صار غلاهـم

صار غلاهـم ..... وين يغلطو مانـي اللــي نجفاهــم ..... انودهـم ومانقـدر انعـيش بلاهـــم ..... ولا هــم يطيـــقو يـوم ما يارونـــي ..... غـوالـي صحـيح وصـادقات انياهـم ..... لا ايقـصرو لاهـم اللـي يجـفونــي ..... واخـذين عقلـي والافـكار امـعاهـم ..... بعـطف وحـنان وودهــم غطونـــي ..... احملت الرجاء والموح في سباهم ..... ولا انطـيق نسـواهـم ولاينـسوني ..... ايجيبلـي الله اقســام بعد رجاهـم ..... وياخــذو دلال انـكان ود عـطونـــي..

امغير خطوني

امغير خطوني ..... لاني أمغاليكم ولا تعنوني ..... ياما ايام الود وديتوني ..... وياما ارتحنا فـ الحديث أمعاكم ..... نلقنكم أعزاز صحيح واتعزوني ..... ونا انعزكم عارف نظاف انياكم ..... لاكم غلاي ولا غلاء درتوني ..... بينا معزة من الله مولاكم ..... واللي ريتها في هـ الزمان الدوني ..... قصور شين صار ، وصار من يالاكم ..... ولاجل هذي نلقنكم خلاص أعفوني ..... ديرو اللي تصلح صواب امعاكم ..... لا الكم علي ملام لااتلوموني ..... ماللي ريتها منم الله ايهداكم ..... ياما شكيتلكم وشاكيتوني ..... وياما اضاحكنا احنا واياكم ..... وياما رفيق الدرب ماتنسوني ..... وياما حلفتولي براس ضناكم ..... الحاصل اني ننشد معاد ترجوني ..... جيين مرحبا وغبتو الله امعاكم..

هانا دون غلاء دارنّا .. مو عاد لنّا .. كي قال تباعد نسينّا

هانا دون غلاء دارنّا ..
مو عاد لنّا .. كي قال تباعد نسينّا
كان غلاه ربيع وجنّا
قبل ايبنّا .. في شرع الله ايحوزنّا
هن واياه دﻻل خذنّا..
ماينسنّا .. لعند القبر ايخشنّا
موش بعيد ايديرن غنّا ..
كي سمعنّا .. جنا سيارات خذنّا
غالي يبيهن وايبنّا ..
عهد عطنّا .. لين ايموتن ماينسنّا


هانا دون غلاء الغوالي ..
كان دﻻلي .. باني غير عليه آمالي
ريت امعاه ايام دلالي ..
ود خذنّا .. غير الياس حرمهن منّا
موش بعيد وﻻيدمالي ..
زاد هونّا .. كي من سرت العز لقنّا
نا واياه اسهرت ليالي ..
ودّ عطنّا .. كي ما هن لقينا منّا
واليوم انسيناه الغالي ..
مو عاد لنّا .. باع بدين بلاش هدنّا
هانا دون

يا عبد خليكـ مطمان.. وألقط أدروب الهداية

يا عبد خليكـ مطمان ..... وألقط أدروب الهداية ..... لايوجعكـ همّ وأحزان ..... راهن من الله عطايا ..... هو خالق الإنس والجّان ..... وله يرجعو فـ النهاية ..... عليه إتّكل هو الرحمن ..... أموزع أرزاقة سوايا ..... وخليكـ للناس ميزان ..... وقدوة وصاحب مزايا ..... وراء العبد من خُلق الإنسان ..... ماعمر حودد منايا ..... طمّاع مغرور فتّان ..... أوصاف من أخباث النوايا ..... وصآدق وزين خلق وإيمان ..... أوصاف هل أدروب السمايا ..... وعليه الصلاة دوم بإحسان ..... رسول ربنا بـ الهداية ..... وأختام قولنا يا المنان ..... لكـ الحمد لآخر نهاية..

عليهن خطر غالي ودارن ليلة امنين جاء وودعهن وشال رحيلة

دارن حالة ..... غزير دمعهن يدلف قوي شلالة ..... قدام العرب دران مناب اقبالة ..... عليهم اللي غابو بلا تسبيلة ..... اسماح السهاري حالهم من حالة ..... انظر زعم والا رضو تبديلة ..... عليه ما اسمعنا قول من قوالة ..... ولاعاد خبرنا بما جاريلة ..... بوعين سودة صايبة قتالة ..... تربي الخاطم وين ماترعيلة ..... غثيثها امعرم كايد الجدالة ..... واهذوبها هابه لهن تسبيلة ..... والعقل رازن ثابتات اقوالة ..... امدوزن كلامه ما اهناكـ مثيلة ..... عليهن خطر غالي..

دارن دورة ..... تيار دمعهن فلات سايل جورة ..... اذهبن شيرت اللي خالطات امورة ..... وحاس حوّسنا مو املاقي حيلة ..... عقاب ليل ما ركّح ارقي طيفورة ..... بالعين كي نظر فـ يد العزيز عويلة ..... اللي قبل كانن واخذات النورة ..... اليوم دمعهن يسكب اقلال الحيلة ..... عليهن خطر غالي..