشف اسراركـ .... ان صابكـ الضيم يجوكـ هم يجارو .... يبيعو الروص افدا عفاء موكاركـ .... الدايم الله مااتقول جو ﻻسارو .... ﻻذودهم بركـ هناكـ اصداركـ .... وﻻميز قدامكـ ضناهم دارو .... وﻻ زغرتن بنوت وﻻحد زاركـ .... وﻻاعداكـ في دوسة ترابكـ حارو .... وﻻ احذكـ مطامن تغطى جاركـ .... وﻻ هلكـ بالباصة احذاكـ تبارو .... وﻻ حرثو ﻻ ردو نهار ابذاركـ 

رد مني على أبيات لاحدى الصديقات

 تقول في أبياتها:     

الدنيا تبي وسعة بال..
وتبي راجل للمعلومة..
تريد نسا مش قولت قال..
تفزع عدادات اللومة..
تبي اللي راخي الاحبال..
ولا يحسب فاللي مذمومة..
تبي اللي عقله شيال ..
للزينة وفعل المقيومة..
تبي اللي فالح عوال..
وماينزل لمنازل بومة..
تبي اللي مايهاب جبال..
ماتغراش مظاهر روما..
تبي اللي فالحق افعال..
لايركع لاينزل سومة..
تبي وتبيلك مازال..
تبي اللي فاهم من يومه..

ردي يقول:          

الدنيا تبي راجل زين

افعالة والقول امسقم

امربى تربايت زينين

يخاف الله فرضة قايم

وعارف كل اركان الدين

محافظ واللي خاف اسلم

يعد اللومة من لخرين

وما عمرا خاف ابنادم

رضي من ربي والولدين

عليه الميعاد امرسم 

الجار احقوقه يعرف زين

ايواصل مايقطع ف الدم

امنسب من ناس فراسين

ايطيحو دون امباديهم

نباهم يحكوبا لخرين

عرب ماوالي يقرضهم

عرب للجلها نزالين

ايخاطو فالعيب وفالذم

ابيوت علي عز مقارين

غنيمة للي جاورهم

عليه اتحوش ام حوارين

اتجلي ف الياس وف الهم

ضناهم شجعان فراسين

افدا الوطن ايبيعو في الدم

ركوبة تفرق عن لخرين

استوبار اكحيلي سالم

براريمة مافيهن شين

علوقه وافي وامجمم

لجواد حيلهم تحت الوطاء متواري .. ماعد ايجي منهم نباء لاطاري

وين اديارهم ..

غبّــين مـــنازلهـــم مــــع تــذكـارهـم

نهار جولتـي صبّـيت فـي مـوكـارهــم

وجـابـن مـدامـيـري افــكار قـديـــــمـة

صــورة الـبـيـت وكـيـف تـوقـد نـارهــم

مـ الـفـجـر بدري سـاعـة الـتـجـهـيمة

ووقت الضحى ضوقة تسوق لجارهـم

بنـت وصـفـها تشـبه عـنـاق الـريـمـة

وشـفـتـة اللـي مـكـروم واستوبارهم

اكـحيلي امنسب من اخيول سقيمة

وجـيــت اكـحـيـلـة واردة لـبـيـارهـــم

وتـل الـرشـا مـن ثـلـب زاد رزيـمــــة

تـقـول رعـد يـداقل احـذاه اعشارهم

جـيوش حشـدن في ساعة التنظمة

والـيـوم انـغـبـن حـتـى مـكابـر نارهم

بـايـع عـلـيـهـم هـ الـزمــان وشــاري

ماعد ايجـي مـنهـم.. نـبا لاطاري .. 

لـجـواد حيـلهم تحت الوطا مـتواري

اليـوم وين كسابت الميل ..

قـليـــل ويــن تســـــمع نـباهــــــــم

اللـــي ركبــــهم زينــــة الــخـــــــيل

مــشاهــــير جــابـــو ثــناهـــــــــــم

روادت الـعــــفاء للـمــــهامـــــــــــيل

مـا عـمـر قـــصرن اخــــطاهــــــــــم

بنـــجــم يــخـــبرو فـظلـمة الـلــــيل

مـا يــوم ذهـــبــو ضــــــناهــــــــــم

وﻻ عــمــرهــــم شـــالــو غـلـــــيل

امـفــيت ع الــعــدو ويــن جــاهـــم

امفيت ع العدو وين..

جاهم وغبين نواجع كاينات اصداري

ماعد ايجـي مـنهـم.. نـبا لاطاري .. 

