اتعيش مصر والسيسي ايعيش امعاها .. زعيــم قــادها لــبر النــجاة خــــــذاها

اتعـــــــــــــــــــــيش أبيــــــــــــــــة ..... أفتــكت بعـد مـرســـي أقـــطع طارية ..... اللـــــي لو شــــرف لادين لابيتـــــية ..... امــفــيت الجــماعة امــــتاعـته رقاها ..... انكانكـ اســمعت اتقــولة له غــــيرية ..... وهـــو لليـــــهود امفـــتحة خـــــلاها ..... وشـــعبة اســتاقظلة بعـــين قـــوية ..... صبــــــو مــلاين مــن اخــيار ضــناها ..... اللـي مارضو بلادهـم اتعـيش ســبية ..... امـواج فـي الشـوارع طالعـين امـعاها ..... ولـزو الســي مرســـي والاخوانـــية ..... وعاش جيشها ديمة اصفـوف ضـناها ..... ومنـي لـها مخــصوص ألـف تحــــية ..... لجيــشها وسيسـيها وكـل ضـــناها..

اخــسارة ياوطنــي الكبـــير

اخــسارة ياوطنــي الكبـــير ..... اليــوم قعـــدت ارويــقد ريح ..... اليوم اكــثر فـــيكـ التهجــير ..... وحـكامكـ ناس تماســــــيح ..... اللـــي هــذا عنده تفكــــير ..... وحاسب روحة هو الصحـيح ..... ومـابــو يشــــقو بالتدمـــير ..... خـبر صــاير يبـــي توضــيح ..... انظر فيها عاد ايش ايصـــير ..... الحــــرية مــن هـ الـرديــح ..... عـرب شيـنة ما فيــها خـير ..... اتبـــيع بعــضها وين اطــيح ..... بعـد كاينـلة شــان كبـــــير ..... الجيش قـعد ينهض وايطيح ..... ابقــي عـصابات خــــــنازير ..... اللي هضا ماشي في ميح ..... ألتـمو ويـن اهــناكـ حقـــير ..... حقيـقة بالعـربـي الفصــيح ..... ابلاد تبـي واحـد قنــــــتير ..... ومـا تبـرمــش امـعاه الريح ..... اسـقم راياتـه لـه تدبـــــير ..... وخِــطابة ناري وصـريـــــح ..... ايعـادي فـ امــريـكا والغــير ..... ايقـوللـهم طـز بتـوضــــيح ..... الحاصـل يخلـف ربــي خير ..... عليــها واتهبـي ياريـــــــح ..... ويلتـــــمو هـ المــــــضارير ..... اللـــي تعـبو غير تمــطويح ..... جوالـــــي عند ابلاد الغــير ..... عليهم اقبالة مايبو توضـيح ..... وهــلاّتــين ارزاق الغـــــير ..... اللـي جــوا هـ السـناكـيح ..... الله يعطيـهم مـرشـد خير ..... ايتـوبو للـمولـى السـميح..

دونـكـ وأحكيــلي موصـــاير

دونـكـ وأحكيــلي موصـــاير ..... خــبّر عـن هـ الحبــــــــتّية ..... ما تعـرف ويــن اللـــي غاير ..... كلتـــهم فــيدة شـرعــــية ..... ياا لاطيف علـيكـ بـــــصـاير ..... مافيــهم بنّـــــــة غـــيريـة ..... كلتـــهم دروحــــة ثايـــــــر ..... مـ الثـــــــوار الحيــــــــقية ..... ونا عقلي من راسي طاير ..... باللهِ ويـــن البيـــــــــــــتية ..... خلّو الشــعب الليبـي حاير ..... فاقـد مســــكـين جواجـية ..... ناس اخباث اقـلال ضــماير ..... شاخــو ع الــدولة الرديــة ..... خلوها فـي الـياس اتساير ..... يحـكو ويقـولـو العــــــصيّة ..... جابت لـو تعــلام امـــــواير ..... مـ العـــــصور الحجــــــرية..

