جاي تو اقرايب .. اللي كان غايب مختفي وامغيب موعاد امطول

جاي امروح..

اللي كان متواري بعيد تموح
اعلام نصر في يده وبيه ايلوّح
وما من اللي منه اساع ايريب
وتلقى اسلاحه ع الطريق امطوح
اظنونهم اللي تبعو اخطاه ايخيب

جاي لداره..
اللي الوطن يرجى فيه بإنظاره
بوجيش كانت له القدس إشاره
جيش نصر متحرك امعاه امهيب
كبير بيه وطنه زايدات اقداره
ومعاه شعب ماعمره الحق ايسيب

جاي بقوة..
سلاحه اموجه غير شور عدوة
معاه "المعزز" حق ماهي دوة
كم حرب خايضها فزع ماريب
سعد الوطن متحرك وقاطب نوّة
وجيش القبايل ماعليها غيّب

جنّك جنّك .. اجيوش وجحافل هلي مانسينك .. يا طرابلس بالنصر

جنّك غايرات..
جهار نهار ماهن خايفات
انتي الاساس بأخطى ثابتات
من الأنجاس يبّن ينجدنك
.
.
جنّك فازعات..
أحساب الموت ماهن حاسبات
اليوم العمر بيه مضحيات
ادماهن قبل في السابق رونك
وسوّك راح لكّي قايلات
بأعلى صوت لين يسمّعنك
.
.
جنّك راميات
هنّ وضناك لمّوه الشتات
بعون الله هاللي غالبات
والانجاس ماعد يعفسنّك
أعلام العز فوق أمرفرفات
أسماح اللون بأخضر زيننك
عطنك عهد.. ماهن راجعات
لين الأمن وأمان يعطنّك
.
.
جنّك مالحسون
فزّاعات ماتعرف تخون
تراب الوطن والعشرة تصون
ايخشّن نار لأجل يطلعنك
.
.
جنّ من قيرة..
جيابت فخرهن دايرات مسيرة
ومن بن وليد وسرتنا الأسيرة
وجن مالشقيقة ومالجميل ملنّك
ومن بدر نار امولعات كبيرة
وزليتن وصيعانك اكباد فدنّك
.
.
جنّك مالعجيلي
حريتك وعزة هلك راه سبيلي
وجن مالجنوب وغرب لا ماتسيلي
ومعاهم السبع اطبول ما هاننك
.
.
جنّك من برقه
من عند طبرق والعجاجة ترقه
ومالمرج والبيضاء لوقت الشرقه
وفي أجدبيا عقدن العزم نونّك
.
.
جنّك جنّك .. اجيوش وجحافل هلي ماانسينك .. يا طرابلس بالنصر

يا وجايعي ع المساكين

يا وجايعي ع المساكين .. اللي اكملو بين الصفافي .. ايعانو ابقي حالهم شين .. عطيب وقتهم مر جافي .. ردي حالهم بين الايدين .. رايحين كيف المشافي .. ما فرّزو العفن م الزين .. ولا خممو فى الخوافي .. كاملين بين الميادين .. علي نصر زايف خرافي .. ايثبت الله العقل والدين .. علينا وعلى كل وافي..

احنا لا طلعنا انصفقو للناتو

احنا لا طلعنا انصفقو للناتو .. ولانشكرو في قطر واردوغان .. ولا بفعلنا ف الخاينين انواتو .. ولا ناخذو ف الهِدم م الحيشان .. ولا وطنا برا احدوده فاتو .. ضنانا جوالي لمصر والسودان .. احنا ارجالنا فأول ملاطم ماتو .. خاشين قبل الجيش للميدان .. واحنا ثارنا بيه الاعداء ما باتو .. خالص ثلاثه الجرم م الخيان .. وحتى ضنا بوبكر ما ينفاتو .. اساع يخلصو في كاطهم كيطان..

علي اوجـوها تشـرب مـذاق لبنـها..

