امفـيت النومـ ما عنـدي جديد

امفـيت النـومـ ما عنـدي جـديـد ..... وفـيت الصـبر مـا عنـدي عـزا ..... طـول اللـيل تخمـيمـ ونهـيد ..... وطـول اليـومـ ما ننـظر زهـاء ..... ايـريحـ العـقل فـي صـوب البعـيد ..... ايجـول ايجـول وايعـاود اخـرا ..... يقـول اعـزاز خلونـي وحـيد ..... يـرق العـزمـ نطلـعـ للـخلاء ..... انسـيل بـدمـعـ تسـكيب وغـريـد ..... انجـي للـدوجـ رامـي مـ البـكاء ..... انخـش البـيت فـي جـوفـي صهـيد ..... يجيـبو عـود والسـفره دواء ..... لاقـط صـوت نمـسكـ فـيه بيـد ..... ونبـدا انهـيل باصـواتاً اقـوا ..... والجمـهور بأعـياطـه ايـزيـد ..... فـي حمـاس نجـبد فـي بـلا ..... فيـهمـ صـنف يستـمتعـ ايـريـد ..... يسـمعـ قـول مـن واحـد حـكا ..... وفيـهمـ صـنف متلـيعـ زهـيد ..... عـندا القـول لـو مـاهـو صـغاء ..... انـوض انهـمـ والطـلعة انـريـد ..... ايقـولـو ويـن خلـكـ فـ الغـلاء ..... انقـول كـلامـ ع الـواقـع بعـيد ..... وحـق الله مـا عمـره جـرا ..... خـيال ايسـوق يمـشي للـوديـد ..... اللـي فـ الحـلمـ مـاعـد لـي جـاء ..... ويـن انتـمـ نسـقد انمـيد ..... الـناس اتقـول مـ الخـمر ارتـوا ..... ونا مخـمور شـارب مـن لـذيـذ ..... خمـر اعـزاز كيـسانا اقـوا ..... اسقـونـي كـاس فـي الصـوب المـجيد ..... وحتـى المـوح كـاسـه والجـفاء.. 

شن صار في علي .. وشن صار في دستورة .. طول أغيابة كيف خير الثورة

شن صار في الدستور ..... خيرا بطا را شعبنا مقهور ..... وكيف صار في لجنة أمغير أدور ..... أتقول في العقابي لاحقتها بورة ..... زعم من أيمثل هـ اللي مصرور ..... ومن هو اللي ردو عليه مشورة ..... ضنكـ ايمثل شعبنا محصور ..... جوا احدود الوطن زين أمورة ..... والا ايمثل شعبنا المزرور ..... اللاجي اللي مهجر بفعل الثورة ..... زعم نص ع القرآن والا زور ..... بيحكم أحكام الغرب يقطع دورة..

شن صار فيها لجنة الستين ..... دستورهم بطا كنه عليش اوين ..... اليوم حالنا تما عطيب وشين ..... قريب ناس فبراير أتقول أعمورة ..... امطول الغيبة اتقول صاكـ ايمين ..... يفنى الشعب ولا ألتفتو شورة ..... احنا شعب متملح اقهر في أثنين ..... وهو أيدور في البيضاء وعال أمورة ..... أتقول يصنعو له فيه عند الصين ..... احنا شعب مسلم ودرو المشورة ..... القرآن هو شريعتهم الليبيين ..... وسنة محمد والقرار مشورة ..... عليه الصلاة الصادق الأمين ..... شفيع أمته يوم اللقاء وأحشورة..

اليـوم وطـنا بـات مُـهان

اليـوم وطـنا بـات مُـهان ..... وعلـيه دايـرات الـدوايـر ..... تريـس سكـتّو وفـيه نسـوان ..... وعـويـل ينكـتو فـ الغـرايـر ..... أنبـاع بيـعـ بـ أبخـس أثمـان ..... وأنـعانـو أحـنا فـي جـرايـر ..... أقـلال عـرف وأنـذال خـيّان ..... اللـي مـا لهـمـ شـي ضـمايـر ..... أيبـوهـ ينـقسـم بيـن فـزان ..... وطـرابلـس وبـرقـة حـجايـر ..... وفـ راس كـل حـد ريـت طـابـان ..... وكلـهمـ أنسـاهـمـ حـرايـر ..... وراهـ كلـهمـ هـمـ الفـرسـان ..... واللـي أتجـيه جـايـب أمـوايـر ..... وهـم أزاقـبو أسـوار حيـشان ..... وأخـرى أيفـتشـو فـ الصـرايـر ..... وزاد نكّـتو أدبـوش نسـوان ..... وسّـامـين لـوحـ السـرايـر ..... واليـومـ ضيـعو بـلاد الأمـان ..... واللـي هـضا مـا شـي دايـر ..... نـاسيـين قـولهـمـ كـذب بهـتان ..... بـلاش فـي أسـواق الخـسايـر ..... مـتجرديـن مـن قـيمـ الإنـسان ..... دارو أكـبار الكـبايـر ..... أيفـرجـ الله ع الـوطـن يطـمان ..... وأيـبات ظيـمـ لعـباد طـايـر..