لـجـواد حيـلهم تحت الوطا مـتواري

مـن قـال فـي الغـلاء ايصير تسليم

ومـن قـال يـاس يبـقــى اضــدادي

فـي الـلــي وصـفها يجب مـ الـريم

اللـــي ريــاض بـــيـن الـجـــــــادي

ســواد هـذبـها شــر مـ الــضـيـــم

اللــي الـــيوم حــارق افـــــــوادي

غــزيـر الــخـجــل مــاح تعـــريــــم

يجـــي كــــم غــمـر ونـضـــــادي

رقــيق الشــفاه ســمـح تبـسيم

رهــيـف نـاب مــذرة مــــســادي

شــكــيع خــدها بـرق فــي غيم

اعــكــسـة سـيل فـي ناي وادي

كــــبـير عـقـلـــها دي تـلــقـــــيم

اتهــيـــم فــــيه وآن الـســــرادي

مـطـلـوقـة الخـطى مـشية زعيم

يســر جـنـود جـيـش الـمـــعادي

والــوقــت زارنـــي ع المـواهــيم

ابـقــيت بيـن جــايــه وغــــــادي

اللـــي خـلـوهــن زاد تخـمـــــيم

الـعــقل نيـــن شـــوا ارقـــــادي

ويوم الجفاء بينــي وبين اريـادي

هناك السعد حودد اخطاه معانا

يا العين هضا وآنه .. 

قديم الغلاء كانهو مشاء خلانه .. 

عليه البـكاء .. عليه البــكاء

كـان أنشـدوني نا أنقـول أحســوني ..... لعيــت الطـويلـب بيتــنا أمعـــروف ..... وجـــدّي عـقارب هـو الجــد الدونــي ..... بالجود والكرم والفرسنة موصـوف ..... عـ الـعزّ والكــرمة أدمايتــي ربّونـــي ..... مانـي من اللـي دوم عـ الهيـفوف ..... نعطيـهم أقـدار اللـي أقـدار عطـوني ..... وأنكــوبط علـى البـنّدار والملـهوف ..... الصاحب أنحطة وسط جفن أعيوني ..... وقـدرة إنشـيله فـوق من لكـــتوف ..... والـباقـي طـريق الـياس مـا يعنـوني ..... وإنكان ريتهم جنبي أمغــير ظـروف..

حـيـاة قاسـية..

حـيـاة قاسـية واللـي أحــذايا مـنـــها 

أشـر فـي القـساوة راضعــين لبنـــها

حـياة مقـسـاهـا..

أتقــول كان نوصـفلكـ الـحال امــعاهـا

امـغـير مـرمـدة واسـمور فوق ابكاهـا

العين في الشقاء واثق وثاق رسنـها

سـربوط المــصايب دايــــرات وراهــــا

عطــيب بختــها والهــم ينـشد عنـها

اديـر خــير والســـية اردود اكــفاهـــا

البسـط والـزهــاء والفـرح مـا يدننــها

الوقت في الطرب قاطع بياس رجاها

قـدام العـرب تضـحكـ نقـي مــعدنـها

والـناس حيلـها تمّـن اخـباث انـياهـا

السم في العسل تعطيك ما تامنها

واليـــوم ابعـــزايمـها الله عــطــاهــا

اتحمل فـي كـواين وقت ماهاسنها

اداري علي عيب السـفيه امـعاهـا

واتاقــي علي واجـد سـوايا جنـــها

مـا عـاد يـدردر بســـاهــل مــاهـــا

وان كانهو تحـركـ مـوجها مـشينــها

يا منكوبة..

يا منكوبة ..

بعد الشرارة الأولى المرغوبة ..

تما اليوم أسماكـ

كنتــي زمــــان شــــرارة ..