احكـي يا ريدي كيـف ايصـــير

احكـي يا ريدي كيـف ايصـــير ..... امـعاكـ وفـي قليبـي الجــريح ..... انتــــي دمرتينـــــي تدمــــير ..... انصبـي مــن حــبكـ وانطــيح ..... غـلاكـ كبــــير ولــه تأثــــــــير ..... علي حالـي خــوذي الصحيح ..... انـكان ارضيتـي يبقــى خـــير ..... ان شاء الله يصـبر هـ الجـريح ..... وكــان رفضتينــــــي بنـــــدير ..... عزايا قــبل الشــمس اطيــح ..... علل واجــد يبــــي تفســــير ..... ايموح فــي عقلــي تمــويـح ..... انتــي حبـكـ راء شــي كبــير ..... ايعذب فــي قلبـي الـجريـــح ..... اللــي مـوته نا قولـــي خــير ..... أرحمـلة مـن هـ التمطــــويح ..... احصــــلت ومـا فــيه تدابـــير ..... أدّمـر عقلــي يبّــي تصلـــيح ..... اطريلــي كــي مـطرا الضـرير ..... اللـي خطـوة وحـدة وايطــيح ..... المـولــــى وصــانا بالخــــــير ..... ونصّــه فــي القـــرآن صريـح..

ســلــم ع الديمـقراطــية

ســلــم ع الديمـقراطــية ..... وحتــى نــوري بوسهــــين ..... مدعـوم بـ ناس اخونجـــية ..... ابها العــمالة مـعروفـــــين ..... ياا لطـــيف عليــكـ بلــــية ..... طاحــت فــوق الليبيـــــين ..... مادارو فـي الناس اشـوية ..... اللي ما مـات اليوم حـزين ..... ما يكـسابــوش الغــــيرية ..... خلّـوا الكـرامة فـ الطـــين ..... ويقــولوا ضــد الـشرعــية ..... وايقــولـــوا انقــلابيـــــين ..... ويقــولــــــوا دكــــتاتـورية ..... والعـهد الماضـي الحـزين ..... صحت وجه ومــش عادية ..... نسـيوا مـا داروا فـ الحين ..... مـا قـال أمــين القـومــية ..... صـــــــار وروه الليبـــــيين ..... يا أمـا فـاهمـها القــضـية ..... والإ هــمّا مســـحوريـــن..

ايفرج عليكـ الله يا‏بنغازي‬ .. .. دايلينكـ بسلاح هـ الكوازي

ايفرج عليكـ المولى ..... وايفرج علي ناسكـ بعد هـ الجولة ..... ان شاء الله العقدة الصاعبة امحلولة ..... وراء الهم قالو فيه كيف اتوازي ..... يانويرتي مامن عرب مقتولة ..... فيكـ ، فاهقكـ هلع اكبر متمازي ..... مشت ضد مجهولة ومي مجهولة ..... مامن جريمة قتل كيف اتعازي ..... انتي حالتكـ ماتحتملشي قولة ..... اتريد فعل من صنديد مو درّازي ..... ايقول قول كلتهم ايتبع قولة ..... ايطلع الباهي مـ العطيب ايوازي ..... عقاب ليل متوخّر ايديرو جولة ..... اتبات النظافة مـ الوسخ متوازي..

لا ايغربكـ حفتر .. ولا جاد الله .. كلام ما ايخش الراس كلّه كلّه

ماا ايغربكـ حفتر وقول كرامة ..... وقول جيش في العالم كبير مقامة ..... هاضوم غالبهم اقلال شهامة ..... واليوم ايش وقّظ قلبهم بسم الله ..... اصباعهم كلوهن من زمان ندامة ..... من شينة عملهم ليبيا منحلة ..... ايبو الحج عاد ورايدين سلامة ..... ابقولي خلاص اعقولهم مختلة ..... بلاد ضايعة ضيعت احقوق إيتامة ..... اصعب عقدها بالحيل واعر حلة..

ما ايغربكـ الانصار ..... ولا قول شيخ وقول ناس اطهار ..... اللي ايريد نصر الدين والمغوار ..... انهي القدس مُحتلة ان صح كلامة ..... والإ جيش وطنة والعرب كفار ..... وانكان عاد ذبّحهم ايزيد اسلامة..

ياصاحبــي اصّــدمت فــي ناس

ياصاحبــي اصّــدمت فــي ناس ..... كاينــــين عــندي غوالـــــي ..... فـ العـين قدرهم وفوق مـ الراس ..... مــا يوصــلة كـــل والــــــي ..... موش حب لاصـوب وإحساس ..... الإ انـعزهـم كــيف حالــــي ..... امـعاي قــصّرو كيـف الأنـفاس ..... كاينــين والقـــــدر عالــــي ..... خـذو راي وســـواس خــناس ..... الله يبـــعدة ع الغوالــــــــي ..... حسـو بذنبـهم خشّـو مــحاس ..... جبّــد فكـــرهم عـذر بالـــــي ..... خذيــت ليــل تنــهيد وانــفاس ..... وضيق صدر شـ اللـي جرالـي ..... اتقول فـي لاعبـين بـ امواس ..... تخمـيم ليـش هو ما حكالـي ..... قـعد حالهـم كــي البــزناس ..... بمــال ديـن ذنــبا امـوالــــي ..... وإن شاء الله يافـيس تردّاس ..... بعـدهــم ومـا ايـهم والــــي..

