سلامي علي اﻷصحاب

سلامي علي اﻷصحاب ماننساهم ..... علي قد ماتعرف الناس سلام ..... اللي بيض كي لون الحليب انياهم ..... وعارف أمقصر غير مانلتام ..... وعارفيني ماني اللي نجفاهم ..... غوالي وموش ارخاص للساوام ..... بلاد خايضة والحال ماايغباهم ..... فيها انلاجو شارقين دوام ..... النت منقطع والضي جاكم جاهم ..... والناس ع المقابر دايرين ازحام ..... وادموعهن سكايب ع الخدود انساهم ..... وحيل شعبنا جالي ابقي منظام ..... بنغازي طلع حفتر بجيش وجاهم ..... وقال ياانصار الشر ياظﻻم ..... اقريب سوا في الحال هو وأياهم ..... امغير يفرقو في الذبح والهندام ..... وعروس البحر والنهر ماني واهم ..... وعارف اللي صاير بلا الاعلام ..... اقلال خير فيها طالقين ضناهم ..... ترويع لصباياها وللأيتام..

لقيت راس بيت في إحدى الصفحات عجبني ومشيت عليه

ويقول ::

"خذي سوگ عدّن لِرْباص وتم خلاص عليه أقرا الناس والإخلاص خدي سوك"

وانا رديت::
خذا سوكـ لرباص الزين ..... اللي كان زمان امرجد ..... اللي كان ايزهي فـ العين ..... ضوايا كله ايتواقد ..... إلتموله هـ الشياطين ..... وكلتهم جيشه حشد ..... خراء مافيهم واحد زين ..... ولا عاقل ينهى ويرد ..... اخسارة رزق الليبيين  ..... مشاء بين احميده وحمد ..... تلاقو صار املاطم شين ..... مصاريت وزنتان الضد ..... وكلتهم بسلاح متين ..... مدافع والجراد ايرد ..... اللي تعبو ناس مساكين ..... طرابلسية ما لاحد ..... حريق وتدمير حواشين ..... خبر مايربح منه حد ..... عرب ماتعرف حرمة دين ..... وفي الراي العام اتحشد ..... اللي يوجع هـ المساكين ..... اللي مو محبوس اشرد ..... انكان حكيت يقولو وين ..... انت عن فبراير مرتد ..... اليوم قعدنا مشبوهين ..... ودون الناس الليبي قدرة طاح خلاص ..... خذي سوگ عدّن لِرْباص..

اقرب واحكيلي ع المطار .. وع الثوار .. اللي خلو لبلاد دمار

اقرب واحكيلي كيف اطري ..... فـ بنغازي .. اللي ماخلو فيها شي ..... ايشوف لحالتها ربي ..... ايطفي نار .. عربها واتعاود تعمار ..... اللي صارلها موش اشوي ..... اليوم دمار .. تقول عليها رد الثار..

اقرب واحكيلي عن الإخوان ..... اقلال الشان .. اللي باعوها لأردوعان ..... ومفتي البلاد الفتان ..... عليه الطار .. انشيلو ندعو ليل نهار ..... لقينا في غيدون امان ..... بلاده خان .. فتى فتوى تبع الاخوان..

اقرب واحكيلي عنهم زين ..... الليبيين .. انظامو في هـ الوقت الشين ..... اتقول الا صابتهم عين ..... اليوم دمار .. الدولة ماعدشي تذكار ..... بقو كيف اللي سكرانين ..... كبار اصغر .. تقول محركهم سحّار..

اقرب واحكيلي وين الجيش ..... قعد مافيش .. اطرطش ياناس اطرطيش ..... الجندي تم ايريد يعيش ..... أما مـ الدار .. جلاء والا محبوس اقصار ..... يتبع في ناس دراويش ..... ايمتا صار .. الجندي يتبع للتجار..

اقرب واحكيلي وين مشو ..... اللي نادو .. سعتا ويقولو ثارو ..... الدولة للإخوان عطو ..... الشعب انهار .. اوضاعه تصعب ع الكفار ..... بعد كنا وين انعدو ..... بكل افخار .. انصبو تصبايت الأميار..

اقرب واحكيلي وين الحل ..... الشعب انذل .. اشرد وادقدق وفشل ..... احلامة في غوط الباطل ..... كلتهن نار .. الفتنة والسرقة والثار ..... علي حفتر تم ايعول ..... يرد الثار .. يجيب كرمة للي ثار..

اقرب واحكيلي كيف ايصير ..... وكيف اندير .. الوطن ابقي في ايدين الغير ..... اللي حقيته شي خطير ..... عليه انصار .. انهدو واشباه الثوار ..... لها ماريتش مستقبل ..... ولاشي صار .. يفرح وينبّي بعمار..

اقربني واحكيلي بشواش ..... ولم اقشاش .. الزوبي وامثالة الاوباش ..... خيالة كيف البوكشاش ..... جهار نهار .. امعلق حقنا الانظار ..... امكتف جاء فوق اربعطاش ..... عليكـ اقهار .. حديث يطمّع الإستعمار..