أيـش صـار يـاعـرب فـي شـوق شـوقـي .. ضـاقـن أخلـوقـي .. وكـاس فـ الـغلاء الـيوم ريـت ريســوم سـوقـي

أيـش صـار ياعـرب فـي غـﻻيا .. أمـحرق أمـعايا .. لـها الـوقـت مـازال قـاطـع ألـوايـا .. اللـي ﻻ أقـسم وجـاء أقـريب أحـذايا .. وﻻ شـلت رايـا .. مـتاعت إسـتسلام .. ﻻقـلت هـايـا .. نقّـار سـو مـازال حـاجـر أمـنايـا .. اللـي زولـها زول ريـم الحـطايـا .. أعـيونـها هـتايـا .. وأهـذوبـها سـواديـن فـرعـة عـرايـا .. وخـدهـا شـكـع بـ نـور كيـف الـمرايـا .. أوصـاف الحـموقـي .. اللـي أركـابـها كـيف شـكـع البـروقـي..

أيـش صـار يـاعـرب فـي شـوق شـوقـي .. ضـاقـن أخلـوقـي .. وكـاس فـ الـغلاء الـيوم ريـت ريســوم سـوقـي

أيـش صـار يـاعـرب فـيه قـولـو غـلانـا .. زعـم هـو رخـانـا .. وبـايـع دنـانـا .. والا كيـفـنا كـاش غـالـي شـرانـا .. نلـقان عنـدنـا عـقـل .. زادن أحـزانـا .. أمـقلـل هـنانـا .. أمـطرف أيـريـد غيـر يـأخـذ أفـلانـا .. بحـرهـا خـذانـا .. مـشابـنا بعـيد ليـن صـاعـب نـجانـا .. ويبـسن أعـروقـي .. أيجـيب النـجاء الله ربـي الفـوقـي..

أيـش صـار يـاعـرب فـي شـوق شـوقـي .. ضـاقـن أخلـوقـي .. وكـاس فـ الـغلاء الـيوم ريـت ريســوم سـوقـي

بنغازي هذين أصورها .. وين حضرها .. وأبواديها شن دمرها

بنـغازي هــذي حـالتـها ..... كـيف وليـــش ومــن حـاصـرهـا ..... ويـن النـاس اللــي أسـكنـتها ..... راحــت قــدام نـواظــرهـا ..... ويـن اللـي قـالــو سـاعتـها ..... مـا والــي يقـدر يقــــهرهـا ..... ويـــن ضـــناهـــا فـزاعتـها ..... ضــماديــن أحمــول دبـــرها ..... ليـش عـرب مـن برا جـتها ..... بســلاح أتــريــد أتحــررهـــا ..... ليــش طـراطيـش أعـويلتـها ..... بــين جـبابيـن ومـهــجرهـا ..... والـــدولــة كنــها بـاعتــها ..... مـا فيــها واحــــد عبــــرهـــا ..... كمــين حكـومــة أهـملـتها ..... مـن جيـــت جيـاب فـخرهــا ..... لــوكــان الكــلـمة كلـمتـها ..... تـو أيجـي جيـش وينــصرهـا ..... لافـوق أيعـلـي رايتــها ..... يمــسـح دمـعــات حـــرايــرهـــا ..... مكـبوتيــن أيبـــو نصـرتــها ..... لاقـــدام تـريـس نظــــرهــــا ..... مـاهــم رغـابـة سلــطتــها ..... تـو قــريـب أيبـــان خبـرهــا ..... غــير اللــوم أيــبات سعــتها ..... ع الصـفاق نـهار كـسـرهـا ..... ندعو لله أيهـفتـها ..... ويدثمرها ..... فتـنة سو أيزيل كدرها