ورمز الكرم والجـود مـوش ابصــارة

اليوم حالتكـ تشـــــغل اللــي بأفـــكارة

وناسـكـ جوالـــــي امــسمية مــــنكوبة

فـي الشارع نظرت القـرد والخـــوارة

وسـط الشـــوارع جافـلة مـرعــــــوبة

وأجيوش يحشدن والضرب بـ الطيارة

وهاون ومـدفـع كـل حد فـــي صــوبة

مـا غاب نـوع أســلاح فـيـكـ أغــبارة

الدلــــف شـين والدخـان واللهـــــلوبة

اليـــــوم فــيكـ غــارة تتّليـهـا غــــارة

قليل صعب من ينجا نجا بـ إعـــجوبة

واجــد مـــــبانــي طايحـــة مـــنهارة

وحــالكـ ايبكــي غــير جيــتي جــوبة

أنتــي قــبل كـــنتي للأمــان مــــنارة

ايجـوكـ الجوالـي خيـمتكـ مــــنصوبة

أخـسارة كبـيرة كـل حـد وأســــرارة

عــشم فــيكـ بايـن شــيرتكـ مـذهوبـة

أيفـــرج علـــيكـ الله أيــرد عــــمارة

أبنـاكـ لـولـي وناسـكـ أتقــول التـوبة

هذه الكلمات تعبير مني على حال بلادنا اليوم بعد ظهور وتغول عصابات النهب والإجرام والغياب الوضح للدولة والقانون والعرف القبلي وعاداتنا وتقاليد الرائعة وقبلها تخطي والتعدي على شروع ديننا الحنيف

مـقلـوب ليـبـيا تما اليـوم أعـيارها

حـال الـعدو حالها اكـسي بسواد

سـوا الـراي تمو اكبارها وصغارها

ما فيه مـن ينهـى ان صـار فـساد

ﻻ عــاد تـطّامــن الـناس اجـوارها

وﻻ عــاد تنـظر خـــــير فــــيها زاد

ﻻ تقـول حطتـهن الحـرب اوزارهـا

كــل يـوم فـتـنة وقـتل واضـطـهاد

وكـل يـوم تنـظرهـن لهـايب نارها

راقـيات فـي قلب السماء مصهاد

دمار المباني اللي جديد عمارها

اتقـول ضاربتـها عـين مـن حساد

وإﻻ دعـاء مـظلـوم صـاب اوكارها

وتـمـت مـباحـة لـلاعـداء مـلـهاد

امـسلط عليها الله ناس امـيارها

دمــار دمــروهـا وشــردو لعـــباد

حال ليبيا اليوم

غلاء عيشة ماعمره صار .. غلا بأقدار .. اصعب ع المسلم والكفار

غلاء عيشة مسعشي صار ..... غلاء ساكن وسط الوجدان ..... غلاء تقدير ورد اقدار ..... عليه انخافو مـ المعيان ..... غلاء خلا لفكار دمار ..... غلاء يبي واحد طربان ..... ويبيلة ديوان اشعار ..... ومية رسام وفنان ..... يوصف للناس اللي صار  ..... امعانا.. يصدر كم بيان ..... وتبقى الإذاعة حظار ..... يلموها من كل مكان ..... غلاء عامر جاء فوق دمار ..... اللي في قلبي كان زمان ..... امشيد برخام وباحجار ..... كريمة واتزخريف ايبان

تمثال الغزالة..

خذا سوكـ راح وشالوه

اللي كان أمزين لبلاد

أنظر ياناري كيف خذوه

مكانه مكسي غير سواد

أنظر جابو ونج وطبوه

أنظر يرجع وإﻻ ماعاد

أنظر خش السوق وباعوه

طلع وإﻻ جوا البلاد

أنظر راح تكسر هدوه

أنظر تما نيشان جراد

أنظر وإﻻ للغير عطوه

هدية ما تحتاج أرداد

لــي أسنــين..