علي اوجـوها تشـرب مـذاق لبنـها .. تحـتفلو علـيش وليش الاحتــفال

مـن اول نهـار اللـي فـطن لاعنــها .. عـارف انـها تخطــــيط لاحـتـلال 

وصــارت وعـدا كـل حـد فـي تنـها .. فـريقـــين تمـا حالــنا مـو حـــال

ناس صـامـده قـاعـد نقـي مـعدنـها .. خسرت ارجـال وراح مـنها مــال

وفــقد الضـنا والمـال مـا شطــنها .. للـوطـن تعـطي قـاعـــده مــــازال

حتــى وهـي مــال الزمــان ركنــها .. وشـافـت روايـع واجـده واهــوال

وتمــــت جوالــي فـاقـده مـوطنـها .. وفيها اللي وسط السجون انــدال

ونـاس ثانـيه غـرر ابـها واغـرنهـا .. اشـاعـــات واجـد كايــنه تنــــقال

ازياـدة الرواتــب والخــدم بيــجنها .. وتبـقى ابــراج امشــيدات اطــوال

وآلــت الكـــافـر والبـلاد غـــزنـها .. طـياييـر وابــوارج وشــبه ارجــال

وتمـت اتمــخّض مااطيـــبش كنـها .. اللـي مـوش رايـب طيــبته مُــحال

الحاصل على اللي واهمه وغرّنها .. قــولــة امـوال امــعرمــات اجــبال

اللـي تبـــعت برنـار ويــن اعلنــها .. وقال حلف الاطلس فزعته فالحال

انعــــود ونســرد قصــتي كـاينـها .. هالـوقــــت صــارت مـاضـــي زال

تهنت بعد سـرت الشـموخ نهـنها .. وطـاحـت اطـــياح القـــو مــن ذلال

وصارن ابواشع وسطها احزننها .. وبـاتــت سبـــيه بيـن ديـن انـــــذال

ولكـن ادعـاء هلـها علي خاينـها .. حـاتـر وتمـــو سـوس فــي غـربال

ولليــوم مـازالــو يقـــولو كنـــها .. وليش سرت ما ناضت وهالاقـوال

وفريقهم اقسم عدا اطـناشر تتنها .. تخوين في بعضـهم ظـالـين ظــلال

فيـهم اللـي روح وتــاب اعلــنها .. اردود من انصاف الدرب لا الكـمال

وفيهم اللي سارق امـوال خـزنها .. بالـذكـــرى الخمــسه دار الاحتـفال

وفيـهم اللـي هجّـر اديـار سكـنها .. البـوم والمـصايـــب تتّلــي تنــهال

وفيهم اللي جـالـي ونـازح منها .. نسوان في مدارس ساكنه واعيــال

علي نصر زايف وانتصار فنـنها .. مـا عـمر دامــت نَصــــرت الـــذلال

عـزت النـفس اللي زمان نسنها .. فيـــهم اتفــرح غـاثـت الصــــومـال

الله لا اتسـامح كل من عــاونها .. النكــبه اللـي ضـرت نصــيب اجـيال

بلاد قبل مصـيونه الله صـاينها .. صـامـده ثمـان اشـهور عـزم ابطــال

تخاذل بخونه في الصميم طعنها .. التاــفه "البـرانـي" حشـاه اشــكال

لو بـودنا مـا صــار لا قربنــــها .. امغــير ليـد مـا اتعـاند نهـار اخـلال

حستن يازماقه .. الهذب بخوه في وقت ايتلاقه .. اديرن نوع

حستن ع الوديد..
وهمتن بي عديتن بعيد .. بقبضة قسو صلبه من حديد .. اتلطن فيه نا نومي ازّاقه .. اصفار انقول ماعندي رصيد .. تملن دمع شطّار بلباقه..

حستن ع الغلا..
اتشدن في في لزمت دنا .. حتى تو ما دابّي نا .. كان الود ودي ياحماقه .. امغير البخت ماايموله ابكا .. راقد دوم زامطهن ارياقه..

حستن ع الحبيب..
اللي دنواه نلقانه صعيب .. لاهو قل لاهو خلو جيب .. الا هالوقت خلانا شراقه .. يا مولاي يا عالم الغيب .. اتجيب عزيز واتباعد افراقه..