بنغازي هذين أصورها .. وين حضرها .. وأبواديها شن دمرها

خذا سوكـ راح تبستي .. عليه أبكي .. أفرحنا نحسابوه أنجي

خـذا سـوكـ راح الهـوتيل ..... اللـي كـان أمـزين لبـلاد ..... اللي تصميمة كان جميل ..... طـرو جـاه أصويـريخ جـراد ..... اللـي فيـه التـوصيـف أيخـيل ..... اللـي مـايـل يـالا السـواد ..... اللـي شـوفه يبـري العلـيل ..... اللـي غـايـض كـان الحـساد ..... علـيه أبكـي وأبكـي بالحـيل ..... وحتـى ع الـحال والاولاد ..... اللـي مـاهـو مـعاق قتـيل ..... اللـي مـا هـو فـيد الجـلاد ..... اللـي مـاهـو بـالـدمـع أيسـيل ..... علـي فـقدت نـاسـه الأجـواد ..... اللـي مـو جـالـي جـاه السـيل ..... أيعـيط مـو لاقـي نشّـاد ..... السلـطة تمـت فـيد عـويـل ..... دمـار وسـرقـة وأستـعباد ..... مشـينا تحـت أنصـول الخـيل ..... علـي قـولـة خـايـن وأسـياد ..... أتعبـنا مـ الحـط ومـ الشـيل ..... ومـ الفـوضـى وهـ الإضطـهاد..

ديـري عـزا فـي ريحت إستـشواركـ ..... وفـيه شعـبنا كلة أيجـي وأيـشاركـ يا أمـدلله

ديـري عـزا فـي أضـياعـة ..... وبـ المـرة أسـاع أنعـددو ع السـاعـة ..... اللـي وسـط جـوفـي نـارهـن وﻻعـة ..... يعيـنكـ المـولـى كيـف فـات نـهاركـ ..... هـذيـن غـالـيات أوجـاعهـن تـباعـة ..... هـذيـن ﻷجلـهن جيـشكـ يخـوص مـعاركـ ..... هـذيـن فـي الغـلاء كـي وطـنا وأضـياعـة ..... المفـروض بـان كـي مـون جـاكـ وزاركـ ..... يا انـويـرتـي ضـقتـي المـوت أجـراعـة ..... بـريحـت عـطوركـ ليـن صـاف أخـضاركـ ..... وريحـت الشـفرة كـايـنة لـذّاعـة ..... وقطـعن علـينا وع العـباد أخـباركـ ..... وريحـت أصـوركـ مـي أفـعال شجـاعة ..... سـراقـكـ غـزا قلـن أمـعاه أقـداركـ..

نـازل دار عـزيـز أصـداري

نـازل دار عـزيـز أصـداري .. مـو مـتواري .. عيـنا عـين طلـيق أبحـاري


نـازل دار اصداره جينا .. تربي عينا .. وين ايشيل هذبها فينا

منها لين رماد أبقينا .. شوق سهاري .. ننساهن ويحوس مداري

خيكـ عاد الله أيعينا .. شي أجباري .. يحكي له باللي متواري

فيها خد أنوار مدينا .. فيها طاري .. لإحتفال بشي إكباري

والسالف غطا عرنينا .. ريم سحاري .. ما ماللي جاها ع الطاري

زول اللي وسطه رابينا .. رج إثاري ..  حوس نا والعين مداري


نـازل دار عـزيـز أصـداري .. مـو مـتواري .. عيـنا عـين طلـيق أبحـاري

نازل دار أصدار أعيوني .. جن أجنوني .. ما عاد الناس أيلوموني

عقلي مستاكي أكتروني .. خش سحاري .. تحلف طالنا الغباري

طالب عون الله أيجوني .. ضي أنظاري .. هاللي شل اليوم أفكاري

نزهاء لوكان أيضموني .. تعمر داري .. ع التبن أنحطو المذاري

تلتم الناس أيهنوني .. فوق أقداري .. وأنا نمدحهم بأشعاري

يا وطـن!!

يا وطـن مـاغـابـن علـيكـ قـهايـر .. .. بـين النـدامة والهـلاكـ اتخـاير

يـاوطـن مـاغـابـن علـيكـ كـوايـن ..... شـور الفـنا ممـشى ضـناكـ الـبايـن ..... علـيكـ روّح السـراق واللـي خـايـن ..... وغـابـو اللـي كـانـو اصـحاب ثـمايـر ..... بيـن العـرب شـاعـن اليـوم فـتايـن ..... وكـل فـرق فـي غـيره بـزور ايعـايـر ..... ايـام الهـناء راحـن أوراق غـصايـن ..... هـب الخـريـف بـريـح راح أطـايـر..