لــي أسنــين نلضـم فـ الكـــلام

علـي حــبان عنـــي غايبــــــين

علـــي بعــيد حازنهــم أقــسـام

أنــــــظر هـــم ويــن وأنا تـو وين

أمغـــير اليـوم مـن ضــيـم الأيـام

نســيو هــم وأحـــنا لاهيــــــين

حـال الـوطـن وأصـــغارة أيــتام

ونص ضــناه هـ اللــي جاليــين

نص الشـعب ساكن فــــي خيام

اليــوم انظــام حــالة تم شــين

مـندالــــين تهمتــــهم أزلام

اللي مامات فـي السجن وحزين

الحــال صعــيب وكرهت المــنام

وضــاق الـبال وانعـميت العــين

اجيوش الغرب فـي أمن وسلام

وتـم الحرب بيـــن المسلمـين

نسيو القدس حتى في الأعلام

ايجيبو غير فـي الفعل المشـين

لا عد فــيه مــسـلم لا إســلام

كذابــــين الأقــصـى بايعـــين

اللــي برنــار دارولة وســــام

هـ اللـي هان قـــدوتنا الأمـــين

عليــه صـــلاة مـــنا والســـلام

اخـتام القـول ياللـي سامعــين

كيــف صار فــي برقـه وفــي بنــغازي ؟؟؟

كيــف صار فــي برقـه وفــي بنــغازي ..... وكيف صار فـي حفــتر وفــي الثــــوار ..... وكيف صار فــي اللي ثار ضـد الـغازي ..... علي قول هلـــــــها جيــش بومــنيار ..... اللـي صفـقو للحـلـف هـ الكــــــوازي ..... عليش سيبــوها فـي شــقاء واقـهار ..... الهّـم هـمّ لكـن فـيه كــيف اتــــوازي ..... وظليـمة المسـلـم خــير مـ الكــــفار ..... اليـوم جرحـها هلّـع اكــبر مــتــمازي ..... وحلـم الســـعادة والعــــمار انـــــهار ..... خلــوها ضـريرة بـالجـــروح اتجــــازي ..... وذاقـــــــت لهاليــب وصهـيد الـــــنار ..... وحيل ناسها تمـت اتقـول اعــــزازي ..... اللــي ما فــقد فاقـد ثلاث انـــــــفار ..... اللــي فــي 2011 كايــــن هـــــازي ..... ايقــول ما مـعـمر قــال كلــة صـــــار ..... بـ عقاب جيش مدقدق اليوم اتعازي ..... المـوت فيــه ديمــــة دايــرة ثغــــبار

طلعت اليوم كيفكـ كيف غيركـ

طلعت اليوم كيفكـ كيف غيركـ ..... يا بو قدر في قلبي كبير ..... كلامكـ قبل ينشر في عبيركـ ..... غير طلعت ياغالي خطير ..... وسط القلب دايرلكـ سريركـ ..... امفرش ود وامغطى حرير ..... مانحساب ياكلني سعيركـ ..... بنار الجفو ياخزرة الطير ..... انسيت ايام قتلكـ راه غيركـ ..... مايسوكـ مانكـ كي الغير ..... انتا مشكاي مانحكي لغيركـ ..... اوين اتغيب تعرفني انحير ..... صاحب قدر نلقني ضريركـ ..... نبي نرضيكـ وامراضاكـ خير ..... لكن في يمنع قل خيركـ ..... وعزة نفس تحلف ماايصير ..... اتمحمط في نبي نستجيركـ ..... وسط القلب نيران وسطير ..... لكن لا !! لا لكـ لا لغيركـ ..... رفع الخشم عندي دوم خير ..... لانكـ لي غالي لا انديركـ ..... امغير عزيز ع القلب الضرير ..... ويشغل في نلقنا مصيركـ ..... حماكـ الله مولاي القدير..

ضنكـ انوض نلقاه

ضنكـ انوض نلقاه ..... هـ الوطن تسعد اخبارة ..... وضنكـ ايعاود زهاه ..... وضنكـ ايروقو اصغارة ..... وضنكـ ايجلو شقاه ..... وكيف قبل يبقن أفخارة ..... ويقهر العادي ابناه ..... ويروقن افكار الحيارة ..... وضنكـ ايردن انساه ..... اللي شردوهن اخسارة ..... وضنكـ ايردو ضناه ..... اللي ما ايديرو صغارة .....جيابت افخارا وثناه ..... اللي ماايطيعو نصارة .....اللي يذكر دوم فـ الله ..... سوا سر والا اجهارة .....اللي صيتهم شايع نباه ..... بين العرب ما توارة .....واليوم دالهم وقت شيناه ..... وشوخ عليهم سكارة .....اللي فعلهم يغضب الله ..... اقلال الحيا والدبارة..

نشكيبة لمن.. جرح عزيز جور فـ الحنن.. كيف اندير

نمـــــشــــي بـــــيه ويــــــــــن ..... وكـــيف اندير للقـــلب الــحـزيـن ..... من لــولاف هـ اللـــي راخيــــين  ..... انلج اتـــقول راكـب فــــي جـــن ..... خــــــذيـــت ايام نا والغاليـــــين ..... دلال اوود متـــــخلــط بــحــــــن ..... غـــير اليــــوم ويــــنة راح ويـــن ..... زعــــم ياعـــين بدلـــــنا بـمـــن ..... انظـــــر فـــرحــان والا زاريــــــن ..... علـــيه اوحـود مافيـــهم الــحـن ..... والا راه بــــيه امـــــــدورديــــــن ..... اقلال الخــير شينـــين اللــسن..

ويــن لمـــــــــن انبـــــوحـــــــة ..... جـــرح اعــزاز كاينـــتا بروحـــــة ..... امعاه العقل مـو صايد امـــيوحة ..... ايلــــــج بـــنار وايامـــة لـــــوّن ..... لا اللي طال مالغالي سموحة ..... ولا هـو طاب واجـروحــة بـــرن..