اصـحـاب درتـهم

اصـحـاب درتـهم فـيكـ يافـيس ..... وناس واجـدة يكـرهـونـي ..... عـرفت فـيكـ واجـد تريـس  ..... ونلقـانهــم يعـجــبونــي ..... وناس راس مالـها ادّحنيس ..... ما انحـبـهـم لا ايبـونــي ..... وبنات سـومهن ماهـو بخـيس ..... بنـات اصـل حقّـن اعيـونـي ..... سلـيم ردّهـن مو اتوسويس ..... لا قـدرهــن قــدر دونــي ..... وشـفت ناس مـوش ع القيـس ..... ع الــساهــلة ايسـاومـونـي ..... هـضوم سـومهم عـندي بخــيس ..... وطايحـين منـهن اجــفـــونــــي ..... واصـحاب لــي بــرا تريــس ..... وفــ الفـيـــس مـا قــدّرونــي ..... كان سـومـهـم ما هـو بخــيس ..... وخابـن اليــوم فيـهم أضنـونـي ..... ونـاس ديّـهــم غـير تمـسـيس ..... ضـايفــينــــي وتـوا ألغــونــي ..... يحسابو إنـي ميت اتوسويس ..... والا خـلاص كانهـم رخونـي ..... طريق النجاء والتــكوليــس  ..... مـوش لــي لا ترتّجونـي ..... اللـي ايريدنـي انكـونلــه قيـس ..... وياخـذ مـكان جـوا اعيونـي..

انسيت أنساكـ.. فرقت نسيتي انموت في سبكـ .. يقولو العرب كنكـ

انسيت أنساكـ.. فرقت نسيتي انموت في سبكـ .. يقولو العرب كنكـ

كنكـ انسيت غلاي ..... يقولو غلاكـ ايتم راه امعاي ..... ونا انقولكـ يالوعتي وابكاي ..... ماتنتسا راني هوا نهواكـ ..... انت دلالي وراحتي وغلاي ..... وعدن افكاري بالإجمال امعاكـ ..... كيف تنتسا يا حد حد أمناي ..... افداكـ لو فنيت العمر في مرجاكـ ..... غلاكـ في كنيني وسط وسط أحشاي ..... امسيطر علينا يااغالي راكـ ..... ماتنتسا لوكان هنت غلاي ..... دير في احسابكـ نا انموت بلاكـ..

فيه راس بيت يقول.. دليل خاطري مرات يطرب بيده .. ومرات نضايق انعانــــي كيـــــده

ونا انقول..

مرات يبقى طارب ..... ومرات يضايق ويبقى خارب ..... في هـ الحياة شايف شقا وتجارب ..... اواخذ علي هول الزمان وضربة ..... وعندي للهموم الصاعبات مسارب ..... مرات في المنام الحزن نوحى قربة ..... ولكن بعزمي حاطة ع الغارب ..... ظلم الزمان اللي علي ادربة ..... وياما نظرنا فـ الحياة تجارب ..... وعشنا حياة الفرهدة والغربة ..... وراء العبد فيه اوقات يبقى طارب ..... وهو اهموم  شايل دنيتا منظربة ..... ايواري علي لخرين شبه ايحارب ..... اموكل الله الكريم طالب قربة..

فيه ارياف ماهو كي اريافي

فيه ارياف ماهو كي اريافي ..... ارياف عليكـ يابو طبع زين ..... يابو قلب صافي يا الصافي ..... يابو عقل بافكارة رزين ..... انريد لقاكـ قاتلني اريافي ..... حالي تم من فرقاكـ شين ..... امفيت ايحن ربي يا اولافي ..... الا نا ضعت بـ أي الحالتين ..... ان كان رجيت يقتلني اريافي ..... وكان انسيت يقتلني حنين ..... انتم ليّ منهل ود صافي ..... ايام غلاي وانتم قاعدين ..... وعقلي توّ ياخذ فـ الفيافي ..... ايريد البوح مـ الغل الدفين ..... قريب انموت لين شانن اوصافي ..... لاني عقل لاني نوم زين ..... ايحن الله  واتجو يااولافي ..... امعاي القسم يبقى زين زين ..... اينوض اسعدي مـ نوم العوافي ..... هـ اللي فيه غارق له اسنين ..... انعيش ايام  فـ العمر الإضافي ..... دلال وعز بعد ارياف شين..