يا وطـن مـاغـابـن علـيكـ قـهايـر .. .. بـين النـدامة والهـلاكـ اتخـاير

يـاوطـن مـاغـابـن علـيكـ مـصايـب ..... بـلا شـين فـي اولادكـ المـولـى جـايـب ..... جـلايـب جـنايـزهـم اليـوم جـلايـب ..... مـقابـر مـلايـا ويحـشدو بـذخـايـر ..... تقـول جـايـهـم غـازي الالـف كـتايـب ..... اليـوم مـالغـلال أمـطلعـين طـمايـر ..... مـافـيه وقـتكـ يـاضنـينـي جـايـب ..... غـاب الصـلاح وودرو الـدبـايـر ..... عشـم بـان فيـهمـ مـن هـضاكـ الشـايـب ..... والإ اربـا فيـهم حتـر وأدايـر..

الـبلاد ضايعة ياأرجالها صبـولها

الـبلاد ضايعة ياأرجالها صبـولها ..... بـلا أقـطاف زايـد خـاربـة أخـربـان ..... مـا أيغـركـم قـولـة نبـو أنـديـرولـها ..... وأقـريـب أيـردن الأمـن والأمـان ..... أقـلال الحـياة راهـم اللـي خشـولـها ..... مـا أيسيـبوها تنـظرا أنظـران ..... الـدولة أنهارت وأختفى مفعولها ..... وراه كي عرب ريكسوس البرلمان ..... والله العليّ لوما تحزمتولها ..... ولميـتو بعضـكم تنـدمـو أنـدمـان ..... وتبـكو عليـها والبـكاء مـا ايمـولـها ..... إن كـان هـي أدّربـت لا أتفـيد أحـزان ..... لا أتغـركـم كلـمة ليـون أيقـولـها ..... ولا مـحاورا تحـصل وفـ أي مـكان ..... واصـلاح ذات البـين هـذي أسعـولـها ..... أنسـو قـول يـا لـزلام يـا جـردان ..... صفـو النـية وبالصـلاح أدعـولـها ..... وصلـو علـي المـرسـول بالقـرآن..

لـيا زمـان أنـكابـي ..... مـن غيـبت اللـي كـانـو دلال جـنابـي ..... علـي عـابيـين ونـا عليـهمـ عـابـي ..... أصـحاب الـكلامـ السـمح والسـهرايـه ..... اللـي بفـقدهـمـ فـاقـد اليـوم صـوابـي ..... الكـيد حـاطـه ع الـدمـعـ والـذرايـه ..... اللـي نـومـها غـايـب مـعـ غـيابـي ..... اللـي نسـبـهمـ منـسب أجـواد سـمايـه ..... اللـي دومـ كـانـو يـرفـعو مـن قـابـي ..... ايـش مـال نـارهـمـ تـرقـى امـعاي ارقـايـه ..... هـفيـت فـي بحـر طـايـح طـفا منـشابـي ..... اللـي فـ الـغلاء درتـه حسـكـ ذرايـه ..... اليـوم فـي الغـوالـي رايـحات اتعـابـي ..... لا عـد عليـهن نـشد لا طـرايـه..

الله يلعـنكـ يـا الشيـطان

الله يلعـنكـ يـا الشيـطان ..... خشـيت بيـنا وبيـن هلـنا ..... اليـوم كلـنا مـاسـكـ مـكان ..... رزيـم طبلـهم مـا شغلـنا ..... ورزيـم طبلـنا دار دنـان ..... أفـزعـو غـير للـي قتلـنا ..... كمـين قـرم عـالـي الشـان ..... أدفـدر نهـار انعـزلـنا ..... حصـل شـي مـا أيـديـرة إنسـان ..... الشيـطان طـرطـش سبلـنا ..... خـذو رأي دجـال فـتان ..... أسمـوم حطـهن فـي عسلـنا ..... واليـوم حيلـنا راح وأنـهان ..... حـايـريـن مـايـل عدلـنا ..... الجـار انتـهكـ عـرض جيـران ..... وانـساء ايـحاربـن فـي بـدلـنا ..... لحـريـر يشـغلو كـل عصـران ..... وغـابـن علـينا احيلـنا ..... مـن غيـض بـيه يـاقلـب مـلـيان ..... لـولاه رانـا كـملـنا ..... ولاحـاربـن فـيه نسـوان ..... وقـول قـتلـوهـن اوصـلـنا ..... بيـن خـوتهـن غـاب الأمـان ..... حـياة ذل بيـها اقـبلـنا..