ال شاعر/ علي الكيلاني يقول بمناسبة اطلاله كوبلر بالشنة الحمراء : "لكان ها الشنة تعرف الصلوعه اللي لا بستها وليبيا مبيوعه"

‫#‏مشاركتي‬_تقول:

وكان تعرف اللي جاري..
حكومة امفصلها الغرب اجباري .. علي شعب متملح عطيب مطاري .. من يوماً بدا برنار في مشروعه .. ولبلاد تمت عالنه الطواري .. فسوق الخيانه بالوكس مبيوعه .. الشعب منقسم فيهم اللي موداري .. ايكشك علي شاشه افرح بطلوعه .. وام الغثيث اشعل ووشم اخذاري .. اتصور مع ماكين في مجموعه .. وفيهم اللي فاطن عرف ماو جاري .. واجه النيتو والذيول ابتوعه .. بجودته فزع ماجندوه اجباري .. النصر والشهادة ربح هن مطلوعه .. واليوم لاذراء لامتقي لاذاري .. سبحان من يصدقها تجي في طوعه .. الغازي قليل الخير شين الطاري .. جرايمة فهلها سجلن موسوعه .. اللي وين جاء لنقر جميل الطاري .. جابه اعتذر عنهم وتم اخنوعه .. الا اليوم فيت ايجي فرج مالباري .. هيبة الوطن وشنته منزوعه.. 

اليوم ليبيا تبكي اتريد الخيمة .. واتريد صقرها الاوحد كبير القيمة

اتريد القايد

اللي في ذراه الشعب عاش مسايد .. عظيم النبا مشهور فكرة رايد .. مولا المواقف والأرياء السقيمة .. معاه خيرها تمّا عليها عايد .. وكان للاعداء ماشي وبأبخس قيمة .. ياانويرتي تمت اليوم لمايد .. وفيها انتشرت شايعة الجريمة..

اتريد الثاير
اللي ثار ع الحكم العميل الجاير .. في فجر سبتمبر وجاب بشاير .. وجلا شقى واجد بعد تغتيمة .. زعيم وحدوي فكرة عظيم وناير .. بوصيت راسخ في الجواجي ديمة..

اتريد معمّر
اللي احدود الاستعمار فيها دمّر .. بيده علي ايده فوق كمّه شمّر .. بالطوبة بناها بنيته السليمة .. فيها مشاريع التحدي عمّر .. النهر العظيم بفكرته العظيمة..

اتريد الصابر
وزعيم جيش كي بوبكر يونس جابر .. موش كيف هاللي تو غير ايهابر .. اسم الله على اللي معاه ديمة ديمة .. واتريد معتصم هاللي عليها كابر .. محبة ابلادة في صميم صميمة .. وحتى مشايخ يعتلو المنابر .. بنية نظيفة طيبة وكريمة..

اتريد الفارس
ما هو اللي في وسط مبنى كارس .. زعيم هيبتة وهيبة بلاده دارس .. ثماير اقوالة ساعة التكليمة .. واجبة بعد جاها الغازي مارس .. شهيد طاح في الساحة اصدار خصيمة.. 

اتريد زعيمها
بخطاب منه بس يجلا ضيمها .. كلام سمح وامردّع ايغيظ خصيمها .. ايطفي لهب بركان فوق حميمة .. بركان فتنة ولعو فهشيمها .. ذيول العمالة والاريا العقيمة..

الله الله ياقلة خبر

الله الله ياقلة خبر .. الساعة اثنين ينذاع البيان .. ايجيبو صقر غايب ع النظر .. عظيم الفكر مطلوق اللسان .. ايقول الشعب المسلح حدر .. الويل الويل للي الوطن خان .. قرار الزحف مليوني صدر .. والتحرير وقته تو حان .. جيش عظيم مالنيجر ايكر .. ارتال ارتال طالق غليطان .. امعاه خبير يخبر في الوعر .. نجم الليل قاريه اقريان .. اعلامه فوق للعالم شهر .. ايقول الوطن مافيه العبان .. اوجوه الفجر يادوبه ظهر .. بقى حدث ظاهر للعيان .. العالم كل يصبح منبهر .. زعيم وجيش هكي وين كان .. مصدومين من هول النظر .. وكم عميل ينفي في البيان .. الشعب اينوض في حالة اتسر .. ايلم الصف والخاين ايبان .. كم عميل يهرب في البحر .. ايقولو خش لاوروبا افلان .. يصدر عفو شامل والضرر .. جبره ايتم مابين الاعيان .. ايبات الوطن هاني مالكدر .. انردو خوت كي ماضي زمان .. ونبنو الوطن والعظمى قمر .. ين انجوم فالعالم اتبان..