ماأهناكـ ما ينزاد .. عروس البحر والنهر كـي بغداد اليوم حالها

مااهناكـ شي انقولة ..... امفيت ماايفرج ع البلاد المولى ..... اليوم رايحة بين العرب مخذولة ..... ستين همّ فوق الهّم لوّل زاد ..... وطريق النجاء تما بعيد أوصولة ..... أهموم واجدة تصعب على النشاد ..... طاحت اطياح امورها مجهولة ..... وفيها ضناها عايثين فساد ..... حاكمينها فرعة اتقول اصلولة ..... غصباً علي هلها وبـ الجلاد ..... تترع علي كل الدول محلولة ..... وجيوش واجدة مو جيش كي العباد ..... ماأهناكـ ما ينزاد..

.
.
ماأهناكـ ماينقال ..... مو ناقص عليها فيت الإحتلال ..... ايبوها دبي تمت الإ صومال ..... عطيب حالها بكل كساه سواد ..... راحلها امان وفرهدة ودلال ..... وفيها عصايب عايثات فساد ..... ماأهناكـ ما ينزاد..

.
.
ماأهناكـ شي أنعلة ..... أيجيكـ الفرج ياشعب من عند الله ..... عقدتو العقد وتوحلو في حلة ..... وهذي حقيقة مي بحاجة قوله ..... أصبحت ليبيا بين العرب منذلة ..... اليوم من فعايل شعبها مخذوله ..... بعد عزها والعز من عند الله ..... اتقوم القيامة لا اتعاود دوله ..... وطلبنا بعد هـ القول كله كله ..... يجيها فرج مـ اللي خلق العباد ..... ماأهناكـ ما ينزاد..

اصــــــبر علـــي الايـــــام

اصــــــبر علـــي الايـــــام ..... فــ الله الـــرجــــــــــــــــاء ..... يـــاا عبــــــد خلـــــــــــكـ ..... راســــــــــــخ الإيــــــمان ..... الدنــــــيا قليـــــلة خــــير ..... والــــــــــمال والضــــــناء ..... فيــــــــد الـــــــكريـــــــم ..... الواحـــــد الـمـــــــــــــنان ..... مااتقـــــول ضـــاقـــــــت ..... بي لاغــــاب الزهــــــــاء ..... اذكـــــــــــــــــــــــــر الله ..... وقــــــــــــــــــــــــــــــول ..... يــــاا مــــــــــــــــــــــنان ..... هو اللي خلق هـ الكــون ..... هــــــو رافــع الســــماء ..... وهـــــو اللــــــي خلـــق ..... هـ الطــير والحــــــــيوان ..... وهــــو اللــي بـدع فــي ..... الأرض بيـن يابـس ومــاء ..... وبالعــــقل هـــو اللــــي ..... مــــــــــيزا الإنــــــسان ..... وهو اللــي امنزل وحي ..... مــن ســابـــع ســــماء ..... هـــــــــو امــــــــــــنزل ..... الآيات فـــي القـــــــرآن ..... هو اللـي سرا برســـول ..... فـــي ليـــلة الإســـــراء ..... وهـــــو اللــــي نفــــــخ ..... فـي الطـين تم إنـــسان ..... ارفــع ايـديكـ وتــــــــوب ..... ديـــمة وأطـلــــــــــــباء ..... ايجـــيكـ الفــــــــــــــرج ..... مـابيـــــــــــن وان اووان..

هــذي نلقنـــها خــرافــــــة ..... طالـب مـ القــرّاي اقـــوالـــة ..... دزلــنا ع الفيــس اضـــافـــة ..... واحـــنا دغــري وافقـــــنالـة ..... ماهو مقــصــدنا الصخـــافــة ..... لانا للســـــــية حــــــمالــة ..... غير اللي باهـي فـ اوصـــافة ..... ماللـــــــنا واحــنا ملــنالــــة ..... ماســـكر سـاعـة ارتجـــافـة ..... ليــن بـداء قــال إستـــحالـة ..... نلقــــنا كـــثّر بـأقــطافــــــة ..... قــال مــشاكــل سبـــــبنالة ..... قــال بنلغـيها الإضــافـــــــة ..... مانـي عـارف وايـش جـرالــة ..... عـلّ خـبر كــيف الخـرافـــــة ..... ما جـابـش تبـرير افـــعالــــة ..... ماهــو واجعـني انصــرافـــة ..... سمح القول سليم اقوالـــة ..... ما يــوجــع غــير التـــفافـــة ..... سيبـني تسيــيب اقـــبالــة..

اتهون غلانة.. ياللي اسنين الود ريت امعانة .. سبحان من ايصدقها

‏‎smile‎‏ رمز تعبيراتهونة عادي 

ياللــــي عــليـنا قـــــبل كنــت ادادي ..... تعبـنا هبا يمشي حســكـ فــي وادي ..... بســيل جـور جـاء يدلـف قـوي اتـرعانا ..... ياللـي غـلا مـن روحـي اريا اﻻعــادي ..... خـذيتـهن وللســية اتجـي بالـــــعانا ..... هـذي مـن يقـــول اتصــــير يـاودادي ..... واحـنا قــــبل كـــنا حاتمــــين دنـانـا ..... لليوم ماغمضلي جفن فوق اوسـادي ..... مـن يـوم الفـراق امـعيشتـي تعـــبانا ..... واليـوم ماغـباكـ الـحال دون انــــدادي ..... ابروحــي امـهبـي والـزهـاء خــاطــانا ..... علي شـي ساهـل ماايقـم مـــعادي ..... امغير محش مالحاسد ومن شــيطانا ..... والـزلة اتصـير ومــوش عـيبة عـــادي ..... وراء الحـي مــو ديمة سقيم لــسانا ..... كـلامـكـ اوصلنــي يااعـيون مـــرادي ..... كـلام ثبت مـاهـو قـول قـــول فــلانا ..... انتــي اعــز ماعنـدي وحـق الهادي ..... اللــي امــنزل اﻵيات فـي قــــــرآنا..

اتبيعة بيعة ..... وتنـــــسى غلانا لولي وربيــــــــعة ..... هذي من ايصدقها عليك فــــــجيعة ..... وتنسف احﻻم امشيدات امــــــــعانا ..... وحد الله رب الـــــــــعباد وطيـــــعة ..... وراجع احساباتكـــــ ابعد شــــيطانا ..... وماتقول ﻻ تحسب غﻻك خديـــــعة ..... انت الروح مالكـــــها افداكــ ادمـــانا ..... وجيعة بعدها مااهناك وجـــــــــيعة ..... ان بعت الغﻻء وانت دمـي تــــدمانا ..... نلقانك انك غالي وهذي بيــــــــعة ..... انكان الغلاء بعته وقلت انســـــــانا..

11 يونيــــو

11 يونيــــو جلّــــى قــواعد عـــــنه ..... تــراب ليـــبـــيا ما ينــــــــكرا نكّــــر ..... حتـى انكانهـو طاغـي ايامــة جـــنة ..... أمـــن وأمـــان الحـــق وأستـــــقرار ..... وانكانهـو طلــع مالوطن ياخـذ طـــنة ..... يـالاه ديـــمة امــــوجــها الأنـــــظار ..... واليـوم شعـبها مانـيش عارف كــنة ..... فـي ليــبــيا العــزيزة نازلــين دمــار ..... اللي هذا عندة فـي الجواجـي غنة ..... وامصمم علي تكمـيـلت المــــشوار ..... والشـعب حـالـة يستــحق المـــنة ..... القــتل فـــي عـقابة وأولـة النــــهار ..... وتــما امـــقـسم مــا علـــينا مــنة ..... شــراقـة وغـرابة وقــاعــدة وأنــصار ..... وأخـوان ودروع وجــيش مـا حقـــنة ..... يـسايل علــيه ادمــوعـهن الأنـــظار..

بمناسبة خسارة البرازيل

خذت سوكـ يابرازيل ..... اخسرتي جابوها الالمان ..... شهادة كثرتي بالحيل ..... اطااول بالحيل الجرنان ..... فضيحة ما فيها تبديل ..... اصغرتي في عين العيّان ..... حقيقة مرة وتمهزيل  ..... عويل طلعتو في الميدان ..... ونا ماني فاضي بالحيل  ..... ولا يشغلنا هـ الجرنان ..... متاع الكورة والتهويل ..... وقولت كان فلان وكان ..... الا هكي شماته ودقيل ..... وتهوين العقل المليان ..... خبر واجد يبي تحليل ..... وقدام وسائل الاعلام ..... ايجي واحد فاهم بالحيل ..... الكورة وامقنط هندام ..... كلامة موش كلام عويل ..... ايفسر ماصار وكلام..

مــن قـال يااعــزاز ايصــير واتخلونـي اللــي قبل كنتو من بعــيد اتجونـــي

من حاسبـها ..... ايريح فــي هبا فاضـي العـين تعــبها ..... وتبقـــــى اتراجــي فـــيكـ ياغـــيابها ..... وفيـــــكم ايبــاتن خايـبات اضنونـــي ..... ايام والغــلا عامــر اسنـــــين طـربها ..... ماايشـــطها قـولة اللــي كرهونــي ..... الله والنبــي شــوفو اللــي صايبــها ..... بعدكـــم اتلاجــي دونكــم داوونــي..

مـــن اللــــي قــايل ..... ومـ اللي علي حالة اعيوني سايل ..... بعــدكــم قــــعدنا ع الدمـــوع ولايل ..... تـيار يذرفـن فاضن اجمام اجفوانـي ..... دليف سيلهن حتى اهذوبي شايل ..... اغزار حـيّرن جـملة اللـي لاقـونـي..